Vivo S20 Pro 5G: వివో ఈసారి తన కొత్త సిరీస్ అయిన వివో ఎస్20 ప్రో 5జితో మార్కెట్‌లోకి అడుగుపెట్టింది. 50ఎంపి ఫ్రంట్ కెమెరా, 16జిబి ర్యామ్, 80W ఫాస్ట్ ఛార్జింగ్ వంటి అద్భుతమైన ఫీచర్లతో ఈ ఫోన్ అందరినీ ఆకట్టుకుంటోంది. ఇప్పుడు దీని పూర్తి వివరాల్లోకి వెళ్దాం.
స్టైలిష్‌ డిజైన్
మొదటగా ఈ ఫోన్ డిజైన్ గురించి మాట్లాడితే, వివో ఎప్పటిలా ఈసారి కూడా ఫోన్ లుక్‌ మీద ప్రత్యేక శ్రద్ధ పెట్టింది. గ్లాస్ బ్యాక్ ఫినిష్‌తో, స్లిమ్ బాడీతో ఈ ఫోన్ చాలా స్టైలిష్‌గా కనిపిస్తుంది. ఫోన్ చేతిలో పట్టుకున్నప్పుడు చాలా లైట్‌గా, ప్రీమియం ఫీలింగ్ ఇస్తుంది. డిస్‌ప్లే పరంగా చూస్తే, 6.78 ఇంచుల పెద్ద అమోలేడ్ పూర్తి హెచ్‌డి ప్లస్ స్క్రీన్‌తో వస్తుంది. ఇది 120Hz రిఫ్రెష్ రేట్‌తో ఉండటం వల్ల స్క్రోలింగ్ చాలా స్మూత్‌గా ఉంటుంది. హెచ్‌డిఆర్10 ప్లస్ సపోర్ట్ వల్ల సినిమాలు, వీడియోలు చూసేటప్పుడు కలర్స్ అద్భుతంగా కనిపిస్తాయి.
8300 అల్ట్రా చిప్‌సెట్‌
పర్ఫార్మెన్స్ విషయానికి వస్తే, వివో ఎస్20 ప్రో 5జిలో మీడియాటెక్ డైమెన్సిటీ 8300 అల్ట్రా అనే తాజా చిప్‌సెట్‌ని వాడారు. ఇది 5G సపోర్ట్ చేసే పవర్‌ఫుల్ ప్రాసెసర్. దాంతో ఈ ఫోన్ గేమింగ్, వీడియో ఎడిటింగ్, మల్టీటాస్కింగ్‌కి పర్ఫెక్ట్‌గా పనిచేస్తుంది. 16జిబి ర్యామ్‌తో వస్తుంది కానీ అదనంగా 8జిబి వరకు వర్చువల్ ర్యామ్ సపోర్ట్ కూడా ఉంది. అంటే మొత్తం 24జిబి ర్యామ్ లాగా పనిచేస్తుంది. ఇది నిజంగా అద్భుతమైన స్మూత్ ఎక్స్‌పీరియెన్స్ ఇస్తుంది. 256జిబి స్టోరేజ్ ఉన్న ఈ ఫోన్‌లో పెద్ద సైజ్ వీడియోలు, ఫోటోలు, యాప్స్ అన్నీ సులభంగా స్టోర్ చేయవచ్చు.
Also Read: Massage benefits: ఆయుర్వేదం చెప్పే 5 మసాజ్ రహస్యాలు.. డాక్టర్లు కూడా సూచించే థెరపీలు
108ఎంపి ప్రైమరీ కెమెరా
కెమెరా విషయానికి వస్తే, వివో ఎప్పటిలాగే ఈసారి కూడా తన ప్రత్యేకతను నిలబెట్టుకుంది. బ్యాక్ సైడ్‌లో 108ఎంపి ప్రైమరీ కెమెరాతో పాటు 8ఎంపి అల్ట్రా వైడ్, 2ఎంపి మాక్రో లెన్స్ ఉన్నాయి. ఈ కెమెరా సిస్టమ్ వల్ల ఫోటోలు చాలా క్లియర్‌గా, డీటెయిల్డ్‌గా వస్తాయి. కానీ ఈ ఫోన్‌లో అసలైన హైలైట్ 50ఎంపి ఫ్రంట్ సెల్ఫీ కెమెరా. ఇది ఏఐ బ్యూటీ మోడ్, పోర్ట్రెయిట్ లైటింగ్ వంటి ఫీచర్లతో వస్తుంది. సెల్ఫీ లవర్స్‌కి ఇది ఒక కలల ఫోన్‌లా ఉంటుంది. వీడియోలు కూడా 4కెలో రికార్డ్ చేయవచ్చు కాబట్టి వ్లాగర్స్‌కి ఇది చాలా ఉపయోగపడుతుంది.
