Maduro In US Custody: వెనిజులాపై అమెరికా వైమానిక దాడి చేసిన సంగతి తెలిసిందే. ఈ దాడి అనంతరం వెనిజులా అధ్యక్షుడు మదురోను, ఆయన సతీమణిని అమెరికా బలగాలు కస్టడీలోకి తీసుకున్నాయి. నికోలస్ మదురో తమ కస్టడీలో ఉన్న అమెరికా నిర్థారించింది. యూఎస్ సైనికుల అదుపులోన్న మదురో ఫొటో వైరల్ అవుతోంది. ఈ ఫొటోకు సంబంధించి ఇరుదేశాలు ఎలాంటి నిర్థారణ చేయలేదు.
వెనిజులా రాజధాని కరాకస్పై అమెరికా భీకరదాడులు చేసింంది. అనంతరం ఆ దేశాధ్యక్షుడు మదురోను కస్టడీలోకి తీసుకుంది. ఈ విషయాన్ని యూఎస్ అధ్యక్షుడు డొనాల్డ్ ట్రంప్ ధ్రువీకరించారు. నికోలస్ మదురో, ఆయన సతీమణి తమ కస్టడీలో ఉన్నారని తెలిపారు. వారిద్దరిని వెనిజులా నుంచి తరలించామన్నారు.
వెనిజులా అధ్యక్షుడిని బంధించిన విషయాన్ని అమెరికా అధ్యక్షుడు ట్రంప్ సోషల్ మీడియాలో పోస్టు చేశారు. అమెరికా సైన్యానికి చెందిన డెల్టా ఫోర్స్ ఈ ఆపరేషన్ చేపట్టింది. వెనిజులా అధ్యక్షుడిని అమెరికా కస్టడీలోకి తీసుకోవడంపై ఆ దేశ ఉపాధ్యక్షుడు డెల్సీ రోడ్రిగ్జ్ స్పందించారు. మదురో, ఆయన సతీమణి ఎక్కడున్నారో తెలియడంలేదన్నారు. వారు సజీవంగా ఉన్నారని తెలియజేసేలా ఆధారాలు చూపాలని అమెరికాను డిమాండ్ చేశారు.
1989లో పనామాపై దాడి చేసిన అమెరికా.. మిలిటరీ నేత మాన్యుయెల్ నోరిగాను పదవి నుంచి తప్పించింది. ఆ తర్వాత తాజాగా లాటిన్ అమెరికా దేశాలపై దాడికి దిగింది. ఈ పరిణామాల నేపథ్యంలో వెనిజులా పక్కదేశమైన కొలంబియా అలర్ట్ అయింది. సరిహద్దుల్లో సైన్యాన్ని మోహరించింది.
మదురో అమెరికాకు వలసలను ప్రోత్సహిస్తున్నారని, మాదక ద్రవ్యాల గ్యాంగ్ లను పెంచి పోషిస్తున్నారని ట్రంప్ ఆరోపిస్తున్నారు. వెనిజులా జైళ్లు, పిచ్చాసుపత్రులను ఖాళీ చేయించి వారిని అమెరికాకు వెళ్లేలా ప్రోత్సహిస్తున్నారని ట్రంప్ ఆరోపిస్తున్నారు. ఈ ఆరోపణలను మదురో ప్రభుత్వం ఖండించింది.
అయితే అమెరికా అసలు కన్ను.. వెనిజులా చమురు నిల్వలేనని విశ్లేషకులు అంటున్నారు. అత్యధిక చమురు నిల్వలు కలిగిన దేశాల్లో ఒకటైన వెనిజులా.. అమెరికా, యూరప్ దేశాల ఆంక్షలతో తీవ్ర ఆర్థిక సంక్షోభాన్ని ఎదుర్కొంటోంది. ఈ క్రమంలో అక్కడి చమురును తన సొంత చేసుకునేందుకు ట్రంప్ పావులు కదుపుతున్నారు. ఈ నేపథ్యంలో డ్రగ్స్ రవాణాను తెరపైకి తెచ్చి మదురోను పదవి నుంచి దిగిపోవాలని కోరారు.
ఆ దేశాధ్యక్షుడిని అరెస్టు చేసేందుకు సహకరిస్తే రూ.450 కోట్లు ఇస్తానని రివార్డు ప్రకటించారు.
వెనిజులా ప్రతిపక్ష నేత కొరినా మచాడోకు, ట్రంప్నకు మధ్య రాజకీయ సంబంధాలు ఉన్నట్లు సమాచారం. అమెరికా చర్యలకు ఆమె బహిరంగంగానే మద్దతు తెలుపుతున్నారు. ఆమెకు ఇటీవల నోబెల్ శాంతి వచ్చింది. ఈ నేపథ్యంలో వీరిద్దరూ ఫోన్లో మాట్లాడుకున్నారు. ఇంతలో అమెరికా సైన్యం నేరుగా రంగంలోకి దిగి మదురోను అరెస్టు చేయడం కలకలం రేపుతోంది.
Also Read : వెనిజులాపై బాంబులతో విరుచుపడిన అమెరికా.. అధ్యక్షుడు మదురో కిడ్నాప్
వెనిజులాలో ప్రజలు రోడ్లపైకి వచ్చి సంబరాలు చేసుకుంటున్న.. వీడియోలు నెట్టింట వైరల్ అవుతున్నాయి. మదురో పోస్టర్లను తొలగిస్తున్నారు. ప్రజలు మదురో ప్రభుత్వానికి వ్యతిరేకంగా.. నినాదాలు చేస్తూ వీధుల్లోకి వస్తున్నారు.
Share
Prabhas vs Thalapathy Vijay: విజయ్ సినిమాకు తెలుగు థియేటర్లు ఫుల్… ప్రభాస్కు తమిళ మార్కెట్ క్లోజ్..!
Ikkis on OTT : ఓటీటీలోకి ధర్మేంద్ర చివరి చిత్రం... ఎప్పుడు, ఎక్కడ స్ట్రీమింగ్ కానుందంటే ?
