Pak Demand ICC: టి20 ప్రపంచ కప్ 2026 టోర్నమెంట్ ( ICC T20 World Cup 2026 tournament) నేపథ్యంలో పాకిస్తాన్ ఒక్కో మెట్టు దిగినట్లు తెలుస్తోంది. మొదట ఇండియాతో మ్యాచ్ ఆడబోమని డ్రామాలు ఆడింది పాకిస్తాన్ క్రికెట్ బోర్డు. రకరకాల కారణాలు చెప్పి బహిష్కరించింది. ముందుగా టి20 ప్రపంచ కప్ 2026 టోర్నమెంట్ బహిష్కరిస్తామని బెదిరింపులకు దిగింది. బంగ్లాదేశ్ పట్ల ఐసీసీ అలాగే ఇండియా దారుణంగా వ్యవహరించిందని కారణం చూపించి పాకిస్తాన్ కుట్రలకు తెరలేపింది. ఆ తర్వాత టోర్నమెంట్ ఆడేందుకు కొలంబోకు వచ్చింది పాకిస్తాన్. ఇక ఇప్పుడు ఫిబ్రవరి 15వ తేదీన ఇండియాతో జరిగే మ్యాచ్ ఆడబోమని కొత్త డ్రామాకు తెరలేపింది. అయితే ఐసీసీ గట్టి వార్నింగ్ ఇవ్వడంతో దిగి వచ్చింది. కానీ మూడు కండిషన్లు తాజాగా ఐసీసీ ముందు PCB ఉంచినట్లు తెలుస్తోంది.
టి20 ప్రపంచ కప్ 2026 టోర్నమెంట్ లో భాగంగా ఫిబ్రవరి 15వ తేదీన ఇండియాతో మ్యాచ్ ఆడాలంటే మూడు కండిషన్లు పెట్టిందట పాకిస్తాన్. ఇందులో మొదటిది ఐసీసీ t20 ప్రపంచ కప్ 2026 టోర్నమెంట్లో భాగంగా అన్ని జట్ల కంటే రెవెన్యూ షేర్ ఎక్కువగా ఇవ్వాలని కోరిందట పాకిస్తాన్ క్రికెట్ బోర్డు. అలాగే ఇండియాతో మ్యాచ్ జరిగితే ఖచ్చితంగా షేక్ హ్యాండ్ (Shake Hands) ఇచ్చుకోవాల్సిందేనని కూడా తెలిపిందట. గతంలో ఆసియా కప్ 2025 టోర్నమెంట్ సందర్భంగా పాకిస్తాన్ ప్లేయర్లకు షేక్ హ్యాండ్ ఇవ్వలేదు టీమిండియా ప్లేయర్లు.
అయితే అలాంటి సీన్లు ఇప్పుడు రిపీట్ కావద్దని పేర్కొందట. ఇక ముచ్చటగా మూడవది చాలా విడ్డూరంగా ఉంది. ఇండియా అలాగే పాకిస్తాన్ మధ్య యుద్ధ వాతావరణం ఎప్పుడు చోటు చేసుకుంటూనే ఉంటుంది. ఈ నేపథ్యంలోనే పాకిస్థాన్ లో అడుగుపెట్టి ద్వైపాక్షిక సిరీస్ ( India–Pakistan bilateral series) ఆడేందుకు బీసీసీఐ ఒప్పుకోవాలని పాకిస్తాన్ క్రికెట్ బోర్డు మెలిక పెట్టినట్లు తెలుస్తోంది. ఈ మూడు కండిషన్లకు ఓకే అయితే ఫిబ్రవరి 15వ తేదీన ఇండియాతో మ్యాచ్ ఆడతామని పాకిస్తాన్ క్రికెట్ బోర్డు ( PCB) వెల్లడించిందట. ఈ న్యూస్ ఇప్పుడు సోషల్ మీడియాలో వైరల్ గా మారింది.
ఐసీసీ ముందు మూడు కండిషన్లు పెట్టిన పాకిస్తాన్ క్రికెట్ బోర్డు కు బిసిసిఐ షాక్ ఇవ్వనుందట. పాకిస్తాన్ ప్లేయర్లకు షేక్ హ్యాండ్ ఇచ్చేది లేదని బిసిసిఐ స్పష్టం చేసినట్లు తెలుస్తోంది. అలాగే, పాకిస్తాన్ లాంటి ఉగ్ర దేశంలో తమ జట్టు అస్సలు ప్రకటించబోదని.. తేల్చి చెప్పినట్లు సమాచారం. మరి దీనిపై ఐసీసీ ఎలాంటి నిర్ణయం తీసుకుంటుందో చూడాలి.
🚨 PAKISTAN DEMAND FOR ICC 🚨
– Pakistan Cricket Board is likely to demand an India–Pakistan bilateral series in Pakistan to end the boycott. 👀🇵🇰 pic.twitter.com/gbKbTJ7vKq
— lndian Sports Netwrk (@IS_Netwrk29) February 8, 2026
Share
CM Chandrababu: తిరుమల లడ్డూ కల్తీపై విచారణ కమిషన్.. ఏపీ క్యాబినేట్ కీలక నిర్ణయాలు..
Telangana BRS: టికెట్ల లొల్లి.. రెబల్స్ హల్చల్.. మున్సిపాలిటీల్లో బీఆర్ఎస్ ఉనికిని దెబ్బతీస్తున్న అంతర్గత కుమ్ములాటలు
