APSRTC: ఇది గోల్డెన్ ఛాన్స్.. ఆర్టీసీలో భారీగా ఉద్యోగాలు, ఇంకా 4 రోజులే గడువు

APSRTC: నిరుద్యోగ అభ్యర్థులకు ఇది బిగ్ బిగ్ గుడ్ న్యూస్.. ఏపీఎస్ఆర్టీసీలో పలు ఉద్యోగాల భర్తీకి నోటిఫికేషన్ విడుదలైంది. అర్హత ఉండి ఆసక్తి కలిగిన వారు ఈ ఉద్యోగాలకు దరఖాస్తు చేసుకోవచ్చు. ఐటీఐ పాసైన వారికి ఇది బంగారు లాంటి ఛాన్స్ అని చెప్పవచ్చు. ఈ క్వాలిఫికేషన్ ఉన్నవారు వెంటనే దరఖాస్తు చేసుకోండి. ఈ నోటిఫికేషన్ కు సంబంధించిన పోస్టులు, విద్యార్హత, దరఖాస్తు విధానం, అప్లికేషణ్ ఫీజు, జిల్లాల వారీగా వెకెన్సీ వివరాల గురించి క్లియర్ కట్ గా తెలుసుకునే ప్రయత్నం చేద్దాం.

నోట్: దరఖాస్తుకు ఇంకా 4  రోజులే..

ఆంధ్రప్రదేశ్‌ రోడ్డు రవాణా సంస్థ (ఏపీఎస్‌ఆర్‌టీసీ)లో 281 అప్రెంటిస్‌ ఖాళీలను నింపేందుకు అధికారులు నోటిఫికేషన్ విడుదల చేశారు. ఈ రిక్రూట్మెంట్ ద్వారా చిత్తూరు, తిరుపతి, నెల్లూరు, ప్రకాశం జిల్లాల పరిధిలో ఉన్న అప్రెంటిషిప్‌ ఖాళీలను భర్తీ చేయనున్నారు. వివిధ ట్రేడుల్లో ఐటీఐ ఉత్తీర్ణులైన అభ్యర్థులు అక్టోబర్‌ 4 వరకు ఆన్‌లైన్‌ దరఖాస్తులు చేసుకోవాలి. రాత పరీక్ష లేకుండా కాకుటూరు నెల్లూరు ఆర్‌టీసీ జోన్‌ల్‌ స్టాఫ్‌ ట్రైనింగ్‌ కాలేజీలో ధ్రువపత్రాల పరిశీలన నిర్వహించి ఐటీఐలో పొందిన మార్కుల ఆధారంగా ఎంపిక చేస్తారు.

మొత్తం ఉద్యోగ ఖాళీల సంఖ్య: 281

జిల్లాల వారీగా వెకెన్సీ వివరాలు..

చిత్తూరు : 48 పోస్టులు

తిరుపతి: 88 పోస్టులు

నెల్లూరు: 91 పోస్టులు

ప్రకాశం: 54 పోస్టులు

వివిధ ట్రేడుల్లో ఈ ఉద్యోగాలు వెకెన్సీ ఉన్నాయి. డీజిల్‌ మెకానిక్‌, మోటార్‌ మెకానిక్‌, ఎలక్ట్రీషియన్‌, వెల్డర్‌, పెయింటర్‌, మెషినిస్ట్‌, ఫిట్టర్‌, డ్రాఫ్ట్స్‌మెన్‌ (సివిల్) ట్రేడుల్లో పోస్టులు ఉన్నాయి.

విద్యార్హత: సంబంధిత ట్రేడుల్లో ఐటీఐ పాసై ఉంటే సరిపోతుంది.

దరఖాస్తు విధానం: ఆన్ లైన్ లో దరఖాస్తు చేసుకోవాల్సి ఉంటుంది. (దరఖాస్తు అనంతరం ఏపీఎస్‌ఆర్‌టీసీ వెబ్‌సైట్‌ నుంచి రెజ్యూమ్ ను డౌన్‌లోడ్‌ చేసి వివరాలు నమోదు చేసి నోటిఫికేషన్‌ లో చూపించిన సర్టిఫికెట్లను జత అడ్రస్ కు పంపించాలి.)

దరఖాస్తు ఫీజు: రూ.100 ఉంటుంది.

అడ్రస్: ప్రిన్సిపల్‌, జోనల్‌ స్టాఫ్‌ ట్రైనింగ్‌ కాలేజి, కాకుటూర్‌, వెంకచలం మండలం, ఎస్‌పీఎస్‌ఆర్‌ నెల్లూరు జిల్లా.

ALSO READ: BEL Notification: బీటెక్ అర్హతతో బెల్‌లో ఉద్యోగాలు.. జీతం అక్షరాల రూ.40వేలు, ఇంకెందుకు ఆలస్యం

ముఖ్యమైన తేదీలు..

దరఖాస్తుకు చివరి తేది: 2025 అక్టోబర్ 4

సర్టిఫికెట్స్ జిరాక్స్ కాపీలను పంపడానికి చివరి తేది: 2025 అక్టోబర్ 6

ALSO READ: AIIMS Mangalagiri: మంగళగిరిలో ఉద్యోగాలు.. ఒక్క ఇంటర్వ్యూతోనే జాబ్, రూ.1,50,000 జీతం

Share

• 
• 
• 
• 
• 
•