Knee Pain: ఎన్ని మందులు వాడినా మోకాళ్ల నొప్పులు తగ్గట్లేదా? ఈ హోం రెమెడీస్ ట్రై చేయండి

Knee Pain: మోకాళ్ల నొప్పి అనేది వయస్సుతో సంబంధం లేకుండా చాలా మందిని వేధించే సమస్య. అధిక బరువు, కీళ్ల వాతం, లేదా చిన్నపాటి గాయాల వల్ల ఈ నొప్పి రావచ్చు. నొప్పి తీవ్రంగా ఉన్నప్పుడు రోజువారీ పనులు చేయడం కూడా కష్టమవుతుంది. అయితే.. కొన్ని ప్రభావవంతమైన హోం రెమెడీస్, లైఫ్ స్టైల్ మార్పుల మోకాళ్ల నొప్పి నుంచి త్వరగా ఉపశమనం పొందవచ్చు. సరైన జాగ్రత్తలు తీసుకోవడం ద్వారా శస్త్రచికిత్స అవసరం లేకుండానే మోకాళ్లను ఆరోగ్యంగా ఉంచుకోవచ్చు. మోకాళ్ల నొప్పిని తగ్గించే వేగవంతమైన మార్గాల గురించి ఇప్పుడు తెలుసుకుందాం.

మోకాళ్ల నొప్పిని తగ్గించే వేగవంతమైన మార్గాలు:
మోకాళ్ల నొప్పిని తగ్గించడానికి , మోకాళ్ల ఆరోగ్యాన్ని మెరుగు పరచడానికి ఈ క్రింది పద్ధతులు పాటించండి.

1. R.I.C.E. పద్ధతి: గాయం వల్ల మోకాళ్ల నొప్పి వచ్చినప్పుడు ‘రైస్’ పద్ధతి అద్భుతంగా పనిచేస్తుంది.

Rest (విశ్రాంతి): నొప్పి ఉన్నప్పుడు మోకాళ్లపై ఒత్తిడి పడకుండా విశ్రాంతి ఇవ్వాలి.

Ice (ఐస్ ప్యాక్): ఐస్ ముక్కలను ఒక క్లాత్‌లో చుట్టి మోకాలిపై 15-20 నిమిషాల పాటు ఉంచాలి. ఇది వాపును, నొప్పిని తగ్గిస్తుంది.

Compression (కుదింపు): మోకాలికి క్రేప్ బ్యాండేజ్ కట్టడం వల్ల వాపు తగ్గుతుంది.

Elevation (ఎత్తులో ఉంచడం): పడుకున్నప్పుడు మోకాలి కింద దిండు పెట్టుకుని.. కాలిని గుండె కంటే కొంచెం ఎత్తులో ఉంచాలి.

2. వేడి, చల్లని చికిత్స : నొప్పి పాతదైతే వేడి నీళ్ల కాపడం పెట్టడం వల్ల రక్త ప్రసరణ పెరిగి కండరాలు రిలాక్స్ అవుతాయి. వాపు ఉన్నప్పుడు మాత్రం ఐస్ ప్యాక్ వాడాలి.

3. మసాజ్ చికిత్స: నువ్వుల నూనె లేదా ఆవ నూనెను గోరు వెచ్చగా చేసి మోకాలిపై మెల్లగా మసాజ్ చేయాలి. నూనెలో కొంచెం కర్పూరం కలిపితే నొప్పి త్వరగా తగ్గుతుంది. ఇది కీళ్లలో బిగుతును తొలగిస్తుంది.

4. పసుపు పాలు: పసుపులో ‘కర్కుమిన్’ అనే శక్తి వంతమైన యాంటీ ఇన్‌ఫ్లమేటరీ గుణాలు ఉన్నాయి. ప్రతి రోజూ రాత్రి పడుకునే ముందు గ్లాసు వేడి పాలలో చిటికెడు పసుపు కలుపుకుని తాగితే లోపలి నుంచి నొప్పి తగ్గుతుంది.

Also Read: తరచూ తలనొప్పా ? బ్రెయిన్ ట్యూమర్ కావొచ్చు జాగ్రత్త !

5. సరైన వ్యాయామం: నొప్పి ఉన్నప్పుడు కదల కూడదని చాలా మంది అనుకుంటారు. కానీ తేలిక పాటి వ్యాయామాలు అవసరం. క్వాడ్రిసెప్స్ స్ట్రెచెస్ వాకింగ్ వంటివి మోకాలి చుట్టూ ఉండే కండరాలను బలోపేతం చేస్తాయి. అయితే.. నొప్పి ఎక్కువగా ఉన్నప్పుడు వ్యాయామం చేయకూడదు.

6. బరువు నియంత్రణ: శరీర బరువు పెరిగితే ఆ ప్రభావం నేరుగా మోకాళ్లపై పడుతుంది. ప్రతి ఒక కిలో బరువు తగ్గినా.. మోకాళ్లపై సుమారు 4 కిలోల ఒత్తిడి తగ్గుతుంది.

7. అల్లం, వెల్లుల్లి: అల్లం టీ తాగడం లేదా వంటల్లో వెల్లుల్లి ఎక్కువగా వాడటం వల్ల శరీరంలో వాపులు తగ్గుతాయి. ఇవి సహజ సిద్ధమైన పెయిన్ కిల్లర్స్‌గా పని చేస్తాయి.

Also Read: శీతాకాలంలో బరువు పెరగకుండా ఉండాలంటే.. తప్పకుండా పాటించాల్సిన 4 రూల్స్ ఇవే!