Redmi Note 15: రూ.12,000లకే ఫ్లాగ్‌షిప్ లుక్‌.. రెడ్మీ నోట్ 15 ఫోన్‌ సూపర్ ఫీచర్లు తెలుసా..

Redmi Note 15: రెడ్‌మీ అనే పేరు మార్కెట్‌లో వినిపిస్తే చాలు, బడ్జెట్‌ స్మార్ట్‌ఫోన్‌ ప్రపంచం మొత్తం దానిపైనే దృష్టి సారిస్తుంది. చైనా కంపెనీ అయిన షావోమి అందించిన ఈ బ్రాండ్‌ ప్రపంచవ్యాప్తంగా కోట్లాది మంది మొబైల్‌ వినియోగదారులను ఆకట్టుకుంది. నాణ్యతతో పాటు సరసమైన ధరలో అద్భుతమైన ఫీచర్లు ఇవ్వడం వల్లే రెడ్మీకి ఇంత విస్తృతమైన పేరు వచ్చింది. ప్రతిసారి కొత్త మోడల్‌ విడుదల చేసినప్పుడు ఆ ఫోన్‌ మార్కెట్‌లో హాట్‌టాపిక్‌గా మారిపోతుంది. ఇప్పుడు అదే పరిస్థితి రెడ్‌మీ కనిపిస్తోంది. ఈ ఫోన్‌ను బ్యాటరీ బీస్ట్ అని పిలుస్తున్నారు, ఎందుకంటే దీని బ్యాటరీ లైఫ్‌, కెమెరా క్వాలిటీ, ప్రాసెసర్‌ పనితీరు అన్నీ అద్భుతంగా ఉన్నాయి.

గ్లాస్‌ బ్యాక్‌ ఫినిష్‌ డిజైన్

రెడ్మీ నోట్ 15లో మొదటగా మన దృష్టిని ఆకర్షించేది దాని డిజైన్. ఈసారి కంపెనీ ప్రీమియం లుక్‌ ఇవ్వడానికి ఫ్లాట్‌ బాడీ డిజైన్‌ను ఎంచుకుంది. గ్లాస్‌ బ్యాక్‌ ఫినిష్‌ ఉండటంతో ఫోన్‌ మెరిసిపోతుంది. మెటల్‌ ఫ్రేమ్‌ కారణంగా హ్యాండ్‌లో పట్టుకున్నప్పుడు బలంగా, స్టైలిష్‌గా ఉంటుంది. కొత్తగా మిస్టిక్ బ్లూ , కార్బన్ బ్లాక్, సన్సెట్ ఆరంజ్ అనే మూడు ఆకర్షణీయమైన కలర్స్‌లో ఈ ఫోన్‌ అందుబాటులో ఉంది. లైట్‌ వెయిట్‌ ఉండటం వల్ల ఎక్కువసేపు పట్టుకున్నా అలసటగా అనిపించదు.

గోరిల్లా గ్లాస్‌ ప్రొటెక్షన్‌ డిస్ ప్లే

తరువాతి ప్రధాన అంశం డిస్‌ప్లే. ఇందులో 6.7 ఇంచుల ఫుల్ హెచ్‌డి ప్లస్ అమోలేడ్ డిస్‌ప్లే ఉంది. 120Hz రిఫ్రెష్‌ రేట్‌ ఉన్న ఈ స్క్రీన్‌ స్క్రోలింగ్‌, వీడియోలు, గేమ్స్‌ అన్నింటినీ స్మూత్‌గా చూపిస్తుంది. కలర్‌ రిప్రొడక్షన్‌ చాలా ప్రాకృతికంగా ఉంటుంది. గోరిల్లా గ్లాస్‌ ప్రొటెక్షన్‌ ఉండటంతో చిన్నపాటి గీతలు, స్క్రాచుల నుండి రక్షణ లభిస్తుంది. పెద్ద స్క్రీన్‌లో సినిమాలు చూడడం, గేమ్స్‌ ఆడటం ఒక ప్రత్యేకమైన అనుభూతిని ఇస్తుంది.

Also Read: Fastest Electric Bikes: ప్రపంచంలోనే ఫాస్టెస్ట్ ఎలక్ట్రిక్ బైక్‌లు, ఒక్కోదాని స్పీడ్ ఎంతో తెలుసా?

