Realme C61 Launching on June 28th: ప్రముఖ స్మార్ట్‌ఫోన్ల దిగ్గజం రియల్ మి నుంచి ఇటీవలే జిటి6 ఫోన్ మార్కెట్‌లోకి అందుబాటులోకి వచ్చింది. ఈ ఫోన్ మంచి రెస్పాన్స్ అందుకోవడంతో ఇప్పుడు మరొక కొత్త ఫోన్‌ను రియల్ మీ త్వరలో రిలీజ్ చేసేందుకు సిద్ధమైంది. తాజాగా ఆ ఫోన్‌కు సంబంధించిన వివరాలు ప్రముఖ ఈ కామర్స్ సంస్థ ఫ్లిప్‌కార్ట్ ద్వారా బయటకొచ్చాయి. ఈ వివరాల ప్రకారం.. రియల్ నుంచి జూన్ 28న రియల్ మి సి61 స్మార్ట్‌ఫోన్ భారత మార్కెట్‌లో రిలీజ్ కానుంది. ఈ హ్యాండ్‌సెట్ మెటాలిక్ ఫ్రేమ్‌ను కలిగి ఉన్నట్లు తెలుస్తోంది.
దీంతోపాటు ఈ ఫోన్ మెరుగైన ఫీచర్లను కలిగి ఉన్నట్లు తెలుస్తోంది. ఇది వాటర్, డస్ట్ రెసిస్టెంట్‌‌గా ఐపీ54 రేటింగ్‌తో వచ్చే అవకాశం ఉంది. అలాగే డిజైన్ పరంగా కూడా ఇది ఫోన్ ప్రియులను అట్రాక్ట్ చేస్తుందని అంటున్నారు. ఇక దీని అంచనా స్పెసిఫికేషన్ల విషయానికొస్తే.. ఈ స్మార్ట్‌ఫోన్ 1600-720 పిక్సల్ రిజల్యూషన్‌తో హెచ్‌డీ ప్లస్ డిస్ప్లేతో వస్తున్నట్లు తెలుస్తోంది.
ఇది ఎయిర్ గెశ్చర్, మినీ క్యాప్సుల్ 2.0 నాచ్, డైనమిక్ బటన్, రెయిన్ స్మార్ట్ టచ్ టెక్నాలజీతో వచ్చే ఛాన్స్ ఉందని తెలుస్తోంది. అలాగే ఈ ఫోన్ ఆండ్రాయిడ్ 14 ఆధారిత ఓఎస్‌పై రన్ అవుతుందని తెలుస్తోంది. ఈ స్మార్ట్‌ఫోన్ 45వాట్ ఛార్జింగ్ సపోర్టుతో 5000ఎంఏహెచ్ బ్యాటరీని కలిగి ఉండే ఛాన్స్ ఉంది. ఇక కెమెరా విషయానికొస్తే.. ఇది 50మెగా పిక్సెల్ ప్రధాన కెమెరాతో వస్తుంది.
Also Read: మరొక కొత్త కలర్‌లో రెడ్‌మీ ఫోన్.. అబ్బా ఏముంది బాసూ..!
ఇది 4జీబీ ర్యామ్- 128జీబీ స్టోరేజ్.. 6జీబీ ర్యామ్- 128జీబీ స్టోరేజ్ వేరియంట్‌లో వచ్చే అవకాశం ఉంది. అలాగే ఈ ఫోన్ రెండు కలర్ ఆప్షన్లలో రానున్నట్లు తెలుస్తోంది. అవి గ్రీన్, బ్లాక్ కలర్‌లో ఉండనున్నట్లు సమాచారం. అయితే వీటి ధరపై మాత్రం ఫ్లిప్‌కార్ట్ ఎలాంటి అప్డేట్ ఇవ్వలేదు. కానీ అంచనా ప్రకారం.. ఈ ఫోన్ కేవలం రూ.10000 కంటే తక్కువ ధరలో అందుబాటులోకి వచ్చే ఛాన్స్ ఉందని తెలుస్తోంది.
Share
CM Chandrababu Naidu Weekly Diary: ఎక్కడ నెగ్గాలో కాదు.. ఎక్కడ తగ్గాలో తెలిసినోడే చంద్రబాబు
Hyderabad Shops Close 10.30 PM: కొత్త నిబంధనలు.. హైదరాబద్ లో రాత్రి పదిన్నరకు షాపులు క్లోజ్!
