Ustaad Bhagat Singh:ప‌వ‌ర్‌స్టార్ పవన్ క‌ళ్యాణ్ హీరోగా హ‌రీష్ శంక‌ర్ దర్శ‌క‌త్వంలో రూపొందుతోన్న తాజా చిత్రం ఉస్తాద్ భగత్సింగ్. మైత్రీ మూవీ మేక‌ర్స్‌కి నిర్మిస్తున్న ఈ మూవీ ఆదివారం లాంఛ‌నంగా ప్రారంభ‌మైంది. ఈ సినిమా ఈవెంట్‌కి పవన్ క‌ళ్యాణ్ ఆర్మీ వాళ్లు వేసుకునే డ్రెస్ వేసుకుని రావ‌టం అనేది హాట్ టాపిక్‌గా మారింది. పవన్ ఓ వైపు సినిమాలు చేస్తూనే రాజ‌కీయాల్లోనూ బిజీగా ఉన్నారు. రీసెంట్‌గా ఆయ‌న రాజ‌కీయ ప్ర‌చారం కోసం వారాహి అనే వాహ‌నాన్ని త‌యారు చేసుకున్నారు. దీనిపై ఆలివ్ గ్రీన్ క‌ల‌ర్ వేసుకున్నారు.
దీనిపై వైసీపీ నాయ‌కులు, ఇత‌రులు కొంద‌రు అభ్యంత‌రాన్ని వ్య‌క్తం చేశారు. ఆర్మీ వాళ్లు ఉప‌యోగించే ఆలివ్ గ్రీన్ క‌ల‌ర్‌ను పవన్ క‌ళ్యాణ్ ఎలా ఉప‌యోగిస్తారంటూ కామెంట్స్ చేశారు.ఈ నేప‌థ్యంలో పవన్ సైతం ట్విట్ట‌ర్ వేదిక‌గా వైసీపీ నాయ‌కుల‌కు కౌంట‌ర్ ఇచ్చారు. ఈరోజు ఫ‌లానా ప‌ని చేయ‌కండ‌ని అంటున్నారు. మ‌రి శ్వాస తీసుకోవ‌చ్చా అని అడిగారు. అలాగే ఆలివ్ గ్రీన్ క‌ల‌ర్ ష‌ర్ట్ చూపించి దాన్ని వేసుకోవ‌చ్చా? అని కూడా అడిగారు.
ఇప్పుడు ఉస్తాద్ భ‌గ‌త్ సింగ్ సినిమా ప్రారంభానికి పవన్ ఆలివ్ గ్రీన్ క‌ల‌ర్ ష‌ర్ట్‌నే వేసుకుని వ‌చ్చారు. వైసీపీ నాయ‌కుల‌కు కౌంట‌ర్ ఇవ్వ‌టానికే పవన్ అలా చేశార‌ని కొంద‌రు అంటున్నారు. త‌మిళ చిత్రం తెరికి రీమేక్‌గా ఉస్తాద్ భగత్సింగ్ సినిమా రూపొందుతుంద‌ని టాక్ బ‌లంగా వినిపిస్తుంది. కానీ.. చిత్ర యూనిట్ మాత్రం ఏమీ స్పందించ‌లేదు.
Share
Delhi Airport : ఢిల్లీ ఎయిర్ పోర్ట్ పై ఫిర్యాదులు.. ఆ సమస్యలకు పరిష్కారమేది..?
TCongress : టీకాంగ్రెస్ లో అసంతృప్తి జ్వాలలు.. చల్లార్చేదెలా..?
