Mass Jathara Teaser :మాస్ మహారాజా రవితేజ (Raviteja ), భాను భోగవరపు (Bhanu bhogavarapu) దర్శకత్వంలో రాబోతున్న చిత్రం మాస్ జాతర. యంగ్ బ్యూటీ శ్రీ లీల (Sreeleela) మరోసారి రవితేజ తో నటిస్తోంది. ‘ధమాకా’ కాంబో రిపీట్ కాబోతుండడంతో అంచనాలు భారీగా పెరిగిపోయాయి. ఈ చిత్రాన్ని సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ బ్యానర్లపై భారీ బడ్జెట్ తో సూర్యదేవర నాగ వంశీ, సాయి సౌజన్య నిర్మిస్తున్నారు. ఆగస్టు 27వ తేదీన వినాయక చవితి సందర్భంగా థియేటర్లలోకి రాబోతున్న నేపథ్యంలో తాజాగా ఈ సినిమా నుండి టీజర్ ను రిలీజ్ చేశారు మేకర్స్. 1:36 నిమిషాల నిడివి ఉన్న ఈ టీజర్ ఎలా ఉంది? ప్రేక్షకులను మెప్పించిందా? సినిమాపై హైప్ క్రియేట్ చేసిందా? అనే విషయం ఇప్పుడు చూద్దాం.
ఆకట్టుకుంటున్న మాస్ జాతర టీజర్..
మాస్ జాతర సినిమాలో రవితేజ పోలీస్ ఆఫీసర్ పాత్రలో కనిపించబోతున్నారు. ముఖ్యంగా ఈయన లుక్ విక్రమార్కుడు సినిమాను గుర్తు చేసింది అని అభిమానులు కూడా కామెంట్లు చేస్తూ ఉండడం గమనార్హం. అయితే ఇందులో రవితేజ రైల్వే పోలీస్ ఆఫీసర్ గా కనిపించనున్నారు. “వాడి డిపార్ట్మెంట్లో తప్ప ప్రతి డిపార్ట్మెంట్లో వేలు పెడుతుంటాడు” అనే డైలాగ్ తో టీజర్ ఆకట్టుకుంది. ఇక శ్రీ లీల అమాయకపు పాత్రలో చాలా చక్కగా ఒదిగిపోయింది. ఇక శ్రీ లీల, రవితేజ రొమాంటిక్ పర్ఫామెన్స్ మరొకసారి స్పెషల్ అట్రాక్షన్ గా నిలవనుంది. ముఖ్యంగా మాస్ మహారాజా రవితేజ మరొకసారి తన యాక్షన్ పర్ఫామెన్స్ తో విధ్వంసం సృష్టించబోతున్నారని టీజర్ లోనే చూపించేశారు. అటు చమ్మక్ చంద్ర తో పాటు పలువురు కీలకపాత్రలు పోషిస్తున్నారు. మొత్తానికైతే టీజర్ ప్రేక్షకులను ఇప్పుడు ఆకట్టుకుంటుంది.
రవితేజ తదుపరి చిత్రాలు..
గత కొంతకాలంగా సరైన సక్సెస్ కోసం ఎదురు చూస్తున్న మాస్ మహారాజా రవితేజ ఇప్పుడు ‘మాస్ జాతర’ సినిమాతో వస్తున్నారు. ఈ సినిమా తర్వాత.. కిషోర్ తిరుమల (Kishore Tirumala).దర్శకత్వంలో #RT76 వర్కింగ్ టైటిల్ తో సినిమా ప్రకటించారు. ఎస్ఎల్వి సినిమాస్ బ్యానర్ పై సుధాకర్ చెరుకూరి నిర్మిస్తున్న ఈ సినిమా వచ్చే సంక్రాంతి కానుకగా విడుదల కాబోతోంది. ఇప్పటికే జూలై 16న ఈ సినిమా షూటింగ్ ప్రారంభమైంది. దీనికి భీమ్స్ సిసిరోలియో సంగీతం అందిస్తున్నారు. ఇకపోతే ఈ సినిమాలో హీరోయిన్లుగా మమిత బైజు, ఆషిక రంగనాథ్, కేతికా శర్మ, కాయాదు లోహర్ వంటి హీరోయిన్ల పేర్లు వినిపిస్తున్నాయి. కానీ నలుగురిలో ఇద్దరినీ ఫైనలైజ్ చేయబోతున్నారని, ఈసారి రవితేజ ఇద్దరు హీరోయిన్స్ తో రొమాన్స్ చేయనున్నట్లు సమాచారం. మరి భారీ అంచనాల మధ్య రాబోతున్న మాస్ జాతరతో హిట్టు కొట్టి, ఆ తర్వాత ఈ సినిమాతో మరో విజయాన్ని తన ఖాతాలో వేసుకోవాలని చూస్తున్నారు రవితేజ.
also read:Upasana: క్లీంకారా డైలీ ఫుడ్ అదే.. లేకుంటే అంతే సంగతి అంటూ!
Share
Upasana Konidela : రామ్ చరణ్ తో పెళ్లికి ముందే డేటింగ్.. సీక్రెట్ రీవిల్ చేసిన ఉపాసన...
Metro Parking System: గుడ్ న్యూస్.. మెట్రో సరికొత్త పార్కింగ్ సిస్టమ్ సిద్ధం, మనుషులతో పనేలేదు!
