Deepika Padukone: దీపికా పదుకొణె. అందాల భామ. ఇటీవలే పఠాన్‌తో సూపర్ హిట్ కొట్టారు. ఆస్కార్ వేదికపైనా తళుక్కున మెరిశారు. నాటు నాటు సాంగ్‌ను అతిథులకు పరిచయం చేశారు. ఆస్కార్‌లో ఆమె అప్పియరెన్స్ అదుర్స్ అనిపించింది. బ్లాక్ కలర్ గౌన్.. మెడలో సింగిల్ స్టోన్ పెండెంట్‌ నెక్‌పీస్‌తో హొయలు పోయింది. అయితే, దీపికా డ్రెస్సింగ్‌తో పాటు మరో విషయమూ అందరి దృష్టిని ఆకర్షించింది. అదే ఆమె ఒంటిపై కొత్తగా కనిపించిన టాటూ.
మెడపై, ఎడమ చెవికి కొంచెం కిందగా.. 82°E అని టాటూ వేయించుకుంది దీపికా. ఆస్కార్ వేడుకకు హాజరైన సందర్భంలో ఆ టాటూ కనిపించింది. గతంలో లేకుండే. ఇటీవలే కొత్తగా వేసినట్టుంది. దీపికా సైతం తన టాటూ ఫోటోలను సోషల్ మీడియాలో షేర్ చేయగా.. ఫ్యాన్స్‌లో ఆసక్తి మరింత పెరిగిపోయింది. ‘82°E’ అంటే ఏంటా? అంటూ గూగుల్‌ చేస్తున్నారు.
‘82°E’ అంటే ‘82 డిగ్రీస్‌ ఈస్ట్‌’ అని అర్థం అట. అయితే, ఇదే టాటూ ఎందుకు వేసుకున్నారనే దానికీ రీజన్ లేకపోలేదు. సెలబ్రెటీలు ఊరికే చేయరు ఏ పని కూడా. ప్రతీదానిలో మనీ యాంగిల్ ఉండనే ఉంటుంది.
82°E అనేది దీపికా పదుకొణె కొత్తగా స్టార్ట్ చేసిన స్కిన్‌ కేర్‌ బ్రాండ్‌. ఈ పేరుతో కొన్ని నెలలుగా చర్మ సంరక్షణ ఉత్పత్తులు అమ్ముతున్నారు. తన బిజినెస్ ప్రచారం కోసమే.. మెడపై బ్రాండ్‌నేమ్‌‌ను టాటూగా వేయించుకుంది.
ఇదీ మేటర్. దీపిక కమిట్‌మెంట్ మామూలుగా లేదుగా.. అంటున్నారు ఫ్యాన్స్.
Share
wheat flour : గోధుమపిండిలో ఫంగస్.. ప్రాణాలకు ముప్పు..
Chiranjeevi: జూబ్లీహిల్స్ హౌసింగ్ సొసైటీ వివాదం.. చిరంజీవికి హైకోర్టు ఆదేశాలు
