Shobhitha dulipala..సాధారణంగా పెళ్లిళ్లు స్వర్గంలో నిర్ణయించబడతాయి అని పెద్దలు చెబుతారు. అలా ఇద్దరు వ్యక్తులను పెళ్లి అనే బంధంతో ఒక్కటి చేయాలి అంటే అది ఎంత గొప్ప కార్యమో ప్రత్యేకంగా చెప్పాల్సిన అవసరం లేదు. అందుకే ఆ కాలంలో పెళ్లి అనగానే ఐదు రోజులపాటు చాలా ఘనంగా నిర్వహించేవారు. పిల్ల పెద్ద ఇరుగుపొరుగు , బంధువులు, స్నేహితులు ఇలా అందరూ ఐదు రోజులపాటు ఒకే చోట చేరి పెళ్లి పనుల్లో భాగం పంచుకొని, ఆ పెళ్లి వేడుకను విజయవంతం చేస్తారు. ఇకపోతే ఈ మధ్యకాలంలో పెళ్లిళ్లు అనగానే రెండు రోజుల్లోనే జరిగిపోతుంటే.. ఇంకొంతమంది అయితే చాలా సింపుల్గా వివాహాలు చేసుకుంటున్నారు. నిజానికీ జీవితాంతం గుర్తిండిపోయే ఈ పెళ్లి వేడుకలు అందరికీ కూడా ఆదర్శంగా నిలవాలి. ఇప్పుడు అలాంటి పద్ధతినే మళ్లీ మనకు కళ్ళకు కట్టినట్టు చూపించింది అక్కినేని కాబోయే కోడలు శోభిత ధూళిపాళ.
నిశ్చితార్థం చేసుకొని అందరిని ఆశ్చర్యపరిచిన శోభిత – చైతూ..
తాజాగా శోభితా ధూళిపాళ (Shobitha dhulipala) అక్కినేని నాగచైతన్య (Akkineni Naga Chaitanya) ను వివాహం చేసుకోబోతోంది. ఆగస్టు 8వ తేదీ అక్కినేని హీరో నాగచైతన్య తో ప్రేమలో పడి నిశ్చితార్థం చేసుకుని తమ ప్రేమ విషయాన్ని అందరికీ ప్రకటించారు ఈ జంట. ముఖ్యంగా నాగచైతన్య, శోభిత ఇద్దరు కూడా తమ కొత్త జీవితాన్ని ప్రారంభించబోతున్నట్లు ఆ ఫోటోలను సోషల్ మీడియాలో కూడా షేర్ చేశారు. ఇక త్వరలోనే వీరి వివాహం చేసుకుంటారని అందరూ అనుకోగా డిసెంబర్లో వీరి వివాహం జరుగుతుందని అయితే పెళ్లికి కాస్త సమయం తీసుకుంటామని కూడా నాగార్జున నాడు ప్రకటించారు. కానీ ఇప్పుడు శోభిత షేర్ చేసిన ఫోటోలు చూస్తుంటే అక్కినేని ఇంట పెళ్లి సంబరాలు మొదలయ్యాయి అంటూ నెటిజన్స్ కామెంట్లు చేస్తున్నారు.
పెళ్లి పనుల్లో నిమగ్నమైన శోభిత..
పెళ్లి పనుల్లో భాగంగా వినాయక పూజను ప్రారంభించిన శోభిత ధూళిపాళ ఆ తర్వాత పసుపు దంచడం, విసరళ్ళు తిప్పడం, బంధుమిత్రులతో అట్టహాసంగా ఈ కార్యక్రమాలు ప్రారంభించినట్లు తెలుస్తోంది. ముఖ్యంగా పెళ్లికూతురు గెటప్ లో శోభిత చాలా సాంప్రదాయంగా కనిపించింది దీనికి తోడు పెద్దవారి ఆశీర్వాదం తీసుకుంటూ చూడముచ్చటగా అనిపించింది. ఎంతైనా తెనాలి అమ్మాయి కదా మన తెలుగు సాంప్రదాయాలు ఉట్టిపడేలా అందరినీ అలరిస్తోంది అంటూ నెటిజన్స్ కామెంట్లు చేస్తున్నారు.. ఏది ఏమైనా శోభిత పెళ్లి పనుల్లో నిమగ్నమై ఉండడం చూసి అభిమానులు సంతోషం వ్యక్తం చేస్తున్నారు. ముఖ్యంగా అక్కినేని అభిమానులు కూడా ఇటు శోభిత ఇంట్లో పెళ్లి పనులు మొదలయ్యాయి అటు అక్కినేని ఇంట్లో పెళ్లి పనుల సంగతి ఏంటి అంటూ కామెంట్లు చేస్తూ ఉండడం గమనార్హం.
నాగచైతన్య వ్యక్తిగత జీవితం..
ఇక నాగచైతన్య విషయానికి వస్తే.. సమంతను ప్రేమించి పెళ్లి చేసుకున్న ఈయన ఆమెతో ఎక్కువ కాలం ఉండలేక వివాహమైన నాలుగేళ్లకే విడాకులు ఇచ్చారు. ఆ తర్వాత ఏడాది శోభిత ప్రేమలో పడ్డారు.. ఆమెతో రహస్య ప్రేమాయణం నడిపిన ఈయన, ఈ ఏడాది ఎంగేజ్మెంట్ చేసుకొని తమ బంధాన్ని అధికారికం చేశారు. ఇప్పుడు ఈ జంట త్వరలోనే వివాహం చేసుకోబోతోందని శోభిత షేర్ చేసిన ఫోటోలు చూస్తే అర్థమవుతుంది.. ఇకపోతే పెళ్లి తేదీని మాత్రం ఇటు శోభిత అటు అక్కినేని కుటుంబం ఇంకా ప్రకటించలేదు. ప్రస్తుతం శోభిత షేర్ చేసిన ఈ ఫోటోలు సోషల్ మీడియాలో చాలా వైరల్ గా మారుతున్నాయి. ఏది ఏమైనా ఈ ఫోటోలు చూసిన నెటిజన్స్ శోభిత నాటి కాలాలను గుర్తు చేసింది అంటూ కామెంట్ చేస్తున్నారు.
Share
Politics on Musi: మూసీ రాజకీయం.. బీఆర్ఎస్, బీజేపీ ప్లాన్ ఇదేనా?
Deputy CM Pawan Kalyan: ప్లీజ్ ఆ ఒక్క పని చేయవద్దు.. వైసీపీ వల్లే రోగాలు వస్తున్నాయ్.. డిప్యూటీ సీఎం పవన్
