Bhuvan Gowda: ఘనంగా సలార్ మూవీ కెమెరామెన్ పెళ్లి.. ముఖ్య అతిథి ఎవరంటే?

Bhuvan Gowda:సినీ ఇండస్ట్రీలో సెలబ్రిటీలు ఒకరి తరువాత ఒకరు శుభవార్తలు చెబుతున్నారు.. ఒకరు బ్యాచిలర్ లైఫ్ వీడి కొత్త బంధంలోకి అడుగు పెడుతుంటే.. మరికొంతమంది తల్లిదండ్రులు అవుతున్నాం అంటూ ఆ శుభవార్తలు అభిమానులతో పంచుకుంటున్నారు. ఈ క్రమంలోనే సలార్, కేజీఎఫ్ చిత్రాలకు కెమెరామెన్ గా పనిచేసి.. తన అద్భుతమైన పనితీరుతో అందరి దృష్టిని ఆకట్టుకున్న భువన్ గౌడ (Bhuvan Gowda) కూడా వైవాహిక బంధంలోకి అడుగుపెట్టారు. ఈ మేరకు తన వివాహ వేడుకకు సంబంధించిన ఫోటోలను సోషల్ మీడియాలో షేర్ చేయడంతో పలువురు సినీ సెలబ్రిటీలు, అభిమానులు భువన్ గౌడ దంపతులకు శుభాకాంక్షలు తెలియజేస్తున్నారు.

ఘనంగా సలార్ కెమెరామెన్ పెళ్లి.. ముఖ్యఅతిథి ఆయనే..

ప్రస్తుతం ఈ వేడుకకు పలువురు సినీ సెలబ్రిటీలు హాజరు కాగా, ముఖ్యఅతిథిగా కేజిఎఫ్ హీరో యష్ (Yash) విచ్చేసి నూతన వధూవరులను ఆశీర్వదించారు. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ గా మారుతున్నాయి. అంతేకాదు ఇక్కడ యష్ లుక్ అందరినీ ఆకట్టుకుంటోందని చెప్పవచ్చు. ప్రస్తుతం యష్ కేజీఎఫ్ 1&2 చిత్రాల తర్వాత చేస్తున్న చిత్రం టాక్సిక్. ఈ సినిమా షూటింగ్ ప్రస్తుతం వేగంగా జరుగుతుంది. అందులో భాగంగానే అందుకు తగ్గట్టుగా స్టైలిష్ లుక్ లో ఇప్పుడు భువన్ గౌడ పెళ్లిలో కనిపించేసరికి టాక్సిక్ లో ఇదే లుక్ మెయింటైన్ చేయబోతున్నారు అంటూ నెటిజన్స్ కామెంట్లు చేస్తున్నారు. మొత్తానికి అయితే తన లుక్స్ తో అమ్మాయిల హృదయాలు దోచుకుంటున్నారని చెప్పవచ్చు.

హాజరైన సెలబ్రిటీస్ వీళ్లే..

నికిత అనే అమ్మాయిని బెంగళూరులో అంగరంగ వైభవంగా సినీ ప్రముఖుల సమక్షంలో భువన్ గౌడ శుక్రవారం రోజు వివాహం చేసుకున్నారు. ప్రశాంత్ నీల్ దర్శకత్వంలో యష్ హీరోగా వచ్చిన కేజీఎఫ్ చాప్టర్ 1 , కేజీఎఫ్ చాప్టర్2, ప్రభాస్ హీరోగా నటించిన సలార్ వంటి పాన్ ఇండియా చిత్రాలకు సినిమాటోగ్రాఫర్ గా పని చేయడమే కాకుండా తాజాగా ప్రశాంత్ నీల్ దర్శకత్వం వహిస్తున్న ఎన్టీఆర్ డ్రాగన్ మూవీకి కూడా కెమెరామెన్ గా పనిచేస్తున్నారు. ఇకపోతే భవన్ గౌడ పెళ్లి కార్యక్రమానికి ప్రశాంత్ నీల్ తన సతీమణి నికితతో పాటు కన్నడ హీరో యష్ తన భార్య రాధికా పండిట్ లతో కలిసి హాజరయ్యారు. అలాగే శ్రీ లీల, శ్రీనిధి శెట్టి, శాన్వి శ్రీవాత్సవ, కేజీఎఫ్ ఫేమ్ గరుడ రామ్ తదితరులు ఈ వివాహ వేడుకలో పాల్గొని సందడి చేశారు.

also read:Samantha: 1980ల నాటి కథతో.. సమంత కొత్త సినిమా షూటింగ్ మొదలు!

A #KGF reunion at DOP BhuvanGowda’s recent wedding. @TheNameIsYash @PrashanthNeel2 #GarudaRam pic.twitter.com/hiuxdrLn6S

— MADHU DAITHOTA (@madhudaithota) October 26, 2025