Nivetha Thomas Birthday : తెలుగు ఇండస్ట్రీలో చాలా వరకు హీరోయిన్లు పక్క రాష్ట్రాల నుంచి వచ్చి బాగా సెటిల్ అయిపోయిన వారే. అలా తెలుగు ఆడియన్స్ కి విపరీతంగా నచ్చే హీరోయిన్లలో మలయాళం బ్యూటీ నివేతా థామస్ ఒకరు. నాచురల్ స్టార్ నాని జెంటిల్మెన్ మూవీతో తెలుగు సినీ ఇండస్ట్రీకి ఈ కేరళ కుట్టి పరిచయం అయింది. ఆ తరువాత రెండు మూడు సంవత్సరాలు వరుస సినిమాలతో తెలుగు ప్రేక్షకులకు మరింత చేరువైంది.
ఈ బ్యూటీ నవంబర్ 2, 1995లో కేరళలోని కన్నూర్ లో జన్మించింది. అంటే ఈ నవంబర్ 2కి అచ్చంగా ఈ బ్యూటీ కి 28 సంవత్సరాలు. వరుస క్రేజీ ప్రాజెక్ట్స్ లో తెలుగు ప్రేక్షకుల మది దోచుకున్న ఈ బ్యూటీ సోషల్ మీడియాలో బాగా హల్ చల్ చేస్తూ ఉంటుంది. అయితే గత కొద్ది కాలంగా ఎందుకో నివేతా సినిమాల గురించి ఎటువంటి అప్డేట్స్ లేవు.
నివేతా తన సినీ కెరియర్ ను మలయాళం మూవీ ఉత్తరలో ఒక బాల నటిగా ప్రారంభించింది. సన్ టీవీలో ప్రసారమయ్యే మై డియర్ బూతం అనే చిన్న పిల్లల షోలో కూడా నటించింది. తర్వాత చాలా తమిళ్, మలయాళ మూవీస్ లో సహాయ నటిగా నటిస్తూ క్రమంగా హీరోయిన్ రేంజ్ కు ఎదిగింది. తెలుగులో జెంటిల్మెన్ , నిన్ను కోరి, జై లవకుశ లాంటి మంచి హిట్ చిత్రాల్లో నటించింది.
దర్బార్ మూవీలో రజనీకాంత్ కూతురుగా నటించి తన యాక్షన్ తో అందరి మనసులు దోచుకుంది నివేతా. ఆ తర్వాత క్రమంగా ఆమెకు మూవీ ఆఫర్స్ తగ్గుతూ వచ్చాయి. పవన్ కళ్యాణ్ నటించిన వకీల్ సాబ్ మూవీలో కీలక పాత్ర పోషించింది. రెజీనా కాసాండ్రా తో కలిసి శాకినీ డాకినీ అనే హారర్ కామెడీ చిత్రంలో నివేతా నటన వేరే లెవెల్ లో ఉంటుంది. ఇక ఈ మూవీ తర్వాత తిరిగి నివేతా సినిమాలపై ఎటువంటి అప్డేట్స్ లేవు. మరోపక్క ఆమె నుంచి మరిన్ని మూవీ అప్డేట్స్ కోసం అభిమానులు ఆసక్తిగా ఎదురుచూస్తున్నారు.
ఈ బ్యూటిఫుల్ కేరళ కుట్టి బర్త్ డే సందర్భంగా బిగ్ టివి తరఫున జన్మదిన శుభాకాంక్షలు.
Share
World Cup 2023 : సౌతాఫ్రికా, ఆస్ట్రేలియా ఈ దూకుడేంటి? మరి ఇండియా పరిస్థితేంటి?
Waqf Board : కేసీఆర్, మాల్లారెడ్డే టార్గెట్.. వక్ఫ్ బోర్డ్ బాధితులు సంచలన నిర్ణయం..
