Peddi Movie Review: గ్లోబల్ స్టార్ రామ్ చరణ్ ‘గేమ్ఛేంజర్’ తర్వాత భారీ అంచనాలతో బుచ్చి బాబు సనా దర్శకత్వంలో వచ్చిన మోస్ట్ ఎవైటెడ్ మూవీ ‘పెద్ది’. ఇప్పటికే ఈ సినిమాపై భారీ అంచనాలు పెట్టుకున్నారు మెగా ఫ్యాన్స్. అందుకు తగ్గట్టుగా ప్రచారం కూడా చేశారు నిర్మాతలు. దీంతో సినిమాపై అంచనాలు మరింత పెరిగాయి. రామ్ చరణ్ కెరీర్ లోనే బెస్ట్ మూవీ అవుతుందని చరణ్ ఇప్పటికే పలు మార్లు చెప్పుకొచ్చారు. అలాంటి ఈ సినిమా విడుదలై ప్రేక్షకుల అంచనాలను ఏ విధంగా అందుకుందంటే.. ఈ రివ్యూ లో చూసేద్దాం.
Read also-రామ్ చరణ్ ‘పెద్ది’ జాతర.. విగ్రహం పెట్టి పూజలు చేసేస్తున్నారు భయ్యా.. ఎక్కడంటే?
‘పెద్ది’ సినిమా ఒక పీరియాడిక్ విలేజ్ స్పోర్ట్స్ డ్రామా. 1990 నాటి బ్యాక్డ్రాప్ క్రికెట్, రెజ్లింగ్ మరియు ప్యార ఒలింపిక్ రన్నింగ్ నేపథ్యంలో ఈ కథ సాగుతుంది. పీడిత ప్రజల కోసం, తన నైపుణ్యాలతో ఒక క్రీడాకారుడిగా రామ్ చరణ్ తన ఊరికి రైల్వే స్టేషన్ లేకపోవటం దాని తేవడం కోసం చేసే పోరాటమే ఈ చిత్ర ప్రధానాంశం. ఊరిలో అల్లరి చిల్లరగా తిరుగుతూ, ఒక గ్యాంగ్తో కలిసి క్రికెట్ ఆడే రామ్ చరణ్ పాత్ర చుట్టూ కథ తిరుగుతుంది. అతనికి క్రికెట్ అంటే ప్రాణం, సిక్సర్లు, ఫోర్లతో చిచ్చరపిడుగులా ఆడుతుంటాడు. అయితే ఆ గ్యాంగ్తో వచ్చిన విభేదాల వల్ల, ఆ తర్వాత అతను కుస్తీ పోటీలు ఎలా నేర్చుకున్నాడు, కన్నడ రాజకుమార్ను ఎలా కలిశాడు అనేది ఆసక్తికరమైన మలుపు. అక్కడి నుండి రన్నింగ్ పోటీల్లో పాల్గొనడం వరకు కథ సాగుతుంది. బోమన్ ఇరానీ నరేషన్ లోనే కథ మొదలవుతుంది.. అసలు జగపతి బాబుకు పెద్దికి ఉన్న సంబంధం ఏమిటి.. జగపతి బాబు చివరకు ఏం అవుతాడు.. ఆ తర్వాత పారా ఒలెంపిక్స్ ఎలా సెలక్ట్ అవుతాడు అన్నది ట్విస్ట్. అసలు ఊరికి రైల్వే స్టేషల్ వచ్చిందా లేదా అన్నది తెలియాలంటే సినిమా చూాడాల్సిందే.
అందరూ అనుకున్నట్లు గానే రామ్ చరణ్ ‘పెద్ది’ పాత్రకు ప్రాణం పోశాడు. తన కెరీర్ లోనే బెస్ట్ సినిమాల్లో ఇది కూడా ఒకటిగా నిలుస్తోంది అనడంతో సందేహం లేదు. ఇక దర్శకుడు బుచ్చి బాబు సనా ప్రతిభ మొత్తం ఇందులో చూపించారు. పెద్ది చూపించడంలో దర్శకుడు సక్సెస్ అయ్యాడనే చెప్పవచ్చు. హీరోయిన్ విషయాని కొస్తే గ్లామరస్ కోసం తీసుకున్నట్లుగా ఉంటుంది. కొన్ని పాటలకు మాత్రమే హరోయిన పాత్ర పరిమితమవుతుంది. ‘అప్పలసూరి’గా జగపతి బాబుకు ఈ సినిమా గుర్తుండిపోతుంది. కన్నడ రాజ్ కుమార్, బోమన్ ఇరానీ, తదితరులు తమ పాత్రలకు వంద శాతం న్యాయం చేశారు.
ఈ సినిమాకు సంగీతం అందించిన ఆస్కార్ విజేత ఏఆర్ రెహమాన్ పాటలతో మరో సారి తన మార్కు చూపించారు. ఆర్ఆర్ కొంచెం డల్ అనిపించినా.. ‘రయ్ రయ్ రారా’, ‘చికరి చికరి’ సాంగ్స్ ఓకే అనిపిస్తాయి. హీరో ఎలావేషన్ లో మ్యూజిక్ కాస్త డల్ అయినట్లు గా కనిపిస్తుంది. సినిమాటోగ్రఫర్ రత్నవేలు ఫ్రేమ్ కంపోజింగ్ గురించి చెప్పనవసరంలేదు.. ప్రతి ఫ్రేమ్ ప్రేక్షకులను ‘పెద్ది’ లోకంలోకి తీసుకుపోతుంది.. మరో సారి ర్యాండీ తన పనితనం మొత్తం చూపించారు ఈ సినిమాలో. మొత్తంగా చూసుకుంటే ‘పెద్ది’ని టీం మొత్తం నిలబెట్టింది అని చెప్పవచ్చు. సినిమాలో కొరియోగ్రఫీ, డాన్స్ మూమెంట్స్ చాలా బాగున్నాయి. ఇది సినిమాకు ఒక ప్లస్ పాయింట్.
బాటమ్ లైన్
గుర్తింపు లేని ఊరికి ఊపిరి పోసి, గమ్యాన్ని చూపే ‘పెద్ది’ పోరాటం!
Read also: పెద్ది ఓటీటీ లాక్….అప్పుడే డిజిటల్ స్ట్రీమింగ్ పై క్లారిటీ వచ్చేసిందిగా!
Share
గుడ్డు తింటే జరిగే మ్యాజిక్ ఇదే.. కానీ ఆ ఒక్క తప్పు అస్సలు చేయొద్దు!
ప్రభుత్వ ఉద్యోగం సాధించాడు.. కానీ డ్యూటీలో చేరే లోపే రిటైర్ అయిపోయాడు!
