Namitha: విజయ్ తో పోటీ.. డిపాజిట్లు కూడా దక్కవు

Namitha: సొంతం సినిమాతో తెలుగుతెరకు పరిచయమైన బ్యూటీ నమిత. మొదటి సినిమాతోనే తెలుగు కుర్రకారు గుండెల్లో ముద్రవేసుకుని కూర్చున్న ఈ బ్యూటీ ఆ తరువాత బొద్దుగా మారి.. తమిళ తంబీల ఆరాధ్య దైవంగా మారింది. ఆమె అందానికి ఫిదా అయిన కొందరు ఆమెకి ఏకంగా గుడి కూడా కట్టారు. ఇలా నమితకు మాత్రమే చేయలేదు.. అంతకుముందు ఖుష్బూకు కూడా ఇలాగే గుడి కట్టారు.

ఇక ఇవన్నీ పక్కన పెడితే. తెలుగు,తమిళ్, మలయాళ చిత్రాల్లో నటించిన నమిత 2017 లో వీరేంద్ర చౌదరిని వివాహమాడి సినిమాలకు గ్యాప్ ఇచ్చింది. గతేడాది ఆమె కవల పిల్లలకు జన్మనిచ్చింది. ఇక సినిమాలకు దూరమైన నమిత రాజకీయాల్లోకి రంగప్రవేశం చేసింది. మొదటి నుంచి కూడా ఆమె బీజేపీ తరుపున ప్రచారం చేస్తూ వస్తుంది.తాజాగా లోక్ సభ ఎన్నికల నేపథ్యంలో తమిళనాడుకు చెందిన కేంద్రమంత్రి ఎల్. మురుగన్ తరుపున ఆమె ప్రచారం చేస్తుంది.

ఇక ఈ నేపథ్యంలోనే నమిత మాట్లాడుతూ.. “2026 లో నేనే బీజేపీ తరుపున నిలబడతాను.కచ్చితంగా హీరో విజయ్ కు పోటీ ఇస్తా. రాజకీయాల్లో తెలివైన ప్రత్యర్థితో పోటీ చేస్తేనే ఎదుగుదల ఉంటుంది. విజయ్ కూడా రాజకీయాల్లో రాణించాలని కోరుకుంటున్నాను” అంటూ చెప్పుకొచ్చింది. ఇక నమితను చూడడానికి ప్రజలు ఎగబడ్డారు. ఇకపోతే నమిత, విజయ్ పై పోటీ చేస్తాను అని చెప్పేసరికి విజయ్ యాంటీ ఫ్యాన్స్ విమర్శించడం మొదలుపెట్టారు. నమిత కనుక నిలబడితే.. విజయ్ కు డిపాజిట్లు కూడా గల్లంతే అని కామెంట్స్ చేస్తున్నారు.