Gut Friendly Food: జీర్ణ సమస్యలా ? ఈ ఫుడ్ తింటే అంతా సెట్

Gut Friendly Food: మనం ఆరోగ్యంగా ఉండాలంటే శరీరంలోని అన్ని వ్యవస్థలు సక్రమంగా పనిచేయాలి. ఇదెలా ఉంటే మన జీర్ణ వ్యవస్థ సక్రమంగా పనిచేయడం చాలా ముఖ్యం. ఇందుకు సహజమైన సూపర్ ఫుడ్స్ కూడా ఎంతగానో ఉపయోగపడతాయి. గట్ శుభ్రపరిస్తే జీర్ణక్రియ, శక్తి , రోగ నిరోధక శక్తి కూడా పెరుగుతాయి. ఇంతకీ ఈ సూపర్ ఫుడ్స్ ఎంటో తెలుసుకుందామా.

1. పెరుగు:

పెరుగు ఒక ప్రోబయోటిక్ ఆహారం. అంటే.. ఇందులో జీర్ణ వ్యవస్థకు మేలు చేసే ‘మంచి’ బ్యాక్టీరియా (లైవ్ అండ్ యాక్టివ్ కల్చర్స్) ఉంటుంది. ఈ బ్యాక్టీరియా గట్ మైక్రోబయోమ్‌ను సమతుల్యం చేస్తుంది. అజీర్తి, ఉబ్బరం, మలబద్ధకం వంటి సమస్యలను కూడా తగ్గిస్తుంది. చక్కెర కలపని పెరుగును ఎంచుకోవడం ఉత్తమం.

2. పులియబెట్టిన ఆహారాలు:

పెరుగు మాదిరిగానే.. కిమ్చి (పులియబెట్టిన క్యాబేజీ), కెఫిర్ (పులియబెట్టిన పాల డ్రింక్), సావర్క్రాట్ వంటి పులియబెట్టిన ఆహారాలు కూడా ప్రోబయోటిక్స్‌తో నిండి ఉంటాయి. ఇవి పేగులలో ఆరోగ్యకరమైన బ్యాక్టీరియాను పెంచి, గట్ లైనింగ్‌ను బలోపేతం చేయడంలో సహాయ పడతాయి.

3. ఆకుపచ్చ కూరగాయలు:

పాలకూర, బ్రకోలీ, కాలే వంటి ఆకుపచ్చ కూరగాయలలో పీచుపదార్థం, విటమిన్లు, ఖనిజాలు పుష్కలంగా ఉంటాయి. వీటిలోని పీచు మంచి బ్యాక్టీరియాకు ఆహారంగా పనిచేస్తుంది (దీన్నే ప్రీబయోటిక్స్ అంటారు). ఇవి పేగు కదలికలను మెరుగుపరిచి, మలబద్ధకాన్ని నివారిస్తాయి.

4. అరటిపండ్లు :

అరటిపండ్లు సులభంగా జీర్ణమవుతాయి. ముఖ్యంగా పచ్చి లేదా కొద్దిగా పండిన అరటిపండ్లలో నిరోధక పిండిపదార్థం ఉంటుంది. ఇది కూడా ఒక ప్రీబయోటిక్‌లా పనిచేస్తుంది. ఇది పేగులలోని మంచి బ్యాక్టీరియాను పోషిస్తుంది. అంతేకాకుండా జీర్ణ వ్యవస్థకు ఉపశమనం అందిస్తుంది.

5. చియా సీడస్, ఫ్లాక్ సీడ్స్:

ఈ చిన్న చిన్న విత్తనాల్లో పీచుపదార్థం, ఒమేగా-3 ఫ్యాటీ యాసిడ్స్‌ పుష్కలంగా ఉంటాయి. చియా, ఫ్లాక్ సీడ్స్ అవిసె గింజలలోని కరిగే, కరగని పీచు, పేగు కదలికలను మెరుగు పరుస్తుంది. అంతే కాకుండా.. ఇది జీర్ణక్రియను సులభతరం చేస్తుంది. వీటిని రోజూ పెరుగు లేదా స్మూతీలలో కలుపుకుని తీసుకోవచ్చు.

6. ఆలివ్ నూనె:

ఆలివ్ నూనెలో ఫ్యాటీ యాసిడ్స్, పాలిఫెనాల్స్ ఉంటాయి. ఈ పదార్థాలు పేగులలోని ఆరోగ్యకరమైన బ్యాక్టీరియాకు మేలు చేస్తాయి. ఆలివ్ నూనెను తీసుకోవడం వల్ల గట్ లైనింగ్‌లో వచ్చే మంట తగ్గుతుందని అధ్యయనాలు సూచిస్తున్నాయి.

Also Read: బొప్పాయితో పాటు పొరపాటున కూడా.. ఇవి తినొద్దు !

7. తృణధాన్యాలు:

గోధుమ, ఓట్స్, బ్రౌన్ రైస్ వంటి పీచు, అనేక పోషకాలు పుష్కలంగా ఉంటాయి. వీటిల్లోని పీచు జీర్ణ వ్యవస్థకు చాలా ముఖ్యమైనది. ఇది మంచి బ్యాక్టీరియాను పెంచడం ద్వారా కొలన్ (పెద్ద పేగు) ఆరోగ్యాన్ని కాపాడుతుంది.

8. బెర్రీలు ( బ్లూబెర్రీస్, స్ట్రాబెర్రీస్):

బెర్రీలు ఫైబర్, విటమిన్ సి, శక్తివంతమైన యాంటీఆక్సిడెంట్లు కలిగి ఉంటాయి. ఇవి శరీరంలో ఆక్సీకరణ ఒత్తిడిని తగ్గించడంలో సహాయపడతాయి. అదే సమయంలో గట్ మైక్రోబ్స్‌కు ఆహారంగా కూడా పనిచేస్తాయి.

9. అల్లం:

అల్లం అనేది పురాతన కాలం నుంచి జీర్ణ సమస్యలకు సంప్రదాయ ఔషధంగా ఉపయోగించవచ్చు. ఇది కడుపులో యాసిడ్ ఉత్పత్తిని పెంచడానికి అంతే కాకుండా ఆహారం పేగుల ద్వారా సజావుగా కదలడానికి సహాయపడుతుంది. అజీర్ణం, వికారం వంటి సమస్యలకు అల్లం టీ బాగా ఉపశమనం కలిగిస్తుంది.

మంచి జీర్ణక్రియ అనేది ఆరోగ్యకరమైన జీవితానికి పునాది. ఈ 9 గట్-ఫ్రెండ్లీ ఆహారాలను మీ రోజువారీ ఆహారంలో చేర్చుకోవడం ద్వారా మీ జీర్ణవ్యవస్థను బలోపేతం చేసుకోవచ్చు. మొత్తం ఆరోగ్యాన్ని మెరుగుపరుచుకోవచ్చు.

Share

• 
• 
• 
• 
• 
•