Ram Charan: జనసేనాని గెలుపుపై యువసేనాని పోస్ట్.. గర్వంగా ఉంది అంటూ..

Ram Charan: బాబాయ్ గెలుపు కోసం అబ్బాయ్ ఎంతలా పోరాడాడో ప్రత్యేకంగా చెప్పాల్సిన అవసరం లేదు. పవన్ కళ్యాణ్ జనసేన పార్టీని స్థాపించనప్పటి నుంచి రామ్ చరణ్ ఎప్పుడు వెన్నంటే ఉంటూ బాబాయ్ ను కాపాడుతూ వస్తున్నాడు. డైరెక్ట్ గా.. ఇన్ డైరెక్ట్ గా తండ్రిని కానీ, బాబాయ్ ను కానీ ఎవరైనా ఏదైనా మాట అంటే.. ఎలాంటి పరిస్థితిలోనైనా చరణ్ అస్సలు ఊరుకోడు.

పవన్ కు నిత్యం తోడుగా ఉంటూ.. ఆయన గెలుపుకు కృషి చేసినవారిలో చరణ్ ముందు ఉంటాడు. ఇక ఎన్నికల ప్రచారంలో కూడా చరణ్.. బాబాయ్ కు తోడుగా నిలబడ్డాడు. చివరిరోజు ప్రచారంలో పిఠాపురంలో చరణ్ ఎంట్రీ.. పెద్ద రికార్డ్ సృష్టించిందనే చెప్పాలి. బాబాయ్- అబ్బాయ్ అలా అభిమానులకు అభివాదం చేయడం చూసిన ఫ్యాన్స్ ఫిదా అయిపోయారు.

ఇక అప్పటినుంచి చరణ్ కు యువసేనాని అని బిరుదును కూడా ఇచ్చేశారు. ఎంతగా అభిమానులు ఇబ్బంది పెట్టినా కూడా చరణ్.. ఎంతో సహనంగా ఆలయంలో బాబాయ్ గెలవాలని పూజలు జరిపించాడు. ఇక ఆ దేవుడి అనుగ్రహంతో పవన్ భారీ మెజారిటీతో గెలిచి చూపించాడు. ఈ విజయాన్ని అభిమానులు సెలబ్రేట్ చేసుకుంటూ.. పవన్ కు శుభాకాంక్షలు తెలుపుతున్నారు. ఫ్యాన్స్ తో పాటు ఇండస్ట్రీ మొత్తం పవన్ కు సోషల్ మీడియా ద్వారా శుభాకాంక్షలు తెలుపుతుంది.

తాజాగా అబ్బాయ్ కూడా.. బాబాయ్ విజయంపై ట్వీట్ చేసాడు. ” మా కుటుంబానికి గర్వకారణమైన రోజు.. అద్భుతమైన విజయాన్ని అందుకున్న పవన్ కళ్యాణ్ గారికి నా అభినందనలు” అంటూ చెప్పుకొచ్చాడు. ప్రస్తుతం ఈ పోస్ట్ నెట్టింట వైరల్ గా మారింది. యువసేనాని.. జనసేనాని గెలవడంతో నీ వంతు పాత్ర కూడా ఉంది అంటూ అభిమానులు కామెంట్స్ పెడుతున్నారు.