చర్మ సంరక్షణ కోసం రసాయనాలు ఉన్న క్రీముల కంటే ఇంట్లో దొరికే సహజ పదార్థాలను వాడడమే మంచిది. ఇందులో ప్రధానమైనది తేనె. సాధారణంగా తేనెను ఆహారంగా ఉపయోగిస్తారు. చర్మాన్ని అందంగా ఉంచడంలో కూడా ఇది ప్రత్యేక పాత్ర పోషిస్తుందని చర్మ నిపుణులు చెబుతున్నారు. ముఖంపై తేనె రాస్తే వచ్చే ప్రయోజనాలు గురించి ఇప్పుడు తెలుసుకుందాం.
తేనె సహజంగా నీటిని శోషించుకునే గుణం కలిగి ఉంటుంది. ఇది చర్మంలో తేమను నిలబెట్టడంలో కీలక పాత్ర పోషిస్తుంది. రోజూ ముఖం కడిగిన తర్వాత తేనెను రాస్తే చర్మం మృదువుగా, తేమగా మారుతుంది. పొడిచర్మం కలిగిన వారికి ఇది మరింత ప్రయోజనకరంగా ఉంటుంది.
మొటిమల సమస్య తగ్గుతుంది
తేనెలో ఉండే యాంటీబ్యాక్టీరియల్ లక్షణాలు చర్మంపై ఉండే బ్యాక్టీరియా పెరుగుదలను నియంత్రించడంలో సహాయం చేస్తాయి. తరచుగా మొటిమలు వచ్చే వారికి తేనె మంచి పరిష్కారం. ముఖంపై తేనెను పలచని పొరగా రాసి పది నిమిషాలు ఉంచి కడిగేస్తే మొటిమలు తగ్గడమే కాకుండా, మొటిమల మచ్చలు కూడా నెమ్మదిగా తగ్గుతాయని నిపుణులు అంటున్నారు. రోజూ బయట తిరగడం వల్ల ధూళి, కాలుష్యం కారణంగా రంధ్రాల్లో మురికి చేరిపోతుంది. తేనె చర్మంలోని లోతైన మురికిని బయటికి తీయగల సహజ క్లెన్సర్. ఇది చర్మాన్ని శుభ్రం చేస్తూ పొడి, నిగారింపు కోల్పోయిన చర్మాన్ని మళ్లీ తాజాగా చూపిస్తుంది.
ముడతలు రావు
తేనెలో ఉండే యాంటీఆక్సిడెంట్లు చర్మంలో వృద్ధాప్య లక్షణాలు కనిపించకుండా అడ్డుకుంటుంది. ముఖంపై ముడతలు తగ్గడంలో సహాయపడతాయి. యాంటీఆక్సిడెంట్లు చర్మం నాశనం చేయగల ఫ్రీ రాడికల్స్‌ను ఎదుర్కొంటాయి. క్రమంగా తేనె మాస్క్ ఉపయోగించడం వల్ల చర్మం బిగుతుగా, యవ్వనంగా కనిపించే అవకాశం ఉంటుందని నిపుణులు సూచిస్తున్నారు. తేనెను తరచూ రాస్తే చర్మం మసకగా కనిపించడాన్ని తగ్గిస్తుంది. ముఖంపై తేనె రాసి పది నిమిషాల తర్వాత గోరువెచ్చని నీటితో కడిగేస్తే చర్మంలో సహజమైన మెరుపు కనిపిస్తుంది.
మచ్చలు తగ్గడంలో సహాయం
సన్నటి గీతలు, చిన్నపాటి మచ్చలు ఉన్నవారు తేనె వాడటం ద్వారా వాటిని తగ్గించుకోవచ్చు. తేనెలో యాంటీ ఇన్‌ఫ్లమేటరీ లక్షణాలు ఉండటం వల్ల చర్మం ఆరోగ్యంగా ఉండటానికి ఇది ఉపయోగపడుతుంది. రసాయనాలు ఉన్న బ్యూటీ ఉత్పత్తులను వాడితే కొంతమందికి అలర్జీ వస్తుంది. కానీ తేనె సహజమైనది. సున్నితమైన చర్మం ఉన్నవారికి కూడా ఇది సురక్షితంగా ఉంటుంది. అయితే చాలా అరుదుగా కొందరికి తేనె అలర్జీ ఉండే అవకాశం ఉంది. ఓసారి ప్యాచ్ టెస్ట్ చేసుకున్నాక వాడితే మంచిది.
ఎలా వాడాలి?
ముఖం కడిగిన తర్వాత తేనెను నేరుగా ముఖంపై రాసి పావుగంట పాటు ఉంచండి. తేనెలో నిమ్మరసం, పసుపు, ఓట్స్ పొడి వంటివి కలిపి రాస్తే ఇంకా ఎక్కువ ప్రయోజనాలు కలుగుతాయి. వారానికి రెండు మూడు సార్లు ఈ తేనెను ముఖానికి రాస్తే ఎన్నో ప్రయోజనాలు ఉన్నాయి.
Share
Naveen Yadav: 45వేల ఓట్ల మెజారిటీతో గెలిచేది నేనే.. వార్ వన్ సైడే.. గెలుపుపై నవీన్ యాదవ్ ధీమా
Ind vs Sa 1st Test: టాస్ ఓడిన టీమిండియా.. ముగ్గురు స్పెషల్ బౌలర్లతో గిల్ స్కెచ్.. స్ట్రీమింగ్ ఎక్కడంటే
