Borewell : అది బీహార్‌లోని నలంద జిల్లా కుల్‌ గ్రామం. ఆ ఊరిలో ఓ మూడేళ్ల బాలుడు ఆడుకుంటూ వెళ్లి బోరుబావిలో పడిపోయాడు. 40 అడుగుల లోతులో చిక్కుకున్నాడు. ఈ ఘటనపై సమాచారం అందగానే ఎన్డీఆర్ఎఫ్ బృందాలు రంగంలోకి దిగాయి. ఆ పసివాడిని రక్షించేందుకు ఆపరేషన్ మొదలుపెట్టాయి. 5 గంటలపాటు తీవ్రంగా శ్రమించాయి. మరోవైపు బాలుడికి ఆక్సిజన్ అందిస్తూ సహాయక చర్యలు కొనసాగించాయి.
ఎన్డీఆర్ఎఫ్ బృందాలు జేసీబీ యంత్రాలతో యుద్ధప్రాతిపదికన చర్యలు కొనసాగించాయి. బోరుబావికి సమాంతరంగా తవ్వకం చేపట్టాయి. ఎన్టీఆర్ఎఫ్ బృందాల శ్రమ, తల్లిదండ్రుల ప్రార్ధనలు ఫలించాయి. బోరుబావిలో పడిన మూడేళ్ల ఆ పసివాడు మృత్యువును జయించాడు.
40 అడుగుల లోతులో పడిన ఆ చిన్నారిని ఎన్డీఆర్ఎఫ్ బృందాలు సురక్షితంగా బయటకు తీశాయి. బాలుడు బాగానే ఉన్నాడని ఎన్డీఆర్ఎఫ్ అధికారి రంజిత్‌ కుమార్‌ ప్రకటించారు. చికిత్స కోసం బాలుడిని ఆస్పత్రికి తరలించారు. తమ బిడ్డ ప్రాణాలతో సురక్షితంగా బయటపడటంపై తల్లిదండ్రులు సంతోషం వ్యక్తంచేశారు.
Share
Congress : గద్వాల జిల్లాలో బీఆర్ఎస్ కు షాక్.. కాంగ్రెస్ లో చేరికలు..
Bird Flu: ప్రపంచానికి మరో వైరస్ ముప్పు.. ఆ దేశం నుంచే వ్యాప్తి..
