NBK: ‘భగవంత్ కేసరి’.. బాలయ్య డోంట్ కేర్..

NBK: ‘భగవంత్ కేసరి’. పోలా.. అదిరి పోలా. నందమూరి నటసింహం బాలయ్య బాబు కొత్త సినిమా టైటిల్ ఇది. ‘ఐ డోంట్ కేర్’.. అనేది సబ్ టైటిల్. అనిల్ రావిపూడి డైరెక్షన్లో తెరకెక్కుతున్న మూవీకి ఈ టైటిల్‌ను అనౌన్స్ చేశారు. జూన్ 10న ఎన్బీకే బర్త్ డే సందర్భంగా.. రెండు రోజుల ముందే ‘భగవంత్ కేసరి’ టైటిల్ రివీల్ చేశారు.

ఇన్నాళ్లూ వచ్చిన బాలకృష్ణ సినిమాలకు డిఫరెంట్‌గా ఉందీ టైటిల్. తెలుగు ఫిలిం ఇండస్ట్రీలో ఎన్నడూ లేని విధంగా రికార్డు స్థాయిలో 108 లొకేషన్లలో టైటిల్ అనౌన్స్ చేశారు. తెలుగు రాష్ట్రాల్లోని 108 హోర్డింగ్స్ మీద టైటిల్ పోస్టర్లు వేశారు. బాలయ్యకు జోడీగా కాజల్‌ అగర్వాల్ నటిస్తున్న ఈ మూవీలో శ్రీలీల కీలక పాత్ర పోషిస్తుస్తోంది. థమన్‌ సంగీతం అందిస్తున్నారు. షైన్‌స్క్రీన్‌ పతాకంపై సాహు గారపాటి, హరీశ్‌పెద్ది నిర్మిస్తున్నారు. శరవేగంగా చిత్రీకరణ జరుపుకొంటున్న ఈ భగవంత్‌ కేసరిని దసరా కానుకగా విడుదల చేసేందుకు సన్నాహాలు చేస్తున్నారు.

ఇక. ఎన్‌బీకే పుట్టినరోజు సందర్భంగా కొత్త సినిమా ప్రకటన కూడా రానుంది. ఆయన హీరోగా బాబీ దర్శకత్వంలో సితార ఎంటర్‌టైన్‌మెంట్స్ పతాకంపై సూర్యదేవర నాగవంశీ ఓ సినిమా చేస్తున్నారు. ఆ సినిమాను ఈనెల 10న ప్రకటించనున్నట్లు సమాచారం. అనిల్ రావిపూడి సినిమా కంప్లీట్ అయ్యాక బాబీ మూవీ సెట్స్‌పైకి వెళ్లనున్నట్లు టాక్.