సందీప్ రెడ్డి వంగా.. ఈ పేరు వినగానే అందరికీ రెండు సినిమాలు గుర్తొస్తాయి. ఒకటి ‘అర్జున్ రెడ్డి’, మరొకటి ‘యానిమల్’. ఈ రెండు చిత్రాలతో సందీప్ తనకంటూ ప్రత్యేక ఫ్యాన్ ఫాలోయింగ్ సంపాదించుకున్నాడు. ఇక ఇటీవల రిలీజైన ‘యానిమల్’ మూవీ బ్లాక్ బస్టర్ హిట్ అందుకొని.. కలెక్షన్ల వర్షం కురిపించిన విషయం తెలిసిందే. దీంతో తన తదుపరి చిత్రంపై అందరిలోనూ ఆసక్తి మొదలైంది.
అయితే ఆయన నెక్స్ట్ మూవీని పాన్ ఇండియా స్టార్ ప్రభాస్‌తో తెరకెక్కించడానికి సిద్ధమైనట్లు తెలుస్తోంది. ప్రభాస్ హీరోగా సందీప్ వంగా దర్శకత్వంలో ‘స్పిరిట్’ మూవీ రూపొందడానికి సిద్ధమైంది. ఇదే విషయాన్ని దర్శకుడు తాజాగా ఓ ఇంటర్వ్యూలో చెప్పారు. అంతేకాదు.. ఈ చిత్రంలో తన మార్క్‌ను ప్రభాస్‌పై ఏ రేంజ్‌లో చూపించబోతున్నాడో తెలియజేశాడు. ఆయన మాటలతో ప్రభాస్ అభిమానుల్లో ఫుల్ జోష్ మొదలైంది. హమ్మయ్య.. ప్రభాస్ నెక్స్ట్ సినిమా కూడా బ్లాక్ బస్టర్ హిట్టే అంటూ ధీమా వ్యక్తం చేస్తున్నారు ఫ్యాన్స్. ఇంతకీ ఆ ఇంటర్వ్యూలో సందీప్ ఏమని మాట్లాడరంటే..
ప్రభాస్‌ని ఇంతవరకు ఫ్యాన్స్ ఎప్పుడూ చూడలేని విధంగా, చాలా కొత్తగా చూపిస్తాను. ఇంత వరకూ ప్రభాస్ అలాంటి పాత్ర చేయలేదు. ఫ్యాన్స్‌కి మాత్రం ఓ ‘ఐ ఫీస్ట్’ ట్రీట్ ఇస్తా అని సందీప్ అన్నాడు. అందరూ అనుకుంటున్నట్టే ఈ సినిమా ఫిబ్రవరిలో మొదలయ్యే ఛాన్స్ ఉందని సందీప్ రెడ్డి వంగ చెప్పారు. ఇక ఈ వార్తను ప్రభాస్ ఫ్యాన్స్ సోషల్ మీడియాలో తెగ ట్రెండ్ చేస్తున్నారు.
Share
Minister Roja : పబ్బులో చిందేసిన మంత్రి రోజా.. మండిపడుతున్న నెటిజన్లు..
Free Bus Scheme: మహాలక్ష్ములు రెండున్నర కోట్లు.. మరో 880 సిటీ బస్సులకోసం సన్నాహాలు
