Thanikaya: ఆయుర్వేదం ప్రకారం.. తానికాయ అనేక సమస్యలను నయం చేయడంలో ప్రభావవంతంగా పనిచేస్తుంది. ఈ తానికాయలకు ఆయుర్వేదంలో ప్రత్యేకస్థానం ఉంది. ఇవి భిన్న రకాల ఔషధ గుణాలను కలిగి ఉంటాయి. తానికాయల చూర్ణం తీసుకోవడం వల్ల అనేక రకాల ఆరోగ్య ప్రయోజనాలను పొందవచ్చు. ఈ చూర్ణం పలు వ్యాధులను నయం చేయడంలో అద్భుతంగా పనిచేస్తాయంటారు ఆయుర్వేద నిపుణులు. తరచూ ఆరోగ్య సమస్యలను ఎదుర్కొనేవాళ్లు తానికాయలను పలు పదార్థాలతో కలిపి తీసుకుంటే.. తగ్గని రోగాలు కూడా తగ్గిపోతాయట. తానికాయ చూర్ణం తరచూ తీసుకుంటే.. శరీరంలోని చెడును మొత్తం తొలగించేస్తుందట.
చాలామంది జీర్ణ సంబంధిత సమస్యలతో బాధపడుతుంటారు. జీర్ణక్రియ సరిగా లేకపోవడమే అనేక వ్యాధులకు మూల కారణం. ఈ తానికాయ చూర్ణం జీర్ణక్రియను మెరుగుపరచడంలో కీలకంగా వ్యవహరిస్తుంది. ఇది జీర్ణవ్యవస్థను సమతుల్యం చేస్తుంది. కడుపు సమస్యలను తగ్గించడంలో సాయపడుతుంది. దీంతోపాటు మలబద్ధకం, గ్యాస్, ఉబ్బరం, అజీర్ణం వంటి జీర్ణ సమస్యల నుంచి ఉపశమనం లభిస్తుంది. అయితే, తానికాయలను అతిగా తీసుకోకూడదు. అలా తీసుకుంటే.. శరీరం వేడికి గురవుతుంది.
తానికాయల కషాయంలో అశ్వగంధ చూర్ణం, బెల్లం కలిపి తీసుకుంటే వాతం తగ్గిపోతుంది. అలాగే తానికాయల చూర్ణంలో కొద్దిగా సైంధవ లవణం కలిపి తీసుకుంటే.. విరేచనాలు క్షణాల్లో తగ్గుతాయి. ఈ కాయను అరగదీసి ఆ మిశ్రమాన్ని లేపనంగా రాస్తుంటే.. చర్మ వ్యాధులు దరిచేరవు. తానికాయల చూర్ణంలో తేనె కలిపి తీసుకుంటే దగ్గు, జలుబు, ఆస్తమా వంటి సమస్యలు తగ్గిపోతాయి. ఈ చూర్ణం గొంతు, ఊపిరితిత్తుల్లో ఉండే కఫం కరిగిస్తుంది. తానికాయల పొడిలో కొద్దిగా చక్కెర కలిపి రోజూ తింటే.. కంటి సంబంధించిన సమస్యలు రావు.
Read Also: మొలకెత్తిన దుంపలు తింటున్నారా?.. ప్రమాదం పొంచి ఉందంటున్న నిపుణులు!
తానికాయల పొడిలో తేనె కలిపి రోజుకు రెండుసార్లు తీసుకుంటుంటే.. గొంతులో నొప్పి, మంట వంటి సమస్యల నుంచి ఉపశమనం పొందవచ్చు. అలాగే ఈ కాయలోని పప్పును రాత్రిపూట తింటే నిద్ర చక్కగా పడుతుంది. పడుకున్న వెంటనే గాఢ నిద్రలోకి జారుకుంటారు. నిద్రలేమి సమస్య క్రమంగా తగ్గుపోతుంది.
* తానికాయ జుట్టు రాలడాన్ని నిలువరిస్తుంది. అంతేకాదు.. తెల్లజుట్టు సమస్యకు చక్కటి పరిష్కారం. జుట్టును ఆరోగ్యంగా ఉంచడంలో ఇది సమర్థవంతంగా పనిచేస్తుంది. తానికాయను సాధారణంగా ఆయుర్వేద నూనెలు, హెయిర్ ప్యాక్ల్లో ఉపయోగిస్తారు.
* ఊబకాయం, అధిక బరువు సమస్యలకు తానికాయ మంచి విరుగుడు. బరువు తగ్గాలనుకుంటే.. తానికాయ బెస్ట్ ఆప్షన్. ఇది తీసుకోవడం వల్ల జీర్ణక్రియ మెరుగుపడుతుంది. దీంతో, బరువు తగ్గాలనుకునేవారికి ప్రయోజనకరంగా ఉంటుంది.
* ముఖ్యంగా శీతాకాలంలో చాలామంది తరచూ అనారోగ్యానికి గురవుతుంటారు. అలాంటి వాళ్లు తానికాయను తీసుకుంటే.. రోగనిరోధక శక్తి పెరుగుతుంది. దీంతో శరీరం ఇన్ఫెక్షన్లతో పోరడటానికి, వ్యాధుల నుంచి దూరంగా ఉంచడానికి సాయపడుతుంది.
Read Also: మీకెప్పుడైనా ఈ డౌట్ వచ్చిందా.. మన బొడ్డులో పేరుకుపోయిన ఈ మెత్తటి పదార్థం ఏంటని?
Share
Globe Trotter : ఏకంగా హాలీవుడ్ మీడియా రంగంలోకి, జక్కన్న సర్ప్రైజ్ ప్లాన్
Viral Video: రన్నింగ్ ఆటో మీద దూకి, అమ్మాయిని కాపాడిన హిందూ హీరో!
