Lee Sun-kyun : ఆస్కార్ అవార్డు విన్నింగ్ సినిమా పారాసైట్ లో నటించిన సౌత్ కొరియా నటుడు లీ సన్-క్యూన్(48).. అనుమానాస్పద స్థితిలో మృతి చెందాడు. ఆయన ఆత్మహత్య చేసుకున్నట్లు అక్కడి మీడియాలో కథనాలు వెలువడ్డాయి. సౌత్ కొరియా రాజధాని సియోల్ లోని ఒక పార్క్ లో ఉన్న వాహనంలో లీ సన్-క్యూన్ అపస్మారక స్థితిలో కనిపించాడు. సమాచారం అందుకున్న పోలీసులు.. అక్కడికి చేరుకుని పరిశీలించగా.. ఒక సూసైడ్ నోట్ లభ్యమైనట్లు తెలుస్తోంది.
లీ సన్-క్యూన్ కు భార్య, ఇద్దరు పిల్లలు ఉన్నారు. ప్రఖ్యాత కొరియన్ నేషనల్ యూనివర్సిటీ ఆఫ్ ఆర్ట్స్ నుంచి గ్రాడ్యుయేషన్ పూర్తి చేశారు. 2001లో లవర్స్ అనే టీవీ షో ద్వారా తెరంగేట్రం చేసిన ఆయన.. పారాసైట్ లో సంపన్నుడిగా నటించారు. 2019లో విడుదలైన ఈ సినిమా.. ఉత్తమ విదేశీ చిత్రం, బెస్ట్ డైరెక్టర్, బెస్ట్ సినిమా, బెస్ట్ స్క్రీన్ ప్లే విభాగాల్లో ఆస్కార్ పురస్కారాలను గెలుచుకుంది. లీ సన్-క్యూన్ చివరిగా ఈ ఏడాది విడుదలైన స్లీప్ చిత్రంలో కనిపించారు.
కాగా.. ఒక డ్రగ్స్ కేసులో ఆయన ఆరోపణలు ఎదుర్కొంటున్నారు. నటుడిగా ఎంతోమంది అభిమానాన్ని పొందిన ఆయన.. డ్రగ్స్ కేసు వల్ల కొన్ని ప్రాజెక్టులను కోల్పోయినట్లు సమాచారం. ఈ ఏడాది అక్టోబర్ లో కేసు విచారణకు వచ్చిన ఆయన మీడియాతో మాట్లాడుతూ.. ఇలాంటి పరిస్థితిని ఎదుర్కొంటున్న తన కుటుంబానికి క్షమాపణలు చెప్పారు.
Share
Road Accident : అమెరికాలో ఘోర రోడ్డు ప్రమాదం.. అమలాపురం వాసులు మృతి..
Ongole : బాలినేని.. మాగుంట.. వైవీ.. తాడేపల్లికి ఒంగోలు పంచాయితీ..
