Mr Bachchan: మాస్ మహారాజా రవితేజ, భాగ్యశ్రీ బొర్సె జంటగా హరీష్ శంకర్ దర్శకత్వంలో తెరకెక్కుతున్న చిత్రం మిస్టర్ బచ్చన్. పీపుల్ మీడియా ఫ్యాక్టరీపై టిజి.విశ్వ‌ప్ర‌సాద్ ఈ సినిమాను నిర్మిస్తున్నాడు. ఇక ఈ చిత్రంలో జగపతి బాబు విలన్ గా కనిపించబోతున్నాడు. ఇప్పటికే ఈ చిత్రం నుంచి రిలీజైన పోస్టర్స్, షో రీల్ ప్రేక్షకులను విశేషంగా ఆకట్టుకున్న విషయం తెల్సిందే.
ఇక ఈ మధ్య మిస్టర్ బచ్చన్ నుంచి వరుస అప్డేట్స్ ఇస్తామని అభిమానులకు మాట ఇచ్చినట్లే రోజుకో అప్డేట్ ఇస్తూ సినిమాపై అంచనాలను పెంచేస్తున్నారు. తాజాగా మిస్టర్ బచ్చన్ మ్యూజికల్ ఫెస్టివల్ మొదలైనట్లు తెలుపుతూ.. మొదటి పాటకు ముహూర్తం పెట్టారు. అంతేకాకుండా మొదటి సాంగ్ ప్రోమోను కూడా మేకర్స్ రిలీజ్ చేసారు. రొమాంటిక్ సాంగ్ తోనే మ్యూజికల్ ఫెస్టివల్ ను మొదలుపెట్టారు.
సాంగ్ ఏంటో తెలియదు కానీ, ప్రోమోలో మాత్రం రవితేజ, భాగ్యశ్రీ రొమాన్స్ నెక్స్ట్ లెవెల్ అని చెప్పాలి. రవితేజ ప్రతి సినిమాలో ఒక రొమాంటిక్ సాంగ్ ఉంటుంది. అది కూడా అలా ఇలా కాదు.. ఇక ఇందులో కూడా అలాంటిదే ఉంటుందని ఈ ప్రోమో ద్వారా తెలుస్తోంది.
లంగా వోణిలో భాగ్యశ్రీ అందం ఒక ఎత్తు అయితే.. ఆమెతో రవితేజ రొమాన్స్ మరో ఎత్తు అని చెప్పాలి. ఈ సినిమా కథ 90 వ దశకంలో జరుగుతున్నట్లు తెలుస్తోంది. ఈ సినిమాకు మిక్కీ జే మేయర్ సంగీతాన్ని అందిస్తున్నాడు. ప్రస్తుతం ఈ ప్రోమో నెట్టింట వైరల్ గా మారింది. త్వరలోనే ఈ సినిమా ప్రేక్షకుల ముందుకు రానుంది. మరి మిస్టర్ బచ్చన్ తో రవితేజ- హరీష్ శంకర్ ఎలాంటి విజయాన్ని అందుకుంటారో చూడాలి.
Share
Rahu- Shani Conjunction: రాహు-శని సంయోగంతో జూలై 8 నుండి ఈ రాశి వారికి శ్రేయస్కరం
Grahan Yog: గ్రహణ యోగం అంటే ఏమిటి ? దీని వల్ల ఎదురయ్యే అనార్థాలేంటి ?
