Election Polling 2026: బెంగాల్, తమిళనాడు రాష్ట్రాల్లో ఎన్నికల పోలింగ్ మెుదలైంది. ఉదయం 7 గంటలకు పోలింగ్ కేంద్రాలు తెరుచుకోగా.. ఓటు హక్కు వినియోగించుకునేందుకు ప్రజలు క్యూ కట్టారు. తమిళనాడులోని 234 స్థానాలకు ఇవాళే పోలింగ్ జరగనుండగా.. బెంగాల్ లో మాత్రం తొలి విడతగా 152 స్థానాలకు మాత్రమే ఓటింగ్ జరుగుతోంది. ఏప్రిల్ 29న బెంగాల్ లో రెండో విడత పోలింగ్ నిర్వహించనున్నారు. ఇటీవల ఎన్నికల జరిగిన అసోం, కేరళ, పుదుచ్చేరిలతో కలిపి మే 4న 5 రాష్ట్రాల ఎన్నికల ఫలితాలను భారత ఎన్నికల సంఘం ప్రకటించనుంది.
ప్రస్తుతం యావత్ దేశం దృష్టి బెంగాల్ లో జరగబోయే ఎన్నికలపైనే ప్రధానంగా ఉంది. కేంద్రంలోని బీజేపీ, సీఎం మమతా బెనర్జీ నేతృత్వంలోని తృణమూల్ కాంగ్రెస్ మధ్యే ప్రధానంగా పోటీ నడుస్తోంది. బెంగాల్ లో మెుత్తం 294 నియోజకవర్గాలకు గాను తొలివిడతలో 16 జిల్లాల పరిధిలోని 152 స్థానాల్లో పోలింగ్ జరుగుతోంది. 3.6 కోట్ల మంది ఓటర్లు ఈ రోజు ఓటువేయనున్నారు. నందిగ్రామ్, డార్జిలిం్, సిలిగురి, జుల్పైగురి, కూచ్ బెహాక్ తో సహా కనీసం 80 స్థానాల్లో హోరా హోరీ పోరు తప్పదని రాజకీయ విశ్లేషకులు పేర్కొంటున్నారు.
మొదలైన తమిళనాడు, పశ్చిమబెంగాల్ అసెంబ్లీ ఎన్నికల పోలింగ్
సాయంత్రం 6 గంటల వరకు కొనసాగనున్న పోలింగ్
తమిళనాడులో ఓటు హక్కు వినియోగించుకోనున్న 5.73 కోట్ల మంది ఓటర్లు
బెంగాల్లో ఓటు హక్కు వినియోగించుకోనున్న 3.60 కోట్ల మంది ఓటర్లు
తమిళనాడులో 75,064 పోలింగ్ కేంద్రాలను ఏర్పాటు చేసిన… https://t.co/Mj5zGd0Hnp pic.twitter.com/V1MJX6YTYT
— BIG TV Breaking News (@bigtvtelugu) April 23, 2026
ఇక తమిళనాడు విషయానికి వస్తే.. ఆ రాష్ట్రంలో మెుత్తం 234 నియోజకవర్గాల్లో పోలింగ్ జరుగుతోంది. వీటిలో కోలత్తూరు, ఎడప్పాడి, తిరుచిరాపల్లి ఈస్ట్, కోయంబత్తూరు వెస్ట్, డాక్టర్ రాధాకృష్ణ నగర్ వంటి అతి కీలకమైన నియోజకవర్గాలు ఉన్నాయి. ఓటర్ల విషయానికి వస్తే తమిళనాడులో మెుత్తం 5.73 కోట్లకుపైగా ఓటర్లు ఉన్నారు. ఇందులో 2.93 కోట్ల మంది మహిళా ఓటర్లు. ఈ ఎన్నికల కోసం 33,133 ప్రాంతాల్లో 7,728 పోలింగ్ కేంద్రాలను ఈసీ ఏర్పాటు చేసింది. ఉదయం 7 గంటలకు మెుదలైన ఈ పోలింగ్.. సాయంత్రం 6 గంటల వరకూ కొనసాగుతుందని ఇప్పటికే ఈసీ ప్రకటించింది. రాష్ట్ర ప్రజలందరూ ఓటు వేసేందుకు వీలుగా ఇవాళ తమిళనాడులో పబ్లిక్ హాలీడేను సైతం ప్రకటించారు.
పశ్చిమ బెంగాల్లో ఈసారి ఎన్నికలు హోరా హోరీగా సాగనున్నట్లు తెలుస్తోంది. ముఖ్యంగా బీజేపీ, తృణమూల్ కాంగ్రెస్ పార్టీల మధ్య అధికారం కోసం నువ్వా నేనా అన్న ఫైట్ నడుస్తోంది. కేంద్రంలోని బీజేపీ ప్రభుత్వం.. బెంగాల్ లో ఈసారి ఎలాగైనా పాగా వేసేందుకు సర్వశక్తులు వడ్డినట్లు తెలుస్తోంది. 2011లో 35 ఏళ్ల సీపీఎం ప్రభుత్వాన్ని కూలదోసిన మమతా.. అప్పటి నుంచి బెంగాల్ లో తన ఆధిపత్యాన్ని కొనసాగిస్తూ వస్తున్నారు. చివరిగా జరిగిన 2021 ఎన్నికల్లో ఏకంగా 215 స్థానాలు కైవసం చేసుకొని సత్తా చాటారు. అయితే ఈసారి భారీగా నకిలీ ఓట్ల తొలగింపు, ప్రధాని మోదీ, అమిత్ షా ధ్వయం బెంగాల్ ఎన్నికలను ప్రతీష్టాత్మకంగా తీసుకోవడంతో.. ఈసారి ఫలితాలు ఏవిధంగా ఉంటాయన్న ఉత్కంఠ ఏర్పడింది. గత 15 ఏళ్ల కాలంలో బెంగాల్లో పెరిగిపోయిన అవినీతి, శాంతి భద్రతల సమస్యలు, అభివృద్ది లేమి వంటి అంశాలు ఈసారి దీదీకి ప్రతీకూలంగా మారొచ్చన్న విశ్లేషణలు వెలువడుతున్నాయి.
Also Read: Today Horoscope in Telugu: రాశి ఫలితాలు ఏఫ్రిల్ 23: ఆ రాశి వారికి సన్నిహితుల నుంచి ధనలాభం
Share
Karthika Deepam 2 Serial Today Episode April 23rd ‘కార్తీక దీపం 2’ సీరియల్: కార్తీక్ ను షూట్ చేసిన వైరా 
యూపీలో ఘోర రోడ్డు ప్రమాదం.. ఢీకొన్న కారు-బొలెరో, 11 మంది సజీవదహనం
