Samsung Galaxy S25 Ultra: స్మార్ట్ఫోన్ ప్రపంచంలో శామ్సంగ్ గెలాక్సీ సిరీస్కు ఉన్న క్రేజ్ వేరేలా ఉంటుంది. ప్రతి సంవత్సరం కొత్త మోడల్ విడుదలతో ఈ కంపెనీ స్మార్ట్ఫోన్ మార్కెట్ను కదిలిస్తుంది. ఇప్పుడు 2025లో విడుదల కానున్న శామ్సంగ్ గెలాక్సీ ఎస్25 అల్ట్రా గురించి వచ్చిన లీక్స్, టెక్ ప్రపంచాన్ని మొత్తం ఆకర్షిస్తున్నాయి. ఈసారి సామ్సంగ్ కేవలం చిన్న అప్గ్రేడ్లతో కాదు, కెమెరా, డిజైన్, ప్రాసెసర్, బ్యాటరీ అన్నింటిలోనూ విప్లవాత్మక మార్పులు చేయబోతోందని సమాచారం. ముఖ్యంగా కెమెరా విషయంలో ఈ ఫోన్ కొత్త రికార్డులు సృష్టించే అవకాశముందని లీకులు చెబుతున్నాయి.
ఫోన్ మొత్తం ఫ్లాట్ ఎడ్జ్ డిజైన్
డిజైన్ విషయానికి వస్తే, శామ్సంగ్ ఈసారి మరింత ప్రీమియం లుక్పై దృష్టి పెట్టిందని తెలుస్తోంది. ఫోన్ మొత్తం ఫ్లాట్ ఎడ్జ్ డిజైన్లో ఉండబోతోంది. టైటానియం ఫ్రేమ్ వాడటం వలన ఫోన్ బరువు తక్కువగా, కానీ బలంగా ఉంటుంది. ముందుభాగంలో ఉన్న డిస్ప్లే మరింత ప్రకాశవంతంగా కనిపించేలా కొత్త టెక్నాలజీని ఉపయోగిస్తున్నారట. 6.9 అంగుళాల క్యూహెచ్డి ప్లస్ అమోలేడ్ 2ఎక్స్ డిస్ప్లేతో పాటు 120Hz రిఫ్రెష్ రేట్ కూడా ఇస్తున్నారు. సన్లైట్లో కూడా స్క్రీన్ స్పష్టంగా కనిపించే విధంగా శామ్సంగ్ ప్రత్యేక మార్పులు చేసింది.
200 మెగాపిక్సెల్ కెమెరా
కెమెరా అప్గ్రేడ్ విషయానికి వస్తే, ఇది ఈ ఫోన్కు హైలైట్ అని చెప్పాలి. గడిచిన సంవత్సరం వచ్చిన ఎస్24 అల్ట్రాలో ఉన్న 200 మెగాపిక్సెల్ కెమెరా ఇప్పుడు కొత్త ఐసోసెల్ హెచ్పి7 సెన్సార్తో మరింత మెరుగుపరచబడింది. దీని వల్ల తక్కువ లైట్లో కూడా స్పష్టమైన, నాణ్యమైన ఫోటోలు తీసుకోవచ్చు. మిగతా మూడు కెమెరాలు కూడా అద్భుతంగా మారబోతున్నాయి. 50 మెగాపిక్సెల్ అల్ట్రావైడ్ లెన్స్, 50 మెగాపిక్సెల్ పెరిస్కోప్ టెలిఫోటో లెన్స్ 5x ఆప్టికల్ జూమ్తో, ఇంకా మరో 50 మెగాపిక్సెల్ టెలిఫోటో లెన్స్ 3ఎక్స్ ఆప్టికల్ జూమ్తో వస్తున్నాయి. అంటే మొత్తం నాలుగు కెమెరాలు ప్రొఫెషనల్ డిఎస్ఎల్ఆర్ లెవెల్ క్వాలిటీ ఇస్తాయి. కొత్త ఏఐ కెమెరా ఇంజిన్ వలన సబ్జెక్ట్ లైట్ను, మోషన్ను ఆటోమేటిక్గా గుర్తించి ఫోటోను సమతుల్యంగా క్యాప్చర్ చేస్తుంది.
