Kantara Chapter1: చెన్నైలో కాంతార చాప్టర్ 1 ఈవెంట్ రద్దు… ఆ ఘటన కారణమా?

Kantara Chapter1: కన్నడ హీరో రిషబ్ శెట్టి(Rishabh Shetty) ప్రధాన పాత్రలో నటించిన తాజా చిత్రం కాంతారా చాప్టర్ 1(Kantara Chapter1). ఈ సినిమా దసరా పండుగను పురస్కరించుకొని అక్టోబర్ రెండవ తేదీ ప్రేక్షకుల ముందుకు రాబోతున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఇటీవల హైదరాబాద్ లో ఈ సినిమా ప్రీ రిలీజ్ వేడుకను ఎంతో ఘనంగా నిర్వహించిన సంగతి తెలిసిందే. ఈ కార్యక్రమానికి ఎన్టీఆర్ హాజరు కావడంతో ఈ సినిమాపై భారీ స్థాయిలో అంచనాలు ఏర్పడ్డాయి. ఇక కాంతార సినిమా పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో ఇతర భాషలలో కూడా ప్రమోషన్ కార్యక్రమాలను నిర్వహిస్తున్నారు.

కరూర్ తొక్కిసలాట.. కాంతార ఈవెంట్ రద్దు

ఇక నేడు చిత్ర బృందం ముంబైలో ఓ కార్యక్రమాన్ని నిర్వహించారు. అయితే రేపు(మంగళవారం) చెన్నైలో కూడా ఈ సినిమా వేడుకను నిర్వహించడం కోసం నిర్మాణ సంస్థ హోం భళే ప్రణాళికలను సిద్ధం చేశారు. అయితే తాజాగా ఈ నిర్మాణ సంస్థ నుంచి అధికారికంగా ఈ సినిమా వేడుకను రద్దు చేస్తున్నట్లు ప్రకటన వెలువడింది. అయితే ఇటీవల హీరో విజయ్ కరూర్ సభలో ప్రమాదం చోటు చేసుకున్న సంగతి తెలిసిందే. ఈ ప్రమాదంలో పదుల సంఖ్యలో ప్రాణాలను కోల్పోయారు. ఈ నేపథ్యంలోనే అక్కడ కాంతార చాప్టర్ 1 సినిమా వేడుకను రద్దు చేస్తున్నట్లు హోంభలే అధికారకంగా వెల్లడించారు.

త్వరలో తమిళ ప్రేక్షకులను కలుస్తాం…

ఈ ఘటనలో భాగంగా మరణించిన వారికోసం కుటుంబం కోసం సంతాపాన్ని తెలియజేస్తూ సరైన సమయంలోనే తమిళనాడు ప్రేక్షకులను కలుస్తామని సోషల్ మీడియా వేదికగా చేసిన ఈ పోస్ట్ ప్రస్తుతం వైరల్ అవుతుంది. అయితే తమిళనాడులో చోటు చేసుకున్న ఈ ఘటనతో ఇటీవల పూరి జగన్నాథ్ విజయ్ సేతుపతి సినిమాకు సంబంధించిన అప్డేట్ కూడా క్యాన్సిల్ చేసిన సంగతి తెలిసిందే. ఇక కాంతార సినిమాకు ఫ్రీక్వెల్ సినిమాగా కాంతార చాప్టర్ 1 ప్రేక్షకుల ముందుకు రాబోతోంది. కాంతార సినిమా భూత కోల నృత్య నేపథ్యంలో ప్రేక్షకుల ముందుకు రాగా ఫ్రీక్వెల్ సినిమా మాత్రం రాజులు యుద్ధాల నేపథ్యంలో రాబోతోందని తెలుస్తుంది.

అంచనాలు పెంచిన ట్రైలర్…

ఇక ఈ సినిమాకు రిషబ్ శెట్టి స్వీయ దర్శకత్వం వహించిన సంగతి తెలిసిందే. ఈయనకు జోడిగా రుక్మిణి వసంత్(Rukmini Vasanth) నటించారు. ఇక ఈ సినిమా పై ఇప్పటికే భారీ స్థాయిలో అంచనాలు ఏర్పడ్డాయి. ఇటీవల విడుదల చేసిన ట్రైలర్ సినిమా పట్ల భారీ అంచనాలను పెంచేసింది. ఇక ఈ సినిమా అక్టోబర్ 2 విడుదల కానుండగా అక్టోబర్ ఒకటవ తేదీ నుంచి ప్రీమియర్స్ ప్రసారం కానున్నాయి. ఇక ఈ సినిమాపై రిషబ్ శెట్టి ఎన్నో అంచనాలను పెట్టుకున్నారు మొదటిసారి తన సినిమా పాన్ ఇండియా స్థాయిలో విడుదలవుతున్న నేపథ్యంలో ఎలాంటి ఆదరణ వస్తుందోననే కంగారు తనలో ఎక్కువగా ఉంది అంటూ ప్రమోషన్లలో తెలియజేశారు. మరి కాంతారా తరహాలోనే ఈ సినిమా కూడా మంచి సక్సెస్ అందుకుంటుందా? లేదా అనేది తెలియాల్సింది.

Also Read: Devara 2: దేవర 2 లో కోలీవుడ్ స్టార్… గట్టిగానే ప్లాన్ చేస్తున్న కొరటాల!