200 మెగాపిక్సెల్‌ ప్రైమరీ కెమెరా

ఇప్పుడు కెమెరా వైపు వస్తే, రెడ్మీ ఈసారి సూపర్‌హై రిజల్యూషన్‌ కెమెరాను అందించింది. 200 మెగాపిక్సెల్‌ ప్రైమరీ కెమెరాతో పాటు 8 మెగాపిక్సెల్‌ అల్ట్రా వైడ్‌, 2 మెగాపిక్సెల్‌ మాక్రో లెన్స్‌లు ఉన్నాయి. నైట్‌ మోడ్‌లో కూడా పిక్చర్‌ క్లారిటీ అద్భుతంగా ఉంటుంది. ఫ్రంట్‌ కెమెరా 32 మెగాపిక్సెల్‌, ఇది సెల్ఫీలు, వీడియో కాల్స్‌ కోసం బాగా ఉపయోగపడుతుంది. వీడియో రికార్డింగ్‌లో 4K సపోర్ట్‌ ఉండటం మరో ప్రత్యేకత.

మల్టీటాస్కింగ్‌ పర్ ఫార్మెన్స్

పర్ ఫార్మెన్స్ విషయానికి వస్తే, ఇందులో స్నాప్‌డ్రాగన్ 7 జెన్ 2 ప్రాసెసర్‌ను ఉపయోగించారు. ఇది 5జి సపోర్ట్‌ ఉన్న చిప్‌సెట్‌, కాబట్టి ఫ్యూచర్‌ ప్రూఫ్‌ మొబైల్‌గా చెప్పొచ్చు. గేమింగ్‌, వీడియో ఎడిటింగ్‌, మల్టీటాస్కింగ్‌ అన్నింటినీ స్మూత్‌గా రన్‌ చేస్తుంది. ఎక్కువ సేపు గేమ్స్‌ ఆడినా వేడి పడకుండా ఉండటానికి లిక్విడ్‌ కూలింగ్‌ టెక్నాలజీ కూడా ఇందులో ఉంది.

ఐఫోన్ తరహాలో అనుభూతిచ్చే ఫీచర్లు

ఫీచర్లు విషయానికి వస్తే, ఈ ఫోన్‌లో ఉన్న హిడెన్‌ ఫీచర్లు చాలా ప్రత్యేకం. ఏఐ స్మార్ట్ ఛార్జింగ్ మోడ్ వాడకాన్ని బట్టి ఛార్జింగ్‌ వేగాన్ని నియంత్రిస్తుంది. ఆడియో జూమ్ ఫీచర్‌ వీడియోలో మీరు ఫోకస్‌ చేసిన వ్యక్తి సౌండ్‌ను మాత్రమే రికార్డ్‌ చేస్తుంది. హిడెన్ అప్ వాయుల్ట్ ద్వారా వ్యక్తిగత డేటాను సురక్షితంగా దాచుకోవచ్చు. ఇంకా డైనమిక్ ఐలాండ్ స్టైల్‌ నోటిఫికేషన్‌ బార్‌ ఐఫోన్ తరహాలో అనుభూతి ఇస్తుంది.

128జిబి స్టోరేజ్‌

స్టోరేజ్‌ విషయానికి వస్తే, రెడ్‌మీ నోట్ 15 రెండు వేరియంట్లలో అందుబాటులో ఉంది. 6జిబి ర్యామ్ ప్లస్ 128జిబి స్టోరేజ్‌, 8జిబి ర్యామ్ ప్లస్ 256జిబి స్టోరేజ్‌. ఎల్‌పిడిడిఆర్5 ర్యామ్, యూఎఫ్ఎస్ 3.1 స్టోరేజ్‌ టెక్నాలజీ ఉండటం వల్ల యాప్‌లు ఓపెన్‌ అవ్వడం, డేటా ట్రాన్స్‌ఫర్‌ స్పీడ్‌ చాలా వేగంగా ఉంటుంది. ఆండ్రాయిడ్15 ఆధారిత ఎంఐయూఐ 16 ఆపరేటింగ్‌ సిస్టమ్‌తో వస్తుంది, యూజర్‌ ఇన్‌టర్‌ఫేస్‌ సాఫీగా, క్లియర్‌గా ఉంటుంది.

ధర విషయానికి వస్తే..

ఇప్పుడు ధర గురించి మాట్లాడుకుంటే, రెడ్‌మీ నోట్ 15 బేస్‌ మోడల్‌ 6జిబి ర్యామ్,128జిబి స్టోరేజ్‌ ధర సుమారు రూ.12,000 మాత్రమే. ఇంత తక్కువ ధరలో ఇలాంటి ప్రీమియం ఫీచర్లు అందించడం వల్లే ఈ ఫోన్‌కి బ్యాటరీ బీస్ట్ అనే పేరు సరిపోతుంది. లాంచ్ ఆఫర్‌ల్లో బ్యాంక్‌ డిస్కౌంట్‌లు, ఎక్స్చేంజ్‌ బెనిఫిట్స్‌ కూడా లభ్యమవుతున్నాయి. ఇది నిజంగా ఒక బ్యాటరీ బీస్ట్ అని చెప్పడంలో ఎలాంటి సందేహం లేదు.

Share

• 
• 
• 
• 
• 
•