Hyderabad : ఏదో అనుకుంటే.. ఏదో జరిగింది అంటూరు. అది.. ఈ మహిళ విషయంలో నిజమైంది. భర్తకు అందంగా కనిపించాలని అనుకుంది. దాని కోసం బ్యూటీ పార్లర్‌కు వెళ్లింది. కృత్రిమ అందంతో.. మెుగుడుని ఆశ్చర్య పర్చాలనుకుంది. చివరకు తన ప్రయత్నం బెడిసికొట్టింది.
ఓల్డ్‌ సిటీకి చెందిన ఓ మహిళ…అందం మెరుగుపరుచుకునేందుకు బ్యూటీ పార్లర్‌కు వెళ్లింది. తనని మోడల్‌గా చూడాలనుకున్న భర్త కోరిక తీర్చాలని ఆశపడింది. పార్లర్‌లో పొడుగ్గా ఉన్న ఆమె హెయిర్ కట్ చేసింది బ్యూటీషియన్. స్పెషల్ హెయిర్ ఆయిల్‌తో మర్దనా చేసింది. ఎంతో ఆనందంగా ఇంటికి వచ్చిన ఆమె.. భర్తకు సర్‌ప్రైజ్‌ గిఫ్ట్‌గా చెబుదామనుకుంది. సీన్‌ కట్ చేస్తే… జుట్టంతా రాలిపోయి కనిపించడంతో కంగుతింది.
కొత్త అందం మాటెలా ఉన్నా… ఉన్న జుట్టు రాలిపోవటంతో ఆ మహిళ కంగారుపడింది. భార్య హెయిర్ పోవడం చూసిన భర్త కూడా షాక్‌కు గురయ్యాడు. అందగా కనిపించాలనుకున్న భార్యకు… ఉన్న వెంట్రుకలు ఊడిపోవడంతో ఇద్దరి మధ్య గొడవ జరిగింది.
బ్యూటీ పార్లర్‌లో తన జుట్టుకు రాసిన హెయిర్ ఆయిల్ వల్లే తన వెంట్రుకలు ఊడిపోతున్నాయని మండిపడింది బాధితురాలు. ఆ షాప్ దగ్గరికి వెళ్లి గొడవ చేసింది. ఊడిపోతున్న వెంట్రుకలు పట్టుకుని ఆబిడ్స్‌ పోలీస్ స్టేషన్‌కు వెళ్లింది. సదరు బ్యూటీ పార్లర్‌ యజమనిపై కేసు పెట్టింది. కేసు నమోదు చేసుకున్న పోలీసులు.. దర్యాప్తు సాగిస్తున్నారు.
Share
Varahi: ఇక విశాఖలో వారాహి.. వ్యూహం మార్చేసిన జనసేనాని!
Kondai Floods : కొండాయి వరదల హీరో మీనయ్య.. అందుకే సర్కారు సన్మానం..
