Lava Yuva 2 Star: తక్కువ ధరకే మంచి ఫీచర్లు ఉన్న స్మార్ట్ఫోన్ కొనుగోలు చేయాలని చూస్తున్న వారికి గుడ్ న్యూస్. ఎందుకంటే తాజాగా లావా కొత్త బడ్జెట్ స్మార్ట్ఫోన్ యువ స్టార్ 2ని భారత మార్కెట్లోకి ప్రవేశపెట్టింది. ఈ స్మార్ట్ఫోన్ ఆధునిక ఫీచర్లు, బ్లోట్‌వేర్ రహిత అనుభవంతో అందుబాటులోకి వచ్చింది. దీని ధర రూ. 6,499 కాగా, 8GB RAM, 5,000mAh బ్యాటరీ, Android 14 Go ఆపరేటింగ్ సిస్టమ్ వంటి అనేక ఫీచర్లతో లభిస్తుంది. లావా యువ స్టార్ 2 ప్రత్యేకతల గురించి ఇక్కడ చూద్దాం.
8GB RAM, మల్టీ టాస్కింగ్
ఈ ధర విభాగంలో 8GB RAM అందించడం చాలా స్పెషల్ అని చెప్పవచ్చు. ఇది మల్టీటాస్కింగ్‌ను సులభతరం చేస్తుంది. అంటే వినియోగదారులు ఒకేసారి అనేక యాప్‌లను లాగ్ లేకుండా ఉపయోగించుకోవచ్చు.
ఆక్టా కోర్ UNISOC ప్రాసెసర్
ఈ స్మార్ట్ఫోన్ ఆక్టా కోర్ UNISOC ప్రాసెసర్‌తో లభిస్తుంది. ఇది మీ రోజువారీ పనులైన కాల్స్, మెసేజింగ్, సోషల్ మీడియా, గేమింగ్‌కు సరిపోయే పనితీరును అందిస్తుంది.
5,000mAh బ్యాటరీ
లావా యువ స్టార్ 2 శక్తివంతమైన 5,000mAh బ్యాటరీతో వస్తుంది. ఇది ఒకే ఛార్జ్‌తో రోజంతా ఉపయోగానికి సరిపోతుంది.
Android 14 Go ఆపరేటింగ్ సిస్టమ్
ఈ ఫోన్ Android 14 Go ఆపరేటింగ్ సిస్టమ్‌పై నడుస్తుంది. ఇది తక్కువ హార్డ్‌వేర్ సామర్థ్యం గల ఫోన్‌ల కోసం ఆప్టిమైజ్ చేయబడిన ఆండ్రాయిడ్ వెర్షన్. ఇది స్మూత్ పనితీరు, తక్కువ బ్యాటరీ వినియోగం, సులభమైన వినియోగదారు ఇంటర్‌ఫేస్‌ను అందిస్తుంది.
బ్లోట్‌వేర్ రహిత అనుభవం
లావా యువ స్టార్ 2 ప్రీ ఇన్‌స్టాల్ చేసిన యాప్‌లు లేని బ్లోట్‌వేర్ రహిత అనుభవాన్ని అందిస్తుంది. దీనివల్ల, వినియోగదారులు అనవసరమైన యాప్‌లతో ఇబ్బంది పడకుండా ఉంటారు. ఇలాంటి క్రమంలో అవసరం ఉన్న యాప్స్ మాత్రమే ఇన్ స్టాల్ చేసుకుని ఇంటర్‌ఫేస్‌ను ఆస్వాదించవచ్చు.
Read Also: CMF Phone 2 Pro: దమ్మున్న ఫీచర్లతో CMF ఫోన్ ప్రో2.. …
డిస్‌ప్లే, కెమెరా
ఈ ఫోన్ ఒక సాధారణ HD+ డిస్‌ప్లేతో వస్తుంది. ఇది సినిమాలు, వీడియోలు, గేమింగ్ కోసం మంచి వీక్షణ అనుభవాన్ని అందిస్తుంది. కెమెరా విషయంలో ఇది రోజువారీ ఫోటోగ్రఫీ కోసం ఒక రియర్, ఫ్రంట్ కెమెరాను కలిగి ఉంటుంది.
మార్కెట్లో పోటీ
దేశంలో బడ్జెట్ స్మార్ట్ఫోన్ విషయంలో పోటీ మరింత పెరిగింది. ఇప్పటికే Xiaomi, Realme, Infinix వంటి బ్రాండ్‌లు తక్కువ ధరలకు స్మార్ట్‌ఫోన్లను అందించేందుకు పోటీ పడుతున్నాయి. ఈ క్రమంలోనే లావా యువ స్టార్ 2 తన బ్లోట్‌వేర్ రహిత అనుభవం, ఆకర్షణీయ ధర, Android 14 Go వంటి ఆధునిక ఆపరేటింగ్ సిస్టమ్‌తో వినియోగదారులను ఆకట్టుకునేందుకు సిద్ధమైంది.
ధర, లభ్యత (Lava Yuva 2 Star)
లావా యువ స్టార్ 2 ధర రూ. 6,499గా నిర్ణయించబడింది. ఇలాంటి స్పెసిఫికేషన్లతో ఉన్న ఈ ఫోన్‌కు ఇది చాలా తక్కువ ధర అని చెప్పవచ్చు. ఈ ఫోన్ ఆన్‌లైన్ ప్లాట్‌ఫారమ్‌లు, లావా అధికారిక వెబ్‌సైట్ ద్వారా కొనుగోలు చేయడానికి అందుబాటులో ఉంటుంది. అదనంగా ఆఫ్‌లైన్ రిటైల్ స్టోర్‌లలో కూడా ఈ ఫోన్ లభ్యమవుతుంది. సమ్మర్ సేల్ సందర్భంగా ప్రత్యేక ఆఫర్లు ఉండే ఛాన్సుంది. వీటి గురించి తెలుసుకుని కొనుగోలు చేయండి మరి.
Share
Pakistan Supporting Terrorism: ఉగ్రవాదులను పాక్ ఎందుకు పోషిస్తుందంటే..? అసలు కథ ఇది అన్నమాట!
Indian Railways: బిచ్చగాడి వందేభారత్ ప్రయాణం, ఇదీ అసలు కథ!
