జుట్టు సిల్కీగా మెరిసేలా ఉండాలని ఎవరికి మాత్రం ఉండదు. షాంపూ చేసిన తర్వాత ఎంతోమంది కండిషనర్ ను ఎక్కువగా వాడుతూ ఉంటారు. అలా చేయడం వల్ల జుట్టు సిల్కీ గా ఉంటుందని వారి అభిప్రాయం. అది నిజమే కావచ్చు. కానీ కండిషనర్ ధరలు చాలా ఎక్కువ. అంత డబ్బును వృధా చేసే బదులు సిల్కీగా మృదువుగా జుట్టును ఉంచుకోవాలంటే కొన్ని ఇంటి చిట్కాలను పాటించండి.
షాంపూ చేసిన తర్వాత ఆపిల్ సిడర్ వెనిగర్ ను ఉపయోగించండి. ఇందుకోసం రెండు కప్పుల నీటిలో ఒక కప్పు యాపిల్ సైడర్ వెనిగర్ కలపండి. తలస్నానం చేసేసిన తర్వాత ఈ నీటితో మీ జుట్టును ఒకసారి కడుక్కోండి. తలలో పీహెచ్ స్థాయిలను ఆపిల్ సైడర్ వెనిగర్ కాపాడుతుంది. చుండ్రు దురద సమస్యలు లేకుండా తొలగిస్తుంది. దుమ్ము వల్ల, కాలుష్యం వల్ల జుట్టును దెబ్బతినకుండా రక్షిస్తుంది. మీ వెంట్రుకలను మృదువుగా చేస్తుంది. వెంట్రుకలకు సహజమైన మెరుపులు అందిస్తుంది.
గ్రీన్ టీ
గ్రీన్ టీ తాగితేనే కాదు తలకి రాసుకున్నా కూడా ఎన్నో ప్రయోజనాలు ఉన్నాయి. ఇది చర్మానికి, జుట్టుకు ఎన్నో ఎంతో ఆరోగ్యాన్ని అందిస్తుంది. గ్రీన్ టీను రెండు నుండి మూడు కప్పుల నీటిలో మరిగించి ఆపై ఫిల్టర్ చేయండి. ఆ ఫిల్టర్ చేసిన నీటితో జుట్టుకు షాంపూ పెట్టుకున్నాక వెంట్రుకలను కడగండి. ఇలా చేయడం వల్ల జుట్టుకు మెరుపు రావడం ఖాయం. చిక్కులు పడే సమస్య కూడా చాలా తగ్గిపోతుంది. దీని వల్ల జుట్టు తెగకుండా రాలకుండా ఉంటుంది.
బియ్యం నీరు
బియ్యం నీరు జుట్టును బలపరుస్తుంది. అలాగే జుట్టుని మెరిసేలా చేస్తుంది. కొరియన్లు అధికంగా వాడేది బియ్యం నీటినే. బియ్యాన్ని 24 గంటలు నానబెట్టి ఆ తర్వాత ఆ నీటిని ఫిల్టర్ చేసి ఒక స్ప్రే బాటిల్ లో వేయండి. షాంపూ చేసుకున్నాక ఆ నీటిని తలపై పూసుకోండి. తర్వాత బియ్యం నీటితో కడగండి. జుట్టు సిల్కీగా మెరిసిపోతూ ఉంటుంది.
మందార పూల నీరు
మూడు నుండి నాలుగు మందార పువ్వులను తీసుకొని ఒక లీటర్ నీటిలో బాగా మరిగించండి. మీరు బాగా మరిగాక దానిని వడకట్టి ఆ నీటిని జుట్టుకు పట్టించండి. ఆ తర్వాత శుభ్రంగా కడిగేసుకోండి. జుట్టు సిల్కీగా మెరవడం మొదలవుతుంది. ఇలాగే బ్లాక్ కాఫీని కూడా నీటిలో మరిగించి ఫిల్టర్ చేసి తలకి షాంపూ చేసుకున్నాక ఆ బ్లాక్ టీతో జుట్టును కడిగేందుకు ప్రయత్నించండి. ఇది అద్భుతంగా పనిచేసే చిట్కా.
Share
Rahul Sipligunj - Rathika : ఘనంగా రాహుల్ ఎంగేజ్మెంట్, గుక్కపెట్టి ఏడుస్తున్న రతిక
Rashmika: "థమా" ఫస్ట్ లుక్ పోస్టర్ తోనే హైప్ పెంచిన రష్మిక... భయపెట్టేస్తోందిగా?
