Snake Bite: షాకింగ్.. పాము కరిచిందని దాన్ని జేబులో వేసుకుని…!

Snake Bite: ఉత్తరప్రదేశ్‌లోని మథుర జిల్లాలో ఒక వింత ఘటన చోటుచేసుకుంది. ఒక ఈ-రిక్షా డ్రైవర్ తనను పాము కరిచిందంటూ, ఆ పామును ఏకంగా తన జాకెట్ జేబులో పెట్టుకుని జిల్లా ఆసుపత్రికి రావడంతో అక్కడి రోగులు, వైద్యులు బెంబేలెత్తిపోయారు. మథురకు చెందిన దీపక్ (39) అనే వ్యక్తి సోమవారం బృందావన్ వెళ్తుండగా పాలిటెక్నిక్ కళాశాల సమీపంలో ఒక అడుగున్నర పొడవున్న పాము (కోబ్రా) అతడిని కరిచింది. దీంతో చికిత్స కోసం ఆ పామును వెంటబెట్టుకుని ఆసుపత్రికి చేరుకున్నాడు.

ఆసుపత్రిలో తనకు సకాలంలో చికిత్స అందడం లేదని ఆరోపిస్తూ దీపక్ ఆసుపత్రి బయట నిరసనకు దిగాడు. ఈ క్రమంలో అక్కడి వారు “పాము ఎక్కడ?” అని ప్రశ్నించగా, తన జాకెట్ నుండి సజీవంగా ఉన్న పామును బయటకు తీసి చూపించడంతో అందరూ ఒక్కసారిగా షాక్‌కు గురయ్యారు. ఇతర రోగుల ప్రాణాలకు ముప్పు వాటిల్లే ప్రమాదం ఉన్నందున పామును బయట వదిలేయాలని వైద్యులు కోరినప్పటికీ, అతడు వినలేదు. సోషల్ మీడియాలో వైరల్ అయిన ఈ వీడియోలో, ప్రభుత్వ ఆసుపత్రిలో కనీస సౌకర్యాలు లేవని అతడు ఆగ్రహం వ్యక్తం చేయడం కనిపించింది.

సమాచారం అందుకున్న పోలీసులు వెంటనే అక్కడికి చేరుకుని దీపక్‌ను శాంతింపజేశారు. ఆ పామును సురక్షితంగా ఒక పెట్టెలో బంధించి పరిస్థితిని అదుపులోకి తెచ్చారు. అనంతరం వైద్యులు అతడికి యాంటీ-వెనం ఇంజెక్షన్ ఇచ్చి చికిత్స ప్రారంభించారు. ప్రస్తుతం దీపక్ ఆరోగ్య పరిస్థితి నిలకడగా ఉందని చీఫ్ మెడికల్ సూపర్ ఇన్ టెండెంట్ నీరజ్ అగర్వాల్ తెలిపారు. అయితే, ఆ పాము దీపక్ పెంచుకుంటున్నదే కావచ్చని ఆసుపత్రి వర్గాలు అనుమానం వ్యక్తం చేస్తున్నాయి.

Oh man,
In #Mathura, an e-rickshaw driver got bitten by a snake.

And it wasn’t just any snake—it was a full-on hooded cobra.

The guy was standing in the district hospital, yelling that he wasn’t getting any treatment. Then someone asked, “Where’s the snake?” So he pulled out… pic.twitter.com/kdlQEAOYnz

— PAWAN DUKIYA (@pwnprakash) January 13, 2026