Danish PM Assaulted by Man: ఆ దేశంలో తీవ్ర కలకలం చోటు చేసుకుంది. ఆ దేశమే కాదు.. ప్రపంచ దేశాలు కూడా ఆందోళన చెందే ఘటన అక్కడ జరిగింది. ఏకంగా దేశ ప్రధానిపై ఓ వ్యక్తి దాడికి పాల్పడ్డాడు. దీంతో ఆ దేశం ఒక్కసారిగా ఉలిక్కిపడింది. ఈ వార్త విన్న ప్రపంచ దేశాలు కూడా తీవ్ర దిగ్భ్రాంతిని వ్యక్తం చేస్తున్నాయి. ఇందుకు సంబంధించి జాతీయ మీడియాలో వార్తా కథనాలు ప్రచురితమైతున్నాయి. ఇటు సంబంధిత అధికారిక కార్యాలయం సైతం ఓ ప్రకటనను విడుదల చేసింది.
ఇందుకు సంబంధించి పూర్తి వివరాల్లోకి వెళితే.. ఐరోపా దేశమైనటువంటి డెన్మార్క్ ప్రధానిపై దాడి జరిగింది. దేశ రాజధాని నగరమైనటువంటి కోపెన్ హాగెన్ లో ప్రధాని మెటె ఫ్రెడ్రిక్సన్ పై ఓ దుండగుడు దాడికి పాల్పడ్డాడు. ఏకంగా ప్రధానిపైనే దాడి జరగడంతో ప్రజలు ఒక్కసారిగా ఉలిక్కిపడ్డారు.
‘కోపెన్ హాగెన్ లోని కల్టోర్ వెట్ ప్రాంతంలో ఆమెపై దుండగుడు దాడికి పాల్పడ్డాడు. భద్రతా సిబ్బంది వెంటనే అతడిని అదుపులోకి తీసుకున్నారు. అతను ఒక్కసారిగా దాడి చేయడంతో ప్రధాని షాక్ కు గరయ్యారు’ అంటూ ఫ్రెడ్రిక్సన్ కార్యాలయం అధికారిక ప్రకటన చేసింది. దాడి అనంతరం ఆమెను భద్రతా సిబ్బంది అక్కడి నుంచి తీసుకెళ్లిపోయారు. అయితే, ప్రస్తుతం ఆమె ఆరోగ్య పరిస్థితి ఎలా ఉందనే వివరాలు మాత్రం ఇంతవరకు వెల్లడించలేదు. ఈ ఘటనపై అక్కడి పోలీసులు దర్యాప్తు చేస్తున్నారు. ఐరోపా యూనియన్ కు ఎన్నికలు జరుగుతున్న వేళ ఈ పరిణామం చోటు చేసుకున్నట్లు తెలుస్తోంది.
Also Read: రష్యాలో ఘోర విషాదం.. నదిలో పడి నలుగురు భారతీయ విద్యార్థులు మృతి
ఇదిలా ఉంటే.. కొద్దిరోజుల క్రితం స్లోవేకియా ప్రధానమంత్రి రాబర్ట్ ఫికోపై ఓ దుండగుడు కాల్పులకు పాల్పడిన విషయం తెలిసిందే. ఈ ఘటనలో రాబర్ట్ ఫికో తీవ్రంగా గాయపడ్డారు.
Share
Tata Altroz Features: ఏంటి భయ్యా ఇది.. ఆల్ట్రోజ్ లో ఇన్ని ఫీచర్లు ఉన్నాయా..? నేనెపుడు చూడలే!
Vijay Sales Mind Blowing Offers: ఇదేంది భయ్యా.. ఐఫోన్లు, వన్‌ప్లస్ ఫోన్లపై బంపర్ డిస్కౌంట్లు.. ఇక రచ్చ రచ్చే!
