Sai Rajesh : కొన్నిసార్లు కొన్ని సినిమాలు ఎటువంటి విజయాన్ని సాధిస్తాయి అని ఎవరు ఊహించలేరు. అలానే ఎన్నో అంచనాలతో వచ్చిన కొన్ని సినిమాల్లో బాక్స్ ఆఫీస్ వద్ద డిజాస్టర్ గా మారిన సందర్భాలు కూడా చాలా ఉన్నాయి. ఇక చాలామంది తెలుగు ఫిలిం ఇండస్ట్రీలో నమ్మే సిద్ధాంతం ఇక్కడ కంటెంట్ కింగ్ అని. అలా కంటెంట్ నమ్ముకుని వచ్చిన చాలా సినిమాలు బాక్స్ ఆఫీస్ వద్ద అద్భుతమైన విజయాలు సాధించాయి. పెద్ద పెద్ద సినిమాలతో పాటు రిలీజ్ అయిన చిన్న సినిమాలు కూడా మంచి కలెక్షన్స్ వసూలు చేసాయి. రీసెంట్ టైమ్స్ లో కమిటీ కుర్రోళ్ళు, ఆయ్ వంటి సినిమాలకు మంచి లాభాలు వచ్చాయి. అలానే మంచి ప్రశంసలు కూడా దక్కాయి. ఇక అలా చిన్న సినిమాగా ఒకప్పుడు సంచలనం సృష్టించింది బేబీ.
సాయిరాజేష్ దర్శకత్వం వహించిన ఈ సినిమాలు ఆనంద్ దేవరకొండ, వైష్ణవి చైతన్య, విరాజ్ ఆనంద్ కీలకపాత్రలో కనిపించారు. అయితే ఈ లవ్ స్టోరీ రిలీజ్ అవ్వకముందే మంచి బజ్ క్రియేట్ చేసింది. ఈ సినిమాకి మంచి ఓపెనింగ్స్ కూడా వచ్చాయి. సినిమా రిలీజ్ కంటే ముందు రోజు ప్రీమియర్ షోస్, హైదరాబాద్లో వేసారు. ఈ ప్రీమియర్ షోస్ కి మిక్స్డ్ రివ్యూస్ వచ్చాయి. అయితే టీం మాత్రం సినిమా మీద చాలా కాన్ఫిడెంట్ గా ఉన్నారు అని చెప్పాలి. నిర్మాత ఎస్ కే ఎన్ సినిమా పూర్తి బయటికి వచ్చిన వెంటనే కల్ట్ బ్లాక్ బస్టర్ కొట్టేసాం అంటూ స్టేట్మెంట్ ఇచ్చారు. ఆ తర్వాత ఆ సినిమాకి నార్మల్ ఆడియన్స్ కూడా బ్రహ్మరథం పెట్టారు. కాలేజ్ స్టూడెంట్స్ అంతా విపరీతంగా ఆ సినిమాను ఎంజాయ్ చేశారు. అలానే ఆ కథను నిబ్బాని బి అని కామెంట్ చేసిన వాళ్ళు కూడా ఉన్నారు.
రీసెంట్ గా ఇచ్చిన ఒక ఇంటర్వ్యూలో ఈ సినిమా గురించి కొన్ని ఆసక్తికర విషయాలు పంచుకున్నారు దర్శకుడు సాయి రాజేష్. అయితే ఈ సినిమాలో బాగా హిట్ అయిన పాట “ఓ రెండు ప్రేమ మేఘాలు”. ఈ సినిమాకి సంబంధించిన టీజర్ రిలీజ్ చేసినప్పుడే బ్యాగ్రౌండ్ లో ఈ పాట వినిపిస్తూ ఉంటుంది. టీజర్ లో హైలెట్గా నిలిచింది కూడా ఈపాటే. ఈ పాటే సినిమా మీద చాలా అంచనాలను పెంచింది అని చెప్పాలి. అయితే ఈ పాట విషయానికి వస్తే ఈ పాట కనీసం 100 మిలియన్ వ్యూస్ దాటుతుంది అని దర్శకుడు సాయి రాజేష్ ఎక్స్పెక్ట్ చేశారట. అయితే ఈ పాటకు 1 మిలియన్ అండ్ ఆఫ్ వచ్చిన తర్వాత సడన్ గా వ్యూస్ ఆగిపోయాయి. ఆ తర్వాత దీన్ని 5 మిలియన్ వ్యూస్ వరకు దర్శకుడు సాయి రాజేష్ పుష్ చేశారు. ఈ విషయం చెబుతూ మా నిర్మాత ఏమనుకున్న పర్లేదు ఫైవ్ మిలియన్ వ్యూస్ వరకు నేను పోస్ట్ చేశాను అంటూ రివిల్ చేశారు. అలానే ఇది చెప్తే ఇప్పుడు కాంట్రవర్సీ అవుతుంది అని కూడా తెలిపారు.
మొత్తానికి ఓ రెండు ప్రేమ మేఘాలు అనే పాట కొన్ని రీల్స్ వలన బాగా పాపులర్ అయింది. ఎక్కడపడితే అక్కడ ఆ పాట వినపడుతూ వచ్చింది. ఇప్పటికీ కొన్నిచోట్ల ఆ పాట వినిపిస్తూనే ఉంటుంది. అంత మంచి మ్యూజిక్ ని అందించాడు సంగీత దర్శకుడు విజయ్ బుల్గనిన్. ఈ సినిమాకి విజయ్ అందించిన మ్యూజిక్ బిగ్గెస్ట్ ప్లస్ పాయింట్ అయింది. అలానే చాలా సందర్భాల్లో విజయ్ మ్యూజిక్ గురించి, విజయ్ కి మ్యూజిక్ మీద ఉన్న అవగాహన గురించి చాలా సందర్భాల్లో చెబుతూ వచ్చారు దర్శకుడు సాయి రాజేష్. ఇక బేబీ సినిమా ఫలితం గురించి ప్రత్యేకంగా చెప్పాల్సిన అవసరం లేదు దాదాపు 50 కోట్లకు పైగా ఈ సినిమా వసూలు చేసింది. అలానే ఎస్కేఎన్ ను టాప్ ప్రొడ్యూసర్ చేసింది.
Share
Trump Advice To Israel: 'ఇరాన్ అణు స్థావారాలపై వెంటనే దాడి చేయండి'.. ఇజ్రాయెల్ కు ట్రంప్ సలహా
Sabarmati and Thames River: సబర్మతి, థేమ్స్ నదులు ఎలా బాగుపడ్డాయి?
