Gold Smuggling: దేశంలో గోల్డ్ మాఫియా రంగంలోకి దిగిందా? సరిహద్దుల ద్వారా ఇండియాలోకి బంగారం వస్తుందా? ఇండియా మీదుగా విదేశాలకు బంగారం ఎగుమతి చేస్తున్నారా? ఓ మహిళ నుంచి 15 కేజీల బంగారం ఎలా దొరికింది? అధికారులు రంగంలోకి తీగలాగితే డొంక కదులుతోంది? అసలు ఏం జరుగుతోంది?
భారత్-బంగ్లాదేశ్ సరిహద్దులో భారీగా బంగారం చిక్కింది. ఓ మహిళ అక్రమంగా రవాణా చేస్తున్న 15.607 కిలోల బంగారాన్ని స్వాధీనం చేసుకొన్నారు బీఎస్ఎఫ్ అధికారులు. మార్కెట్లో దాని విలువ రూ.24.95 కోట్లు. పశ్చిమ బెంగాల్‌ నాదియా జిల్లాలో బన్‌పూర్‌ సరిహద్దు వద్ద బంగారాన్ని సీజ్‌ చేశారు. ఓ మహిళ అనుమానాస్పదంగా ఆ ప్రాంతంలో సంచరించడాన్ని గుర్తించారు బీఎస్ఎఫ్ 32వ బెటాలియన్ సిబ్బంది. ఆమెని అదుపులోకి తీసుకుని బ్యాగులు సోదాలు చేయడం అక్రమ రవాణా విషయం వెలుగులోకి వచ్చింది.
ప్రస్తుతం ఆ మహిళను అదుపులోకి తీసుకుని విచారణ చేస్తు్న్నారు. ఆ తర్వాత కృష్ణగంజ్‌ పోలీసులకు అప్పగించారు బీఎస్ఎఫ్ అధికారులు. సరిహద్దుల్లో జరిగిన అతిపెద్ద స్వాధీనాలలో ఒకటిగా నిలిచింది. పట్టుబడి బంగారం మూలాలపై ఫోకస్ చేశారు అధికారులు. సరిహద్దు స్మగ్లింగ్ నెట్‌వర్క్‌పై లోతుగా దర్యాప్తు చేపట్టారు. బంగారం సరిహద్దుకు ఎలా చేరింది? దాన్ని ఎవరు తీసుకొచ్చారు? ఏ దేశం నుంచి ఎక్కడకు వెళ్తోంది? ఇందులో బంగారం వ్యాపారుల ప్రమేయం ఏమైనా ఉందా? అనే విషయాలను నిర్ధారించుకునే ప్రయత్నంలో ఉన్నారు. ప్రస్తుతం పట్టుబడిన మహిళను బీఎస్ఎఫ్ అధికారులు విచారిస్తున్నారు. ఈ ఆపరేషన్‌లో ప్రమేయం ఉన్న ఇతర వ్యక్తులను గుర్తించడం, బంగారం మూలాలు ఎక్కడికి వెళ్లాలనేది తెలుసుకోవడంపై ఆరా తీస్తున్నారు.
భారత్-బంగ్లాదేశ్ సరిహద్దు వెంబడి పని చేస్తున్న ఓ పెద్ద స్మగ్లింగ్ నెట్‌వర్క్‌తో ఆ మహిళకు సంబంధముందా? అనే కోణలో పరిశీలిస్తున్నారు. స్వాధీనం చేసుకున్న వస్తువుల పరిమాణం ఒక్క ప్రయత్నం కాకుండా విస్తృతమైన దందాగా ఉండే అవకాశం ఉందని అధికారులు భావిస్తున్నారు. ఇటీవలకాలంలో మాదక ద్రవ్యాలు స్మగ్లింగ్ ప్రయత్నాలను నిరోధించడానికి సరిహద్దు వెంబడి నిఘాను ముమ్మరం చేసింది బీఎస్ఎఫ్. ఈ క్రమంలో బంగారం దొరకడం అధికారులు షాకయ్యారు. ఇటీవల బంగారంపై కేంద్రం ట్యాక్స్ విధించడంపై మార్కెట్ వర్గాలు తప్పుబట్టాయి. పన్నుల కారణంగా బంగారం అక్రమ రవాణాకు దారితీయవచ్చని చెప్పుకొచ్చారు. వారి చెప్పినట్టే జరిగింది.
Share
తక్కువ ప్లేస్లో ఇమిడిపోయే.. టాప్ వాటర్ ప్యూరిఫైయర్లు!
సింపుల్ ఫ్లిప్ అప్ కాదు.. ఈ హెల్మెట్ 180 డిగ్రీలు తిరుగుతుంది!
