Gold Interesting Facts: బంగారం అంటే ఆడంబరం. పెళ్లి, పేరంటం ఏదైనా సరే ఒంటిపై బంగారం ఉండాల్సిందే. ఎల్లో మెటల్ మెడలో మహిళలు మురిసిపోతారు. అసలే పెళ్లిళ్ల సీజన్ కావడంతో బంగారం కొనుగోళ్లు భారీగా ఉన్నాయి. అసలు బంగారం గురించి మనకు పూర్తిగా తెలుసా? గోల్డ్ గురించి మనం ఎప్పుడూ వినని ఆసక్తికర విషయాలు తెలుసుకుందాం.
1.ప్రపంచంలో ప్రస్తుతం ఉన్న బంగారం మొత్తాన్ని 5 మైక్రాన్ల మందం ఉన్న తీగగా మార్చి సాగదీస్తే, అది ప్రపంచం చుట్టూ 11.2 మిలియన్ల సార్లు చుట్టేయగలదు.
2.బంగారం 2808 డిగ్రీల సెల్సియస్ ఉష్ణోగ్రత వద్ద పూర్తిగా ఆవిరిగా మారిపోతుంది. గోల్డ్ 1064 డిగ్రీల సెంటిగ్రేడ్ వద్ద కరగడం స్టార్ట్ అవుతుంది.
3.మానవుల శరీర ఉష్ణోగ్రత 37 డిగ్రీల సెంటీగ్రేడ్. బంగారం ధరించినప్పుడు అది శరీర ఉష్ణోగ్రతను చాలా వేగంగా గ్రహిస్తుంది. బంగారాన్ని ఆభరణాల తయారీకి ఉపయోగించడానికి ఇదో ముఖ్యకారణం.
4. ఐదు క్యారెట్ల వజ్రం దొరుకుంది కానీ… ఒక ఔన్స్ బంగారు ముద్ద దొరకడం చాలా అరుదు.
5.సివిలైజేషన్ సార్ట్ అయినప్పటి నుంచీ సుమారు 1,87,200 టన్నుల బంగారం బయటపడింది.
6.1885లో ఇల్లు కట్టుకోవడానికి రాళ్లు తవ్వుతుండగా, ఆస్ట్రేలియన్ గని కార్మికుడు జార్జ్ హారిసన్ దక్షిణాఫ్రికా జోహన్నెస్‌బర్గ్ సమీపంలో బంగారం గని కనుగొన్నాడు. దీంతో అప్పటి నుంచి దక్షిణాఫ్రికాలో బంగారం వేట మొదలైంది.
7.ఇప్పటివరకు తవ్విన బంగారం మొత్తం 22 క్యూబిక్ మీటర్ల పెట్టెలో సరిపోతుంది. ఇప్పటి వరకూ వెలికితీసిన బంగారంలో దాదాపు సగం ఆభరణాలుగా తయారు చేయడానికి వాడారు.
8.ఒక క్వాడ్రిలియన్‌కు కేవలం 10 వంతుల బంగారం చొప్పున లెక్కించినా కూడా, ప్రపంచ మహాసముద్రాలలో 15,000 టన్నుల వరకు బంగారం ఉందని నిపుణుల అంచనా.
9.ఒక ఔన్సు బంగారాన్ని 50 మైళ్ల పొడవుగా సాగదీయవచ్చు. ఈ తీగ వెడల్పు ఐదు మైక్రాన్ల వెడల్పు వరకు ఉంటుంది.
10. అమెరికా కేంద్ర బ్యాంక్ ఫెడరల్ రిజర్వ్ 5,30,000 బంగారు కడ్డీల రూపంలో 6,700 టన్నుల బంగారాన్ని కలిగి ఉంది.
Also Read: ఆర్బీఐ కొత్త గోల్డ్ లోన్ రూల్స్.. ఇక తక్కువ బంగారంపై ఎక్కువ లోన్ పొందవచ్చు
Share
అద్దాల మేడలపై ప్రేమ.. పేదలపై నిర్లక్ష్యం.. బాబుపై రజిని ఫైర్!
హరీష్ రావుని వాడి వదిలేస్తున్నారా.. గులాబీ బాస్ మౌనం వెనుక ఉన్న అసలు చిట్టా అదేనా..?
