Kaithi 2 Update: కైతి 2ను లోకేష్ పక్కన పెట్టడానికి అసలు కారణం ఏమిటో తెలుసా..!

Kaithi 2 Update: అల్లు అర్జున్ కొత్త సినిమా ప్రకటన వెలువడిన తర్వాత, దర్శకుడు లోకేష్ కనగరాజ్ పేరు చుట్టూ పెద్ద చర్చ మొదలైంది. ఈ ప్రకటన ఒకవైపు అభిమానుల్లో భారీ అంచనాలు పెంచినా.. మరోవైపు 2019లో విడుదలై సంచలన విజయం సాధించిన కైతి సీక్వెల్ అయిన కైతి 2 విషయంలో అనేక సందేహాలను కూడా తీసుకొచ్చింది. చాలా కాలంగా కైతి 2 తప్పకుండా ఉంటుందని లోకేష్, హీరో కార్తీ చెబుతూ వచ్చారు. కానీ ఇప్పుడు పరిస్థితి పూర్తిగా మారినట్టు కనిపిస్తోంది.

కైతి 2 కొత్త షెడ్యూల్..

ఇటీవల లోకేష్ దర్శకత్వంలో వచ్చిన కూలీ విడుదలైన తర్వాత, కైతి 2పై అధికారిక ప్రకటన వస్తుందని అభిమానులు ఆశించారు. అయితే అలాంటి అప్‌డేట్ ఏదీ రాకపోవడంతో నిరాశ వ్యక్తమైంది. అదే సమయంలో అల్లు అర్జున్‌తో లోకేష్ కొత్త ప్రాజెక్ట్ ఖరారు కావడంతో, కైతి 2 త్వరలో సెట్స్‌పైకి వెళ్లే అవకాశాలు తగ్గిపోయాయని టాక్ వినిపిస్తోంది. ఈ కొత్త ప్రాజెక్ట్ కారణంగా లోకేష్ షెడ్యూల్ పూర్తిగా బిజీ అయిపోయిందనే అభిప్రాయం కూడా ఉంది.

ఇటీవల జరిగిన మీడియా సమావేశంలో కార్తీని కైతి 2 గురించి ప్రశ్నించగా, “దాని గురించి లోకేష్‌నే అడగాలి” అని మాత్రమే సమాధానం ఇచ్చారు. ఇంతకు ముందు చాలా ఉత్సాహంగా మాట్లాడిన కార్తీ నుంచి ఈ తరహా చల్లని స్పందన రావడం చూసి, అభిమానులు ఈ సీక్వెల్ ప్రస్తుతం పక్కన పెట్టబడిందని భావిస్తున్నారు. ఈ ఒక్క సమాధానం కైతి 2 భవితవ్యంపై అనేక అనుమానాలకు దారి తీసింది.

కైతి 2 క్రేజీ అప్డేట్..

సోషల్ మీడియాలో అయితే రకరకాల రూమర్లు ప్రచారంలో ఉన్నాయి. అల్లు అర్జున్ సినిమాకు లోకేష్ భారీ పారితోషికం తీసుకుంటున్నాడని, అందుకే కైతి 2ని వాయిదా వేసాడని కొందరు చెబుతున్నారు. మరోవైపు, లోకేష్ మరియు కార్తీ మధ్య క్రియేటివ్ డిఫరెన్సెస్ ఉన్నాయనే ప్రచారం కూడా సాగుతోంది. అయితే వీటిపై ఇప్పటివరకు ఎలాంటి అధికారిక స్పష్టత లేదు.

లోకేష్ విక్రమ్, కైతి వంటి బ్లాక్‌బస్టర్లతో తనకంటూ ప్రత్యేకమైన బ్రాండ్‌ను సృష్టించాడు. అతని రఫ్ మేకింగ్ స్టైల్, బలమైన కథనం యువతను బాగా ఆకట్టుకున్నాయి. అందుకే కైతి 2తో పాటు విక్రమ్ 2 గురించి కూడా అతను ఇచ్చిన హామీలను అభిమానులు మర్చిపోలేదు. ఈ నేపథ్యంలో..ఈ సీక్వెల్స్ ఎందుకు ఆలస్యం అవుతున్నాయో లోకేష్ స్వయంగా బయటికి వచ్చి క్లారిటీ ఇవ్వాలని అభిమానులు కోరుకుంటున్నారు. అప్పటివరకు కైతి 2పై చర్చలు కొనసాగుతూనే ఉండేలా కనిపిస్తోంది.

Also Read: Sankranthi Movies At US Box Office: అమెరికా బాక్సాఫీస్‌ దగ్గర సంక్రాంతి సినిమాల పరిస్థితి ఎలా ఉందంటే..!