Redmi K80 Pro 5G: రెడ్మీ నుంచి మళ్లీ ఒక పవర్ఫుల్ స్మార్ట్ఫోన్ మార్కెట్లోకి రాబోతోంది. పేరు వింటూనే టెక్ప్రియులకు ఆసక్తి కలిగించేలా ఉంది అదే రెడ్మీ కె80 ప్రో అల్ట్రా 5జి. రెడ్మి ఎప్పటిలాగే ఈసారి కూడా వినియోగదారుల అంచనాలను దాటే ఫీచర్లతో వస్తోంది. ఫోన్ లుక్, కెమెరా, ప్రాసెసర్, బ్యాటరీ అన్నీ ఫ్లాగ్షిప్ స్థాయిలో ఉండబోతున్నాయి.
డిజైన్ .. హై ఎండ్ డివైస్
ఈ ఫోన్ను చేతిలో పట్టుకున్నా, ప్రీమియం ఫీల్ తప్పదు. మెటల్ ఫ్రేమ్, గ్లాస్ ఫినిష్ బాడీ, పెద్ద కెమెరా మాడ్యూల్ డిజైన్ చూసి మొదటి చూపులోనే ఇది ఓ హై ఎండ్ డివైస్ అని ఎవరికైనా అనిపిస్తుంది. ముందు భాగంలో 6.78 అంగుళాల అమోలేడ్ డిస్ప్లే ఇచ్చారు. దీని రిఫ్రెష్ రేట్ 144Hz కాబట్టి స్క్రోలింగ్, వీడియోలు చూడటం, గేమింగ్ అన్నీ సూపర్ స్మూత్గా అనిపిస్తాయి. హెచ్డిఆర్10 ప్లస్ సపోర్ట్తో కలర్ క్వాలిటీ, లైట్ బ్యాలెన్స్ అద్భుతంగా ఉంటుంది. స్క్రీన్ సైజ్ పెద్దగా ఉండటం వల్ల సినిమాలు చూడటానికి, గేమ్స్ ఆడటానికి ఇది సరైన ఎంపిక అవుతుంది.
స్నాప్డ్రాగన్ 8 జెన్ 3 చిప్సెట్
ఇకపోతే పర్ఫార్మెన్స్ విషయానికి వస్తే ఈ ఫోన్లో స్నాప్డ్రాగన్ 8 జెన్ 3 చిప్సెట్ ఉపయోగించారు. ఇది ప్రస్తుతం అందుబాటులో ఉన్న అత్యంత శక్తివంతమైన ప్రాసెసర్. ఈ చిప్సెట్ 4ఎన్ఎమ్ టెక్నాలజీతో తయారు చేయబడింది కాబట్టి పవర్ కన్సంప్షన్ తక్కువగా ఉంటుంది కానీ పర్ఫార్మెన్స్ మాత్రం గరిష్టంగా ఉంటుంది. హేవీ గేమ్స్ అయినా, వీడియో ఎడిటింగ్ అయినా, మల్టీటాస్కింగ్ అయినా ఎలాంటి ల్యాగ్ లేకుండా సాఫీగా నడుస్తుంది. 16జిబి వరకు ఎల్పిడిడిఆర్5ఎక్స్ ర్యామ్, 1టిబి వరకు యుఎఫ్ఎస్ 4.0 స్టోరేజ్ ఆప్షన్లు అందించారు. అంటే వేగం, స్పేస్ రెండు విషయాల్లో కూడా వినియోగదారులకు పూర్తి సంతృప్తి లభిస్తుంది.
50ఎంపి కెమెరా
ఫోటోగ్రఫీ అభిమానులకు ఈ ఫోన్ ప్రత్యేక ఆకర్షణ. రెడ్మీ కె80 ప్రో అల్ట్రా 5జిలో 200 మెగాపిక్సెల్ ప్రైమరీ కెమెరా ఉంది. ఇది శామ్సంగ్ హెచ్పి3 సెన్సార్ ఆధారంగా పనిచేస్తుంది. ఈ కెమెరా ఫోటోల్లో ప్రతి చిన్న డీటైల్ను కూడా స్పష్టంగా చూపిస్తుంది. లైట్ తక్కువ ఉన్న చోట్ల కూడా ఈ కెమెరా మంచి ఫలితాలు ఇస్తుంది. 8కె వీడియో రికార్డింగ్, హెచ్డిఆర్ సపోర్ట్ వంటి ఫీచర్లు కూడా ఉన్నాయి. అదనంగా 12ఎంపి అల్ట్రా వైడ్ లెన్స్, 10ఎంపి టెలిఫోటో లెన్స్ ఇచ్చారు. ఈ మూడు లెన్సులు కలిపి ఏ సిట్యుయేషన్లో అయినా అద్భుతమైన ఫోటోలు తీస్తాయి. సెల్ఫీ కోసం ముందు భాగంలో 50ఎంపి కెమెరా ఉంది. ఇది ఫేస్ డీటైల్, లైటింగ్, టోన్ అన్నీ నేచురల్గా క్యాప్చర్ చేస్తుంది.
