Big Stories

Jewellery shop robbery In America: అమెరికాలో దారుణం, ఇండియన్ జ్యువెలరీ షాపు లూటీ

Jewellery shop robbery In America: అమెరికాలో దారుణం జరిగింది. ముఖ్యంగా అక్కడ భారతీయుల బంగారం షాపులను టార్గెట్ చేశారు పని పాటా లేని కొంతమంది దుండగులు. షాపుల్లో దొరికిన బంగారం ఎత్తుకుపోవడం వాళ్ల వంతైంది.

- Advertisement -

తాజాగా అమెరికాలోని శాన్‌ఫ్రాన్సిస్కో‌ సిటీకి దగ్గరలోని బే ఏరియాలో ఇండియన్‌కు చెందిన పీఎన్జీ బంగారం షాపు లూటీ జరిగింది. దాదాపు 20 మంది వ్యక్తులు రెండుమూడు వాహనాల్లో సుత్తులు, గొడ్డలి పట్టుకొని వచ్చారు. అద్దాలను పగలగొట్టి షాపులోకి ఎంట్రీ ఇచ్చారు. అందులోని ఉన్న బంగారం ఆభరణాలను దోచుకెళ్లారు. ఈ ఘటన బుధవారం మధ్యాహ్నం పన్నెండున్నర గంటల సమయంలో జరిగింది.

- Advertisement -

పట్టపగలు జరిగిన ఈ ఘటనలో నిందితులంతా బ్లాక్ కలర్ దుస్తులు ధరించారు. సీసీటీవీ కెమెరాలు గుర్తు పట్టలేనంతా ముఖాలకు మాస్క్‌లు ధరించారు. తమతో తెచ్చుకున్న సుత్తులతో అద్దాలను పగల గొట్టి లోపల బంగారు ఆభరణాలను దోచుకెళ్లారు. అక్కడే ఉన్న ఓ వ్యక్తి వాళ్లను చూసి బెంబేలెత్తిపోయాడు. బంగారాన్ని తెచ్చుకున్న సంచుల్లో పెట్టుకుని అక్కడి నుంచి పరారయ్యారు.

ALSO READ: ఈవీఎంలపై ఎలన్ మస్క్ సంచలన వ్యాఖ్యలు

ఈ విషయం తెలియగానే వాళ్లను వెంబడించే ప్రయత్నం చేశారు స్థానిక పోలీసులు. అందులో ఐదుగుర్ని మాత్రమే అరెస్ట్ చేశారు. ఎంత బంగారాన్ని దోచుకెల్లారనేది సీక్రెట్‌గా ఉంచారు అధికారులు. రెండు లేదా మూడు వాహనాల్లో వీరంతా వచ్చినట్టు అనుమానిస్తున్నారు పోలీసులు.

పూణె కేంద్రంగా పీఎన్జీ బంగారం షాపు 19వ సెంచరీలో ప్రారంభమైంది. వ్యవస్థాపకులు గణేష్ గాడ్జిల్ ఈ వ్యాపారాన్ని అంచెలంచెలుగా విస్తరించారు. దేశవ్యాప్తంగా వందలాది షాపులున్నాయి. ఇండియా, దుబాయ్, అమెరికాలో ఈ కంపెనీకి గోల్డ్ షాపులున్నాయి. గడిచిన రెండు మూడేళ్ల నుంచి భారతీయుల బంగారం షాపులపై దుండగలు కన్నేయడంతో ఇండియన్ అమెరికన్ బిజినెస్ లీడర్స్ సిటీ మేయర్‌తో భేటీ అయ్యారు. ఇలాగైతే తాము వ్యాపారాలు చేయలేమని తేల్చి చెప్పేశారు.

2022-2023 వరకు జనవరి చివరి వరకు తొమ్మిది జ్యువెల్లరీ షాపులు రోబరీ అయ్యాయి. వాటిలో న్యూజెర్సీ, పెన్సిల్వేనియా, వర్జీనియా, ఫ్లోరిడా, శాన్‌ఫ్రాన్సిస్కో రాష్ట్రాలున్నాయి. వీటిలో చాలావరకు భారతీయులకు చెందిన షాపులున్నాయి.

 

- Advertisement -

ఇవి కూడా చదవండి

Latest News