10 minute workout| ఆధునిక జీవనశైలిలో అందరూ బిజీ బిజీగా గడుపుతుంటారు. బిజీ జీవితంలో ఫిట్గా ఉండడం చాలా కష్టంగా అనిపిస్తుంది. ఈ కారణంగా శరీర ఫిట్నెస్ గురించి నిర్లక్ష్యం చేస్తారు. చాలా మంది సమయం లేదని వ్యాయామం చేయడం మానేస్తారు. కానీ ఫిట్నెస్కు ఎప్పుడూ గంటల తరబడి జిమ్లో గడపాల్సిన అవసరం లేదు. ఈజీగా 10 నిమిషాల రొటీన్ కూడా మీ శరీరాన్ని చురుకుగా, ఆరోగ్యంగా ఉంచగలదు.
ప్రముఖ బాలివుడ్ నటి అలియా భట్కు ఫిట్నెస్ ట్రైనింగ్ ఇచ్చే సెలబ్రిటీ ట్రైనర్ కరణ్ సాహ్నీ ఐదు సులభమైన వ్యాయామాలను షేర్ చేశారు. ఇవి ఎలాంటి సామగ్రి అవసరం లేకుండా ఇంట్లోనే చేయవచ్చు.
చాలా మంది ఎక్కువ సమయం వెచ్చించే వ్యాయామాలు మాత్రమే మంచి ఫలితాలు ఇస్తాయని అనుకుంటారు. కానీ ఇది అన్ని వేళలా నిజం కాదు. చిన్న వ్యాయామాలు కూడా బలం, స్టామినాను మెరుగుపరుస్తాయి. ఈ మైక్రో వర్కౌట్స్ ఎనర్జీ లెవెల్స్ని పెంచి, గుండె ఆరోగ్యాన్ని మెరుగుపరుస్తాయి. రక్తప్రసరణ, జీవక్రియను కూడా మెరుగుపరుస్తాయి. క్రమం తప్పకుండా ప్రతి రోజు 10 నిమిషాలు వ్యాయామం చేయడం పెద్ద తేడాను తీసుకురాగలదు.
స్క్వాట్స్ శరీరం మొత్తానికి శక్తివంతమైన వ్యాయామం. ఇవి తొడలు, హిప్స్ గ్లూట్స్ను బలపరుస్తాయి. భంగిమను మెరుగుపరచి, బ్యాలెన్స్ను మెరుగుపరుస్తాయి. క్యాలరీలను త్వరగా కరిగించి, పొట్ట కొవ్వును తగ్గిస్తాయి. కాళ్లు భుజాల వెడల్పున ఉంచి, కుర్చీపై కూర్చున్నట్లు క్రిందికి దిగండి. నెమ్మదిగా లేచి నిలబడండి.
పుష్-అప్స్ ఎగువ శరీర బలానికి అత్యుత్తమం. ఛాతీ, భుజాలు, చేతులను టార్గెట్ చేస్తాయి. కోర్ కండరాలను కూడా ఉపయోగపెట్టి స్థిరత్వాన్ని మెరుగుపరుస్తాయి. ఇది ఎండ్యూరెన్స్, కండరాల టోన్ను పెంచుతుంది. ప్లాంక్ స్థితిలో ప్రారంభించి, శరీరాన్ని క్రిందికి దించి మళ్లీ పైకి నెట్టండి. కొన్ని రిపీట్స్తో ప్రారంభించి నెమ్మదిగా పెంచండి.
ప్లాంక్ సాధారణమైన కానీ చాలా ప్రభావవంతమైన కోర్ వ్యాయామం. ఇందులో పొట్ట, వీపు, భుజాలపై ఒత్తిడి చేయడంతో వాటికి బలం చేకూరుతుంది. భంగిమను మెరుగుపరచి, పొట్ట కొవ్వును తగ్గిస్తుంది. వెన్నెముక స్థిరత్వానికి కూడా సహాయపడుతుంది. మోచేతులు, కాలి వేళ్లపై శరీరాన్ని నిటారుగా పట్టుకోండి.
బైసికిల్ క్రంచెస్.. పొట్ట కండరాలను బాగా టార్గెట్ చేస్తాయి. ఫ్లెక్సిబిలిటీని మెరుగుపరచి, కోర్ను బలపరుస్తాయి. ఇది కోఆర్డినేషన్, ఎండ్యూరెన్స్ను కూడా పెంచుతుంది. వీపుపై పడుకొని కాళ్లను సైకిల్ తిప్పినట్లు కదపండి. విరుద్ధమైన మోచేయి, మోకాలిని తాకండి.
హై నీస్ గొప్ప కార్డియో వ్యాయామం. ఇది హార్ట్ రేట్ను పెంచి, క్యాలరీలను త్వరగా ఖర్చు చేస్తుంది. స్టామినాను మెరుగుపరచి, కాలి కండరాలను బలపరుస్తుంది. గుండె ఆరోగ్యానికి కూడా మంచిది. నిటారుగా నిలబడి మోకాళ్లను ఛాతీ వైపు త్వరగా ఎత్తండి.
ప్రతి వ్యాయామాన్ని సుమారు 30 సెకన్లు చేయండి. వ్యాయామాల మధ్య చిన్న విరామం తీసుకోండి. పూర్తి సర్క్యూట్ను రెండు సార్లు రిపీట్ చేయండి. ఈ రొటీన్ పూర్తి చేయడానికి కేవలం 10 నిమిషాలు మాత్రమే పడుతుంది. ఏ షెడ్యూల్లోనైనా సులభంగా సరిపోతుంది.
Also Read: భోజనం తర్వాత స్వీట్స్ తినాలని ఎందుకు అనిపిస్తుంది? ఆయుర్వేదం చెబుతున్న సమాధానమిదే
ప్రతి వ్యాయామం సమయంలో సరైన భంగిమలతో చేయంి. నెమ్మదిగా ప్రారంభించి, క్రమంగా తీవ్రతను పెంచండి. ఏవైనా ఆరోగ్య సమస్యలు ఉంటే ట్రైనర్ను సంప్రదించండి. స్థిరంగా వ్యాయామం చేస్తేనే మంచి ఫలితాలు సాధ్యం.
Share
మరోసారి తల్లి కాబోతున్న దీపికా పదుకొనే.. పోస్ట్ వైరల్!
రాత్రి పూట ఐస్క్రీమ్ తింటున్నారా? ఈ ఆరోగ్య సమస్యలు తప్పవు!