Also Read: Amazon Bumper offer: మ్యూజిక్ లవర్స్కు అమెజాన్ అదిరిపోయే ఆఫర్.. ఇదే సరైన సమయం
అప్గ్రేడ్ వీడియో రికార్డింగ్
వీడియో రికార్డింగ్లో కూడా భారీ అప్గ్రేడ్లు ఉన్నాయి. 8కె వీడియోలను 60fps వద్ద రికార్డ్ చేయగల ఈ ఫోన్, కొత్త స్టెబిలైజేషన్ టెక్నాలజీ వలన హ్యాండ్లో పట్టుకున్నా కూడా సినిమాటిక్ వీడియోలు తీసుకోవచ్చు. ఫ్రంట్ కెమెరా కూడా పెద్ద అప్గ్రేడ్ పొందింది. 32ఎంపి నుండి 50ఎంపి ఏఐ ఆధారిత సెల్ఫీ కెమెరాకు మార్చారు. దీని వలన సెల్ఫీలు, వీడియో కాల్స్ లెవెల్ పూర్తిగా మారిపోతుంది.
4 గెలాక్సీ కోసం చిప్సెట్ను
పెర్ఫార్మెన్స్ విషయానికి వస్తే, ఈసారి సామ్సంగ్ కొత్త స్నాప్డ్రాగన్ 8 జెన్ 4 గెలాక్సీ కోసం చిప్సెట్ను వాడబోతోంది. ఇది మరింత వేగంగా, తక్కువ బ్యాటరీ వాడకం ఉండేలా డిజైన్ చేయబడింది. దీని వల్ల గేమింగ్, మల్టీటాస్కింగ్, వీడియో ఎడిటింగ్ అన్నీ స్మూత్గా జరుగుతాయి. ర్యామ్ 12జిబి నుండి 16జిబి వరకు వేరియంట్స్లో రానుంది, స్టోరేజ్ కూడా 1టిబి వరకు లభించనుంది.
5000mAh సామర్థ్యంతో బ్యాటరీ
బ్యాటరీ విషయంలో సామ్సంగ్ పెద్ద మార్పు చేయకపోయినా, 5000mAh సామర్థ్యంతో కొత్త పవర్ మేనేజ్మెంట్ సిస్టమ్ జతచేస్తోంది. దీని వల్ల ఒకరోజు పూర్తి వాడకం తరువాత కూడా బ్యాటరీ నిలిచిపోతుంది. 45W ఫాస్ట్ ఛార్జింగ్, వైర్లెస్ మరియు రివర్స్ ఛార్జింగ్ ఫీచర్లు కూడా అందుబాటులో ఉంటాయి.
గెలాక్సీ ఏఐ టూల్స్
సాఫ్ట్వేర్ పరంగా ఆండ్రాయిడ్ 15 ఆధారంగా వన్ యూఐ 7.0తో ఈ ఫోన్ వస్తుంది. ఇందులో గెలాక్సీ ఏఐ టూల్స్ను విస్తరించారు. ఫోటో ఎడిటింగ్, లైవ్ ట్రాన్స్లేషన్, రియల్టైమ్ డాక్యుమెంట్ సమ్మరీల వంటి ఫీచర్లు ఇప్పుడు ఇంటర్నెట్ లేకుండా కూడా పనిచేస్తాయి.
ధర ఎంతంటే?
ధర విషయానికి వస్తే, ఇండియాలో శామ్సంగ్ గెలాక్సీ ఎస్25 అల్ట్రా ధర సుమారు 1,35,000 నుండి 1,45,000 రూపాయల మధ్య ఉండొచ్చని అంచనా. విడుదల తేదీ ఫిబ్రవరి 2025లో ఉండే అవకాశముంది. పాకెట్ సైజ్ ప్రొఫెషనల్ కెమెరా, అలాగే ఏఐ ఆధారిత కంప్యూటర్ లాంటిది. ఇది మార్కెట్లో ఉన్న ఇతర స్మార్ట్ఫోన్లను దాటేస్తుందనే నమ్మకం ఉంది. మళ్లీ తన పేరు మరోసారి టాప్లో నిలబెట్టుకోబోతుందనడంలో ఎటువంటి సందేహం లేదు.
Share
Fauzi: ఫౌజీ కోసం తెగ కష్టపడుతున్న ఘట్టమనేని వారసుడు.. పెద్ద టాస్కే ఇదీ!
Most Dangerous Foods: ప్రపంచంలోనే అత్యంత ప్రమాదకరమైన ఆహారాలు.. సరిగ్గా వండకపోతే ప్రాణాలకే ప్రమాదం !
