Samantha : ‘నేను చేసిన అతి పెద్ద తప్పు అదే..’ వైవాహిక జీవితంపై సమంత కామెంట్స్..

Samantha : తన జీవితంలో చేసిన అతి పెద్ద తప్పేమిటో సమంత తెలిపారు. నటి సమంత సోషల్‌ మీడియాలో ఆక్టీవ్ గా ఉంటారు. తాజాగా ఆమె అభిమానులు అడిగిన ప్రశ్నలకు సమాధానాలిచ్చారు. ఈ సందర్భంగా తన వైవాహిక జీవితం గురించి పరోక్షంగా కామెంట్స్‌ చేశారు. తన జీవితంలో చేసిన అతి పెద్ద తప్పేంటో చెప్పారు.

Samantha : తన జీవితంలో చేసిన అతి పెద్ద తప్పేమిటో సమంత తెలిపారు. నటి సమంత సోషల్‌ మీడియాలో ఆక్టీవ్ గా ఉంటారు. తాజాగా ఆమె అభిమానులు అడిగిన ప్రశ్నలకు సమాధానాలిచ్చారు. ఈ సందర్భంగా తన వైవాహిక జీవితం గురించి పరోక్షంగా కామెంట్స్‌ చేశారు. తన జీవితంలో చేసిన అతి పెద్ద తప్పేంటో చెప్పారు.

తన ఇష్టాయిష్టాలను గుర్తించడంలో పూర్తిగా విఫలమయ్యానని సమంత చెప్పారు. ఇది చాలా ఆలస్యంగా తెలుసిందన్నారు. ఎందుకంటే గతంలో తన భాగస్వామి వాటిని ప్రభావితం చేశాడన్నారు. దీంతో క్లిష్ట సమయం నుంచే మనం విలువైన పాఠం నేర్చుకోగలమనే విషయం అర్థమైందన్నారు. ఈ విషయాన్ని గ్రహించిన తర్వాతే తనకు వ్యక్తిగత ఎదుగుదల మొదలైందన్నారు. గతంలో సమంత ఒక ఆంగ్ల మీడియాతో మాట్లాడుతూ తన విడాకులు, వరుస ఫ్లాప్‌లు, ఆరోగ్య సమస్యలు ఒకేసారి చుట్టుముట్టడంతో ఎంతో కుంగిపోయినట్లు తెలిపారు. ఒకవైపు ఆరోగ్యం దెబ్బతింటుంటే.. మరోవైపు వైవాహిక బంధం ముగిసిందని పేర్కొన్నారు. దీంతో కుంగుబాటుకు గురైనట్లు చెప్పారు.

ప్రస్తుతం సమంత సినిమాలకు విరామం ప్రకటించి ఆరోగ్యంపై శ్రద్ధ పెట్టారు. ఆమె నటించిన ‘సిటాడెల్‌’ (ఇండియన్‌ వెర్షన్‌) వెబ్‌ సిరీస్ విడుదలకు సిద్ధంగా ఉంది. మరోవైపు సమంత కొన్ని రోజుల క్రితం నిర్మాతగానూ మారిన సంగతి తెలిసిందే. ‘ట్రా లా లా మూవింగ్‌ పిక్చర్స్‌’ పేరుతో నిర్మాణ సంస్థను ప్రారంభించారు. కొత్త ప్రతిభను ప్రోత్సహించేందుకే ఈ వేదిక నిర్మించినట్లు తెలిపారు.