Also Read: Vivo 78 Launch: వివో 78 కొత్త లుక్.. ఫోటో లవర్స్, గేమర్స్కి డ్రీమ్ ఫోన్..
6500mAh బ్యాటరీ
ఇక బ్యాటరీ విషయానికి వస్తే ఇది సూపర్ క్లాస్. 6500mAh బ్యాటరీ ఇచ్చారు. ఇది ఒక్కరోజంతా సులభంగా వర్క్ చేస్తుంది. 150W ఫాస్ట్ ఛార్జింగ్ సపోర్ట్ ఉంది కాబట్టి 0 నుంచి 100 శాతం ఛార్జ్ కావడానికి 18 నిమిషాలు సరిపోతాయి. రెడ్మీ ఇచ్చిన కూలింగ్ సిస్టమ్ వల్ల హీట్ ప్రాబ్లమ్ కూడా ఉండదు. ఎక్కువ సమయం గేమింగ్ చేసినా ఫోన్ చల్లగానే ఉంటుంది.
ఇన్డిస్ప్లే ఫింగర్ప్రింట్ సెన్సార్
సాఫ్ట్వేర్ పరంగా ఈ ఫోన్ ఆండ్రాయిడ్ 15 ఆధారంగా హైపర్ఓఎస్ పై రన్ అవుతుంది. ఈ సిస్టమ్ చాలా క్లిన్, ఫాస్ట్, యాడ్స్ లేకుండా ఉంటుంది. యూజర్ ఎక్స్పీరియన్స్ చాలా మెరుగ్గా ఉంటుంది. ఇన్డిస్ప్లే ఫింగర్ప్రింట్ సెన్సార్, స్టీరియో స్పీకర్స్, ఏఐ అసిస్టెంట్, ఎన్ఎఫ్సి, వై-ఫై 7, బ్లూటూత్ 5.4 వంటి అన్ని ఆధునిక ఫీచర్లు ఇందులో ఉన్నాయి. అంటే ఫోన్ ఒక్కటే కాకుండా ఇది ఒక ఫుల్ ప్యాకేజ్ అన్నమాట.
చైనా మార్కెట్ ధర సుమారు ఎంతంటే?
ధర విషయానికి వస్తే, చైనా మార్కెట్లో రెడ్మీ కె80 ప్రో అల్ట్రా 5జి ప్రారంభ ధర సుమారు రూ.49,999గా ఉంది. అయితే భారత మార్కెట్లో లాంచ్ అయ్యే సమయానికి ఈ ధరలో కొంత మార్పు ఉండే అవకాశం ఉంది. అధికారిక లాంచ్ తేదీని రెడ్మీ ఇంకా ప్రకటించలేదు కానీ, వచ్చే నెలలో భారత మార్కెట్లో ఈ ఫోన్ విడుదల అయ్యే అవకాశం ఉందని టెక్ వర్గాలు చెబుతున్నాయి.
ఇండియాలో ధర తక్కువా? లేక ఎక్కువా?
మరోవైపు, రెడ్మీ కె80 ప్రో మోడల్ ధర భారత మార్కెట్లో రూ.43,180గా వైరల్ అవుతోంది. అదే సమయంలో, అల్ట్రా వెర్షన్ కోసం బేస్ బ్రాస్ మార్కెట్లో రూ.32,990 నుంచి ప్రారంభమవుతుందని టాక్. అయితే ఈ మొత్తాలు అధికారిక ధరలు కావు, కేవలం అంచనాలు మాత్రమే. భారత మార్కెట్లో లాంచ్ సమయంలో రెడ్మీ అధికారిక ధరను ప్రకటించే అవకాశం ఉంది. ఈ ధరలో ఇంత ప్రీమియం ఫీచర్లు ఇవ్వగలిగిన బ్రాండ్ చాలా అరుదు. ఇది మార్కెట్లోకి వచ్చిన వెంటనే మిగతా బ్రాండ్లకు కచ్చితంగా సవాలు విసరబోతోంది.
Share
November 7 Movie Releases : రేపు థియేటర్లలోకి రాబోతున్న సినిమాలు.. ఫోకస్ ఆ మూవీపైనే..
Hyderabad News: హైదరాబాద్లో డ్రగ్స్ కలకలం.. నలుగురు చిక్కారు, మరి డ్రోన్ల మాటేంటి?
