Indian Railways: ఉద్యోగం, పనుల నిమిత్తం సొంతూరికి దూరంగా ఉండేవారంతా ఎక్కువగా రైలు ప్రయాణాలనే ఇష్టపడతారు. కానీ.. ట్రైన్ టికెట్ బుక్ చేసుకోవడం అంత సులువు కాదు. ఎప్పుడు ఏ ట్రైన్ చూసినా.. వెయిటింగ్ లిస్టే కనిపిస్తుంటుంది. ఇక పండగల సమయంలో అయితే వాటిగురించి ప్రత్యేకంగా చెప్పనక్కర్లేదు. 2-3 నెలల ముందు నుంచే వెయిటింగ్ లిస్ట్ దర్శనమిస్తుంది. రద్దీ సమయాల్లో రిగ్రెట్ కూడా అయిపోతాయి. స్పెషల్ ట్రైన్లు వేసినా.. అవి దొరకడం కష్టమే.
టికెట్ బుకింగ్ కు ఒక యాప్, కంప్లైంట్స్ కు మరో యాప్, జనరల్ టికెట్లకు ఇంకొక యాప్, రన్నింగ్ స్టేటస్, పీఎన్ఆర్ స్టేటస్ లు చూసుకోవడానికి వేర్వేరు యాప్ లు. ఇలా ఒక రైలులో ప్రయాణం చేయాలంటే నాలుగైదు యాప్ లను ఇన్ స్టాల్ చేసుకోవాల్సిన పరిస్థితి ఉంది. అయితే.. భారతీయ రైల్వే.. ఈ సేవలన్నింటినీ ఒకేవేదికపైకి తెచ్చేందుకు ఒక సూపర్ యాప్ ను అభివృద్ధి చేస్తోందట. ఇండియన్ రైల్వేకు సంబంధించి అన్నిరకాల సేవలను ఒకే చోట అందించడమే దీని ముఖ్య ఉద్దేశం. దీనికోసం రైల్వేశాఖ ఏకంగా రూ.90 కోట్లు ఖర్చు చేస్తున్నట్లు ఎకనమిక్ టైమ్స్ పేర్కొంది.
రైల్వే మంత్రిత్వ శాఖకు చెందిన సెంటర్ ఫర్ రైల్వే ఇన్ఫర్మేషన్ సిస్టమ్ (CRIS)దీనిని అభివృద్ధి చేస్తున్నట్లు సమాచారం. ఈ యాప్ అందుబాటులోకి వస్తే.. యూజర్లు పలు యాప్ లను డౌన్ లోడ్ చేసుకునే అవసరం ఉండదని, అన్ని రకాల సేవలు ఒకే యాప్ లో ఉంటాయని రైల్వే వర్గాలు తెలిపాయి. యూజర్ల ఫీడ్ బ్యాక్ ఆధారంగా యాప్ ను తీర్చిదిద్దాల్సిన అవసరం ఉందని చెప్పాయి.
Share
Vijayawada Central Constituency : వెల్లంపల్లికి ఇన్ ఛార్జ్ బాధ్యతల.. మల్లాది అనుచరులు రాజీనామా అస్త్రాలు..
School Holidays: విద్యార్థులకు గుడ్ న్యూస్.. స్కూళ్లకు సెలవులు ప్రకటించిన టీఎస్ సర్కార్
