Manchu Lakshmi: బాల‌య్య‌ను ప‌ట్టించుకోని ల‌క్ష్మీ మంచు.. చిరుంజీవికే ఓటు!

Manchu Lakshmi:మంచు ఫ్యామిలీ వార‌సుల్లో ఒక‌రైన ల‌క్ష్మీ మంచు పార్టీ మార్చేసింది. అదేంటి! ఇంత‌కీ ఆమె ఏ పార్టీ మార్చింద‌ని అనుకుంటున్నారా! వివరాల్లోకి వెళితే.. రీసెంట్‌గా ల‌క్ష్మీ మంచు ఓ వీడియోను త‌న సోష‌ల్ మీడియాలో పోస్ట్ చేసింది. ఇంత‌కీ ఆ వీడియోలో ఏముందో తెలుసా! ఆమె వాల్తేరు వీర‌య్య చిత్రంలో బాస్ పార్టీకి డాన్స్ చేసింది. అందులో ఆమెతో పాటు రంగ‌స్థ‌లం మ‌హేష్ కూడా ఉన్నారు. దీనిపై నెటిజ‌న్స్ రియాక్ట్ అవుతున్నారు. అయితే సంక్రాంతి రేసులో రెండు తెలుగు హీరోల సినిమాలు రేసులో ఉన్నాయి. ఒక‌టి నంద‌మూరి బాల‌కృష్ణ వీర‌సింహా రెడ్డి.. మ‌రోటి చిరంజీవి వాల్తేరు వీర‌య్య‌. ఈ రెండు సినిమాల‌కు సంబంధించిన సాంగ్స్ రిలీజ్ అయ్యాయి. అయితే ఈ రెండు సినిమాల్లో ల‌క్ష్మీ మంచు వాల్తేరు వీర‌య్య సినిమాలోని మాస్ బీట్‌కే డాన్స్ చేయ‌టంతో స‌ద‌రు వీడియో నెట్టింట తెగ వైర‌ల్ అవుతుంది.

మంచు ఫ్యామిలీ ఇటు మెగా కుటుంబానికి అటు నంద‌మూరి కుటుంబానికి చాలా క్లోజ్‌గా ఉంటారు. ల‌క్ష్మీ మంచు అయితే చిరు, బాల‌య్య‌ల‌లో నంద‌మూరి హీరోపై కొన్ని సంద‌ర్భాల్లో ఎక్కువ‌గా అభిమానాన్ని చాటుకుంది. అయితే ఈ సంక్రాంతి రేసులో మాత్రం ల‌క్ష్మీ మంచు ఓటు మాత్రం చిరంజీవికే ప‌డింద‌నే టాక్ వైర‌ల్ అవుతుంది. వీరసింహా రెడ్డి వ‌చ్చే సంక్రాంతి సంద‌ర్భంగా జ‌న‌వ‌రి 12న రిలీజ్ అవుతుంది. వాల్తేరు వీర‌య్య చిత్రం జ‌న‌వ‌రి 13న రిలీజ్ అవుతుంది.

Share

• 
• 
• 
• 
• 
•