Winter weight gain: రోజురోజుకు పడిపోతున్న ఉష్ణోగ్రతల వల్ల వాతావరణం చల్లగా మారిపోతుంది. దీంతో ఇంట్లో నుంచి అడుగు బయట పెట్టాలంటేనే వణికిపోతున్నారు. ఈ క్రమంలో చలిని తట్టుకునేలా, శరీరాన్ని వెచ్చగా ఉంచుకునేందుకు రకరకాల ఫుడ్ రెసిపీలను ట్రై చేసి తినేస్తున్నారు. ఇక్కడ తినడం సమస్య కాదు.. తిన్న తర్వాత శరీరానికి కావాల్సిన వ్యాయామాన్ని అందింకపోవడమే సమస్య. సాధారణంగా వింటర్ సీజన్లో చాలామంది వ్యాయామాలు చేయకుండా ఇంట్లోనే ఉంటారు. దీంతో అధిక బరువును నియంత్రించుకోవడం కష్టంగా మారుతుంది.
కొంతమంది చలిలో బయటికి వెళ్లడం వలన జలుబు, దగ్గు, కీళ్లు పట్టేయడం, చర్మం పొడిబారడం, శ్వాసకోశ సంబంధిత సమస్యలు.. చుట్టుముడతాయని కారణాలు చెబుతుంటారు. అయితే శరీరానికి తగిన శ్రమ లేకపోతే ఈ సమస్యలు మరింత పెరుగుతాయే తప్ప తగ్గవనే విషయాన్ని గుర్తుంచుకోవాలి. చలికాలంలో బరువు పెరగడానికి గల ప్రధాన కారణాలు ఏవో ఇప్పుడు తెలుసుకుందాం.
Also Read: కివీ పండు తొక్కలో ఇంత ఆరోగ్యం దాగుందా? వామ్మో.. ఈ విషయం తెలియక ఇన్నిరోజులూ పడేశాం కదరా!
తీవ్రమైన చలి కారణంగా ఉదయాన్నే లేచి వ్యాయామం చేయడానికి శరీరం సహకరించదు. తద్వారా మీ బాడీ ఫిట్నెస్ అదుపు తప్పుతుంది. ఇలాగే కొన్నిరోజులు కొనసాగితే.. శరీరంలో ఉన్న క్యాలరీలు కొవ్వుగా మారుతాయి. తద్వారా సులభంగా, వేగంగా బరువు పెరిగిపోతారు. కాబట్టి.. బరువు నియంత్రణలో ఉంచుకోవాలంటే.. క్రమం తప్పకుండా వ్యాయామం చేయడం చాలా అవసరం అంటున్నారు వైద్య నిపుణులు.
ఎండాకాలం అయినా చలికాలం అయినా సరే మన శరీరానికి విటమిన్ డి చాలా అవసరం. చలి కారణంగా బయటికి రాకపోతే.. ‘సీజనల్ ఎఫెక్టివ్ డిజార్డర్’ సమస్య బారిన పడే అవకాశం ఉందని చెబుతున్నారు నిపుణులు. ఇది కూడా ఓ రకమైన డిప్రెషన్ లాంటిది. దీంతో తరచూ ఆకలి వేస్తుంటుంది. దీంతో మోతాదుకు మించి ఆహారం తీసుకోవడం వంటివి చేస్తుంటాం. ఈ చిన్న చిన్న అలవాట్లే బరువు పెరిగేందుకు ప్రధాన కారణవుతాయి. అందుకే.. ఉదయం ఎండ లేకపోయినా.. రోజులో ఏదో ఒక సమయంలో కాసేపు ఎండలో ఉండటం చాలా మంచిది. దీంతో బరువు కూడా నియంత్రణలో ఉంటుంది.
ఎక్కువగా మహిళల్లో ఏర్పడే హార్మోన్ల అసమతుల్యత వల్ల వాళ్లు వేగంగా బరువు పెరుగుతుంటారు. దీనికి తోడు చలికాలంలో చోటుచేసుకునే మార్పులు కూడా హార్మోన్ల సమతుల్యతను దెబ్బతీస్తాయి. దీంతో బరువు తగ్గే ప్రక్రియ నెమ్మదించడంతో పాటు ఆహారం తినాలనే పెరుగుతాయని నిపుణులు చెబుతున్నారు. కాబట్టి.. హార్మోన్లను సమతులంగా ఉంచుకోవడానికి జీవనశైలిలో చిన్న చిన్న మార్పులు ఎంతో ముఖ్యమని సూచిస్తున్నారు.
సాధారణంగా శీతాకాలం పగలు కంటే రాత్రి ఎక్కువ సమయం ఉంటుంది. ఈ నేపథ్యంలో రాత్రి భోజనం త్వరగా ముగించేస్తుంటాం. ఇక రాత్రి పడుకునే సమయానికి లేదా పడుకున్నాక అర్ధరాత్రి ఆకలేస్తుంటుంది కొన్నిసార్లు. అలాంటప్పుడు ఏదిపడితే అది తినేయకుండా.. తేలికైన ఆహారం తీసుకోవాలి. ముఖ్యంగా బిస్కట్స్, చిప్స్, పాప్కార్న్, కుకీస్, చాక్లెట్స్కు దూరంగా ఉండాలి. ఈ హాబిట్స్ కూడా వెయిట్ గైన్కు కారణం అవుతాయని చెబుతున్నారు ఫిట్నెస్ నిపుణులు. అర్ధరాత్రి ఆకలేసినప్పుడు పండ్లు, నట్స్, డ్రైఫ్రూట్స్ వంటివి తీసుకుంటే బరువు నియంత్రణలో ఉంటుంది.
Also Read: సాంబార్ లేనిదే సంక్రాంతి పండగ అసంపూర్ణం.. ఇంట్లో అద్భుతంగా తయారు చేసుకునే సింపుల్ పద్ధతి!
Share
Iran: ఇరాన్లో రక్తపాతం.. అసలు అక్కడేం జరుగుతోంది.. ఇప్పటివరకు 2000 మంది మృతి..?
Snake Bite: షాకింగ్.. పాము కరిచిందని దాన్ని జేబులో వేసుకుని...!
