Simple Facepack: ఇంట్లో దొరికే ఈ 3 పదార్థాలతో ముఖాన్ని తెల్లగా మెరిపించేయండి

చాలా మంది చర్మం మెరుస్తూ ఉండాలని కోరుకుంటారు. కానీ కాలుష్యం, దుమ్ము, ఒత్తిడి, సరైన ఆహారం లేకపోవడం వంటి కారణాల వల్ల చర్మానికి టాన్ పట్టేస్తుంది. ముఖం కాంతి కోల్పోతుంది. చాలా మంది ఖరీదైన క్రీములు, బ్యూటీ ప్రొడక్ట్స్ వాడుతూ ఉంటారు. అయితే వాటికన్నా సహజ పదార్థాలతో చేసిన ఫేస్ ప్యాక్‌లు కూడా మంచి ఫలితం ఇస్తాయని చెబుతున్నారు. ముఖ్యంగా మూడు సహజ పదార్థాలను కలిపి పేస్ట్ చేసుకుని వాడితే చర్మం సహజంగా మెరుస్తుందని అంటున్నారు.

ఈ మూడు పదార్థాలు
చర్మానికి మంచి మెరుపు రావాలంటే పెరుగు, తేనె, నిమ్మరసం అనే మూడు పదార్థాలు చాలనిపిస్తోంది. ఇవి చాలా ఇళ్లలో సులభంగా లభించే పదార్థాలే. ముందుగా ఒక చిన్న గిన్నెలో రెండు స్పూన్లు పెరుగు తీసుకోవాలి. అందులో ఒక స్పూన్ తేనె వేసుకోవాలి. తర్వాత కొన్ని చుక్కలు నిమ్మరసం కలపాలి. ఈ మూడు పదార్థాలను బాగా కలిపి మందమైన పేస్ట్ లా తయారు చేసుకోవాలి. ఈ పేస్ట్‌ను ఫేస్ ప్యాక్‌లా ఉపయోగించవచ్చు.

ముఖానికి ఈ ప్యాక్ పెట్టే ముందు ముఖాన్ని శుభ్రంగా కడుక్కోవాలి. తర్వాత తుడిచి పొడిగా చేసుకోవాలి. ఆ తరువాత తయారు చేసిన పేస్ట్‌ను ముఖం మీద, మెడపై సమంగా రాయాలి. సుమారు 15 నుంచి 20 నిమిషాలు అలాగే ఉంచాలి. తర్వాత చల్లని నీటితో ముఖాన్ని కడుక్కోవాలి. ఇలా చేయడం వల్ల చర్మం శుభ్రంగా మారి మెరుస్తూ కనిపిస్తుందని నిపుణులు చెబుతున్నారు.

Also read: Bitter gourd: ఈ చిన్న చిట్కాలు కాకరకాయలోని చేదును తీసేయండి, పిల్లలు కూడా తింటారు

ఇవి ఎలా ఉపయోగపడతాయి
ఈ ఫేస్ ప్యాక్‌లో ఉన్న పదార్థాలు చర్మానికి ఎంతో ఉపయోగకరంగా ఉంటాయి. పెరుగులో లాక్టిక్ యాసిడ్ ఉంటుంది. ఇది చర్మంపై ఉన్న మృత కణాలను తొలగించడంలో సహాయపడుతుంది. దీంతో చర్మం మృదువుగా మారుతుంది. తేనె చర్మానికి తేమను అందిస్తుంది. అలాగే చర్మం పొడిబారకుండా కాపాడుతుంది. నిమ్మరసంలో విటమిన్ సి ఉంటుంది. ఇది చర్మాన్ని ప్రకాశవంతంగా చేయడంలో సహాయపడుతుంది. ఈ మూడు కలిసి పనిచేసి చర్మానికి సహజమైన మెరుపు తీసుకువస్తాయి.

ఈ ప్యాక్‌ను వారం లో రెండు సార్లు వేసుకుంటే మంచి ఫలితాలు కనిపిస్తాయి. అయితే ప్రతి ఒక్కరి చర్మం వేర్వేరు రకాలుగా ఉంటుంది. అందుకే ముందుగా చేతిపై లేదా చిన్న భాగంలో వేసి పరీక్ష చేయడం మంచిదని నిపుణులు సూచిస్తున్నారు. ఏదైనా అలర్జీ లేదా మండుట అనిపిస్తే వెంటనే వాడకాన్ని ఆపేయాలి. అలాగే ఈ ప్యాక్ వేసుకున్న వెంటనే ఎక్కువసేపు ఎండలో తిరగకుండా జాగ్రత్త పడాలి.

Also read: Rajma Pulao: రాజ్మా పులావ్.. తింటే రుచే కాదు, పోషకాహారలోపం కూడా రాదు, రెసిపీ ఇదిగో

సహజ పదార్థాలతో చేసిన ఫేస్ ప్యాక్‌లు చర్మానికి హానికరం కాకుండా సహజంగా పనిచేస్తాయి. అందుకే చాలా మంది ఇప్పుడు ఇంటి చిట్కాలను ఫాలో అవుతారు. పెరుగు, తేనె, నిమ్మరసం కలిపి చేసే ఈ సింపుల్ ఫేస్ ప్యాక్‌ను వారానికి రెండు రోజులు క్రమపద్ధతిలో వేసుకుంటే చర్మం మృదువుగా, మెరిసేలా మారుతుందని నిపుణులు చెబుతున్నారు.