TSPSC: పేపర్‌ లీక్‌ ఎఫెక్ట్‌తో టీఎస్‌పీఎస్సీలో పరీక్షల వాయిదాల పర్వం కొనసాగుతోంది. ఇప్పటికే గ్రూప్‌-1 ప్రిలిమ్స్‌తో పాటు పలు పరీక్షలను వాయిదా వేసిన టీఎస్‌పీఎస్సీ తాజాగా మరో పరీక్షను వాయిదా వేసింది. ఏప్రిల్‌ 4న జరగాల్సిన హార్టికల్చర్‌ డిపార్ట్‌మెంట్‌ పరీక్షను రీషెడ్యూల్‌ చేసింది. ఈ పరీక్షను తిరిగి జూన్‌ 17వ తేదీన నిర్వహించాలని నిర్ణయించింది. ఈ పరీక్షను యథావిధిగా నిర్వహించాలా లేదా కొంత వ్యవధితో రీషెడ్యూల్‌ చేయాలా అన్న అంశంపై సమాలోచనలు చేసిన కమిషన్ అధికారులు.. చివరకు పరీక్ష వాయిదా వైపే మొగ్గు చూపారు.
ప్రశ్నపత్రాల లీకేజీ కారణంగా ఇప్పటికే నాలుగు పరీక్షలను కమిషన్ రద్దు చేసింది. మరో రెండు పరీక్షలను వాయిదా వేసింది. గ్రూప్‌ వన్‌ ప్రిలిమినరీతో పాటు డివిజనల్‌ అకౌంట్స్‌ అధికారి, అసిస్టెంట్‌ ఎగ్జిక్యూటివ్‌ ఇంజినీర్‌, అసిస్టెంట్‌ ఇంజినీర్‌ పరీక్షలను పూర్తిగా రద్దు చేసింది. టౌన్‌ప్లానింగ్‌ బిల్డింగ్‌ ఓవర్‌సీర్‌, వెటర్నరీ అసిస్టెంట్‌ పరీక్షలను వాయిదా వేసింది. గ్రూప్‌-1 ప్రిలిమినరీ పరీక్షను జూన్‌ 11న నిర్వహించనున్నట్లు ప్రకటించింది. మిగతా రద్దయిన పరీక్షలతో పాటు వాయిదా పడిన వాటికి త్వరలోనే కొత్త తేదీలు ఖరారు చేయనున్నారు.
Share
Tapsee Pannu:- వివాదంలో తాప్సీ.. కేసు న‌మోదు
నిన్ను భారంగా భావించే బంధాలతో బలవంతపు జీవనం వద్దు...
