‘చంద్రయాన్’ మూవీ రివ్యూ అండ్ రేటింగ్..

Chandrayan Movie Review: శివకుమార్ ధీకొండ ప్రధాన పాత్రలో శ్రీనాథ్ చంద్రశేఖర్ దర్శకత్వంలో నటించిన తాజా చిత్రం చంద్రయాన్. సైన్స్ పట్ల అవగాహన లేకుండా చంద్రుడు పైకి వెళ్లాలన్న తపనతో నలుగురు యువకులు సొంతంగా రాకెట్ తయారు చేసి చంద్రుడిపైకి వెళ్లాలని ప్రయత్నించే హాస్యాస్పదమైన కథ ఇది. నేడు ప్రేక్షకుల ముందుకు వచ్చిన ఈ సినిమా ప్రేక్షకులను ఎలా ఆకట్టుకుంది.. యువకులు తయారు చేసిన రాకెట్ విజయవంతంగా చంద్రుడిపై ల్యాండ్ అయ్యిందా? లేదా? ఈ సినిమా కథ ఏంటి అనే విషయానికి వస్తే..

నటీనటులు: శివకుమార్ ధీకొండ, స్వప్న ప్రియదర్శిని, రవి శివతేజ, వంశీధర్, బలగం సత్యనారాయణ తదితరులు
దర్శకత్వం: శ్రీనాథ్ చంద్రశేఖర్
సమర్పణ: వేణు ఊడుగుల

సినిమా కథేంటంటే:

మంచిర్యాల జిల్లా మందమర్రి పల్లెటూరికి చెందిన నలుగురు యువకులు ఎలాగైనా చంద్రుడిపైకి వెళ్లాలనే వినూత్నమైన కలతో ప్రయాణం మొదలుపెడతారు. పెద్దగా టెక్నికల్ నాలెడ్జ్ లేకపోయినా, ఇంట్లో దొరికే వస్తువులు మరియు బైక్ భాగాలతో సొంతంగా రాకెట్ తయారు చేయాలని సాహసం చేస్తారు. ఆ క్రమంలో ఊర్లో వాళ్ళ నుంచి ఎదురయ్యే నవ్వులు, అడ్డంకులు దాటుకుంటూ వీరు చేసే అల్లరి పనులే ఈ చిత్ర కథాంశం.

సినిమా విశ్లేషణ:

గ్రామీణ నేపథ్యంలో సాగే ఒక ప్యూర్ ఫన్ అండ్ స్పేస్ కామెడీ ఎంటర్‌టైనర్ ఇది. దర్శకుడు శ్రీనాథ్ చంద్రశేఖర్ ఎంచుకున్న పాయింట్ చాలా ఫ్రెష్‌గా ఉండటంతో పాటు, ప్రముఖ దర్శకుడు వేణు ఊడుగుల సమర్పణ సినిమాపై పాజిటివ్ వైబ్స్ తెస్తుంది. సినిమా ప్రథమార్థం పూర్తి ఎంటర్‌టైనింగ్‌గా సాగుతుంది. తెలంగాణ యాసలో యువకులు పడే పాట్లు, రాకెట్ తయారీ నేపథ్యంలో వచ్చే కామెడీ సీన్లు థియేటర్లలో చక్కటి నవ్వులు పూయిస్తాయి. కొన్ని భావోద్వేగ సన్నివేశాలు కూడా ప్రేక్షకులను హత్తుకునేలా ఉంటాయి.