అధిక రక్తపోటు బాధపడుతున్న వారి సంఖ్య అధికంగానే ఉంది. పనిభారంతో వచ్చే ఒత్తిడి, సరైన ఆహారం తీసుకోకపోవడం, వ్యాయామం చేయకపోవడం, అధిక ఉప్పు ఉన్న ఆహారాలు తినడం వల్ల బీపీ సమస్య పెరుగుతోంది. ఇలాంటి సమయంలో చాలామంది నీరు ఎక్కువగా తాగితే రక్తపోటు తగ్గుతుందనే భావనను కలిగి ఉన్నారు. ఈ ప్రశ్నకు వైద్య నిపుణులు ఇచ్చే సమాధానం చాలా స్పష్టంగా ఉంది. నీరు బీపీపై నేరుగా ప్రభావం చూపకపోయినా, శరీరాన్ని ఆరోగ్యంగా ఉంచడంలో చాలా ముఖ్యమైన పాత్ర పోషిస్తుంది.
నీటి ప్రాధాన్యత
మన శరీరంలో పెద్ద మొత్తంలో నీరే ఉంటుంది. శరీరంలో నీరు తగ్గితే రక్తం కొద్దిగా చిక్కగా మారుతుంది. రక్తం చిక్కగా మారితే గుండె దానిని పంప్ చేయడంలో కష్టపడుతుంది. దాంతో రక్తపోటు పెరిగే అవకాశం ఉంటుంది. ముఖ్యంగా డీహైడ్రేషన్ సమయంలో శరీరంలో కొన్ని హార్మోన్లు విడుదల అవుతాయి. ఇవి రక్తనాళాలను కట్టిపడేసే విధంగా పనిచేస్తాయి. రక్తనాళాలు సన్నగా మారితే రక్తం ఒత్తిడితో ప్రవహించడం వల్ల బీపీ పెరుగుతుంది. అందుకే నీరు తక్కువగా తాగే వాళ్లలో బీపీ మార్పులు సాధారణంగా కనిపిస్తాయి.
అయితే నీరు తాగడం వల్ల వెంటనే రక్తపోటు తగ్గిపోతుందా? అంటే కాదు. అది ఔషధాల్లా వెంటనే పనిచేయదు. కానీ శరీరం హైడ్రేట్గా ఉంటే రక్తప్రసరణ సక్రమంగా కొనసాగుతుంది. రక్తనాళాలు మృదువుగా ఉంటాయి. గుండె పైన ఒత్తిడి తగ్గుతుంది. ముఖ్యంగా తక్కువ బీపీ ఉన్నవారికి నీరు తాగడం కొద్దిగా రక్తపోటు పెంచి స్థిరంగా ఉండేలా చేస్తుంది. అలాగే అధిక బీపీ ఉన్నవారికి నీరు సహాయక పాత్ర పోషిస్తుంది. ఉప్పు ప్రభావాన్ని కొంతవరకు తగ్గించడం ద్వారా రక్తపోటు నియంత్రణలో ఉండేలా సహాయం చేస్తుంది.
రోజుకి ఎంత నీరు తాగాలి
పెద్దవాళ్లు కనీసం 8 నుండి 10 గ్లాసుల నీరు తాగాలని వైద్యులు సూచిస్తున్నారు. వాతావరణం వేడిగా ఉన్నప్పుడు, ఎక్కువగా బయట తిరిగేవారికి లేదా వ్యాయామం చేసేవారికి మరింత నీరు అవసరం అవుతుంది. కాఫీ లేదా టీ ఎక్కువగా తాగే వారు ఇంకా ఎక్కువ నీరు తాగాలి, ఎందుకంటే ఇవి శరీరంలో నీటిని తగ్గించడానికి కారణమవుతాయి. ఇక డీహైడ్రేషన్ ఉన్నపుడు బీపీ స్థాయిలు మారే అవకాశం ఉండటంతో నీరు తాగే అలవాటు చాలా ముఖ్యమవుతుంది.
నీరు తాగడం వల్ల శరీరానికి మరో ముఖ్యమైన ప్రయోజనం ఏమిటంటే అది బరువు తగ్గడంలో సహాయం చేస్తుంది. భోజనం ముందు ఒక గ్లాస్ నీరు తాగితే ఆకలి నియంత్రణలో ఉంటుంది. బరువు తగ్గితే రక్తపోటు కూడా తగ్గుతుంది. అలాగే నీరు శరీరంలోని మలినాలను బయటకు పంపుతుంది. ఇది మొత్తం ఆరోగ్యాన్ని మెరుగుపరుస్తుంది. రక్తనాళాలు సజావుగా పనిచేయడానికి నీరు అవసరం. ఈ కారణాల వల్ల నీరు బీపీ నియంత్రణలో ఒక సహజమైన సాధనంలా పనిచేస్తుంది.
నీరు ఎక్కువగా తాగడంలో జాగ్రత్తలు కూడా అవసరం. ఒకేసారి ఎక్కువగా తాగకుండా రోజంతా కొద్దికొద్దిగా తాగడం మంచిది. గది ఉష్ణోగ్రతలో ఉన్న నీరు శరీరానికి మంచిది. భోజనం చేసిన వెంటనే అధికంగా నీరు తాగితే జీర్ణక్రియ మందగించవచ్చు. కిడ్నీ సమస్యలు ఉన్నవారు మాత్రం నీరు తాగే పరిమాణం విషయంలో వైద్యుల సూచన పాటించడం మంచిది.
నీరు తాగడం రక్తపోటును నేరుగా తగ్గించే మందు కాదు. కానీ బీపీ నియంత్రణలో ఉండేలా సహాయపడే అలవాటుగా చెప్పుకోవాలి. శరీరాన్ని హైడ్రేట్గా ఉంచడం, రక్తప్రసరణను మెరుగుపరచడం, గుండె మీద ఒత్తిడిని తగ్గించడం వంటి ప్రయోజనాల వల్ల నీరు ఆరోగ్యానికి అత్యంత అవసరం. రోజూ సరిపడా నీరు తాగడం ద్వారా రక్తపోటు సమస్యను సహజంగా నియంత్రించుకోవచ్చు.
Share
Allu Arjun Pushpa : మందు బాబులూ.. పెగ్ వేయాలని ఉందా... పుష్ప దగ్గరకు వచ్చేయండి
Boy fights leopard: స్కూలు బ్యాగే రక్షక కవచంలా.. చిరుతపులిని తరిమికొట్టిన 5వ తరగతి విద్యార్థి
