ManojWedsMounika: వివాహబంధంలోకి మనోజ్, మౌనికారెడ్డి.. ఫొటోలు వైరల్

ManojWedsMounika: టాలీవుడ్ హీరో మంచు మనోజ్, భూమా మౌనికారెడ్డి వివాహబంధంలోకి అడుగుపెట్టారు. ఏడడుగులు వేసి ఒక్కటయ్యారు. శుక్రవారం రాత్రి ఫిలింనగర్‌లోని మంచు లక్ష్మి నివాసంలో వీరి పెళ్లి వైభవంగా జరిగింది. కుటుంబ సభ్యులు అత్యంత సన్నిహితులు పెళ్లికి హాజరై నవదంపతులను ఆశీర్వదించారు. ప్రస్తుతం మనోజ్, మౌనికల పెళ్లికి సంబంధించిన ఫొటోలు సోషల్ మీడియాలో వైరలవుతున్నాయి. నెటిజన్లు, అభిమానులు శుభాకాంక్షలు తెలుపుతూ కామెంట్లు పెడుతున్నారు.

ఇక వీరిద్దరికీ ఇది రెండో పెళ్లి. మనోజ్ 2015లో ప్రణతీరెడ్డిని పెళ్లి చేసుకున్నాడు. అయితే కొంతకాలానికే వారిద్దరి మధ్యలో మనస్పర్థాలు రావడంతో 2019లో విడాకులు తీసుకొని విడిపోయారు. అలాగే భూమా మౌనికకు కూడా ముందు బెంగళూరుకు చెందిన వ్యాపారవేత్తతో పెళ్లి జరిగింది. ఆ తర్వాత వారు కూడా విడాకులు తీసుకున్నారు.

మనోజ్‌, మౌనికలకు మొదట చెన్నైలో పరిచయం ఏర్పడింది. అదికాస్త కొద్దిరోజులకు ప్రేమగా మారింది. పోయిన ఏడాది హైదరాబాద్‌లోని ఓ గణేష్ మండపానికి గణేష్, మౌనిక కలిసి వెళ్లి పూజలు చేశారు. అప్పటికే వారిద్దరూ రిలేషన్‌లో ఉన్నారని వార్తలు రాగా.. ఇద్దరు కలిసి పూజలు చేయడం ఆ వార్తలకు మరింత బలం చేకూర్చింది. ఇక శుక్రవారం ఉదయం మనోజ్ తనకు కాబోయే భార్య ఫొటోను షేర్ చేస్తూ.. పెళ్లి కూతురు అంటూ క్యాప్షన్ ఇచ్చారు. రాత్రి 8.30 గంటలకు మౌనికారెడ్డి మెడలో మూడుముళ్లు వేసి వివాహబంధంతో ఒక్కటయ్యారు.

Share

• 
• 
• 
• 
• 
•