చరిత్రలో కనివినీ ఎరుగని నిరసన.. 3,100 ప్రాంతాల్లో ట్రంప్‌కు వ్యతిరేకంగా ఆందోళనలు

Trump Protests: అమెరికా రాజకీయ చరిత్రలో మునుపెన్నడూ లేని విధంగా డొనాల్డ్ ట్రంప్ పరిపాలనా విధానాలకు వ్యతిరేకంగా దేశవ్యాప్త నిరసనలు వెల్లువెత్తుతున్నాయి. ప్రజాస్వామ్య విలువల పరిరక్షణే ధ్యేయంగా ‘నో కింగ్స్’ (No Kings) అనే నినాదంతో ప్రజలు భారీ ఎత్తున వీధుల్లోకి వస్తున్నారు. అధికార వికేంద్రీకరణను దెబ్బతీస్తూ, ఏకపక్ష నిర్ణయాలు తీసుకోవడాన్ని వ్యతిరేకిస్తూ సామాన్యులు, మేధావులు, పౌర హక్కుల సంఘాలు ఈ ఉద్యమంలో భాగస్వామ్యమయ్యాయి.

అమెరికాలోని మొత్తం 50 రాష్ట్రాల్లో సుమారు 3,100 ప్రాంతాల్లో ఈ ఆందోళనలు మిన్నంటాయి. గణాంకాల ప్రకారం, సుమారు 90 లక్షల మంది నిరసనకారులు రోడ్లపైకి వచ్చి తమ నిరసన గళాన్ని వినిపించారు. దేశ చరిత్రలోనే ఇది అతిపెద్ద నిరసన హోరుగా రికార్డు సృష్టించింది. ముఖ్యంగా యువత, ఉద్యోగ వర్గాలు ఈ ప్రదర్శనలలో చురుగ్గా పాల్గొంటూ, ప్రస్తుత ప్రభుత్వ వైఖరి పట్ల తమ అసహనాన్ని వ్యక్తం చేస్తున్నారు.

ఈ నిరసనల్లో ప్రధానంగా విదేశీ, రక్షణ విధానాలపై తీవ్ర విమర్శలు వ్యక్తమవుతున్నాయి. “లాభాల కోసం యుద్ధమా? మా సైనికులు అమ్మకానికి లేరు” అనే ప్లకార్డులు నిరసనకారుల చేతుల్లో ప్రధానంగా కనిపిస్తున్నాయి. కార్పొరేట్ ప్రయోజనాల కోసం సైన్యాన్ని వినియోగించుకోవడాన్ని, యుద్ధ వాతావరణాన్ని ప్రోత్సహించడాన్ని ప్రజలు తీవ్రంగా ఖండిస్తున్నారు. దేశ రక్షణలో కీలకమైన సైనికుల జీవితాలను వ్యాపార వస్తువులుగా మార్చవద్దని వారు డిమాండ్ చేస్తున్నారు.

మరోవైపు, ఈ భారీ నిరసనలపై వైట్ హౌస్ నిర్లక్ష్య వైఖరిని ప్రదర్శిస్తోంది. ఈ ఆందోళనలకు ప్రజల మద్దతు లేదని, ఇవన్నీ వామపక్షాల కుట్ర అని ప్రభుత్వం కొట్టిపారేసింది. కేవలం రాజకీయ ఉద్దేశంతోనే ప్రతిపక్షాలు ప్రజలను తప్పుదోవ పట్టిస్తున్నాయని అధికార వర్గాలు ఆరోపిస్తున్నాయి. అయితే, క్షేత్రస్థాయిలో పెరుగుతున్న జనసమూహం, నిరసనల తీవ్రత ప్రభుత్వ వాదనలకు భిన్నంగా కనిపిస్తోంది.

Also Read: పశ్చిమాసియా యుద్ధం న్యూ టర్న్.. హౌతీలు ఎంట్రీ, ఇజ్రాయెల్‌పై డ్రోన్లతో దాడులు, ఎర్రసముద్రంలో టెన్షన్

ప్రస్తుతం అమెరికాలో నెలకొన్న ఈ ఉద్రిక్త పరిస్థితులు అంతర్జాతీయంగా చర్చనీయాంశమయ్యాయి. శాంతియుత నిరసనలు ప్రజాస్వామ్యానికి బలమని ఒక వర్గం అంటుంటే, ఇవి దేశ పురోగతికి ఆటంకమని ప్రభుత్వం భావిస్తోంది. ఏది ఏమైనప్పటికీ, ‘నో కింగ్స్’ నినాదంతో సాగుతున్న ఈ ఉద్యమం భవిష్యత్ రాజకీయ పరిణామాలపై ఎటువంటి ప్రభావం చూపుతుందో చూడాలి.

ట్రంప్‌నకు వ్యతిరేకంగా అమెరికాలో నిరసనలు

ట్రంప్ పరిపాలనను వ్యతిరేకిస్తూ ఆందోళనలు

'నో కింగ్స్' పేరిట నిరసనలు చేపట్టిన ప్రజలు

అమెరికాలో చరిత్రలోనే అతిపెద్ద నిరసన హోరు

50 రాష్ట్రాల్లో 3,100 చోట్ల నిరసన కార్యక్రమాలు

రోడ్లపైకి 90 లక్షల మంది నిరసనకారులు

'లాభాల కోసం యుద్ధమా? మా… pic.twitter.com/ye9jUYkSPI

— BIG TV Breaking News (@bigtvtelugu) March 29, 2026

Share

• 
• 
• 
• 
• 
•