5000mAh బ్యాటరీ
బ్యాటరీ విషయానికి వస్తే, వివో ఈ ఫోన్‌లో 5000mAh బ్యాటరీని ఇచ్చింది. 80W ఫాస్ట్ ఛార్జింగ్ సపోర్ట్ ఉండటంతో 0 నుండి 70 శాతం వరకూ కేవలం 20 నిమిషాల్లో ఛార్జ్ అవుతుంది. మొత్తం ఫుల్ ఛార్జ్ అవ్వడానికి 35 నిమిషాలే సరిపోతాయి. రోజంతా ఎంత వాడినా బ్యాటరీ ఈజీగా నడుస్తుంది.
అందుబాటులో కనెక్టివిటీ ఆప్షన్లు
సాఫ్ట్‌వేర్ పరంగా ఈ ఫోన్ ఆండ్రాయిడ్ 15 ఆధారంగా ఫన్‌టచ్ ఒఎస్ 15పై నడుస్తుంది. ఇంటర్‌ఫేస్ చాలా స్మూత్‌గా, యూజర్‌ఫ్రెండ్లీగా ఉంటుంది. 5జితో పాటు వై-ఫై 6, బ్లూటూత్ 5.3, ఎన్ఎఫ్‌సి వంటి అన్ని కనెక్టివిటీ ఆప్షన్లు అందుబాటులో ఉన్నాయి. ఫింగర్‌ప్రింట్ సెన్సార్ ఇన్‌డిస్‌ప్లేలో ఉండటం కూడా ఒక అదనపు ప్లస్. స్టీరియో స్పీకర్లతో డాల్బీ అట్మాస్ సపోర్ట్ ఇచ్చారు కాబట్టి ఆడియో క్వాలిటీ కూడా అద్భుతంగా ఉంటుంది.
ధర ఎంతంటే?
ఇండియా మార్కెట్‌లో వివో ఎస్20 ప్రో 5జి రెండు వేరియంట్లలో లభిస్తోంది. 12ర్యామ్ ర్యామ్ ప్లస్ 256జిబి స్టోరేజ్ వేరియంట్ ధర రూ.35,999, 16జిబి ర్యామ్ ప్లస్ 512జిబి స్టోరేజ్ వేరియంట్ ధర రూ.39,999. గ్లేసియర్ బ్లూ, మిడ్‌నైట్ బ్లాక్ అనే రెండు కలర్ ఆప్షన్లలో ఇది అందుబాటులో ఉంది. ఆన్‌లైన్‌లో వివో అధికారిక వెబ్‌సైట్‌తో పాటు అమెజాన్, ఫ్లిప్‌కార్ట్‌లలో కూడా ఈ ఫోన్ సేల్‌లో ఉంది. కాబట్టి, 35 వేల బడ్జెట్‌లో ప్రీమియం ఫీచర్లతో ఫోన్ కావాలనుకునే వారికి వివో ఎస్ 20 ప్రో 5జి ఒక బెస్ట్ ఆప్షన్ అవుతుంది.
Share
OTT Movie : పుట్టకముందే జరిగిన క్రైమ్స్ చెప్పే 2వ తరగతి పిల్లాడు... మిస్ అవ్వకుండా చూడాల్సిన మలయాళ మిస్టరీ థ్రిల్లర్
Telangana Liquor Shops: మద్యం షాపుల డ్రాకు సర్వం సిద్ధం
