Hyderabad: టెన్త్ క్లాస్ స్టూడెంట్‌తో టీచర్ జంప్.. ఆ తర్వాత?

Hyderabad: ప్రేమకు వయస్సుతో సంబంధం ఉండదు. ఎప్పుడు ఎలా పుడుతుందో ఎవరూ చెప్పలేరు. ఇలానే పదో తరగతి విద్యార్థితో ఓ టీచర్ ప్రేమలో పడింది. అతడిని తీసుకొని ఇంట్లో నుంచి పారిపోయింది. ఈ ఘటన హైదరాబాద్‌లోని చందానగర్‌లో చోటుచేసుకుంది.

ఓ ప్రైవేట్ స్కూళ్లో 26 ఏళ్ల యువతి టీచర్‌గా పనిచేస్తోంది. ఆమె అదే పాఠశాలలో పదో తరగతి చదువుతన్న విద్యార్థితో ప్రేమలో పడింది. ఇంట్లో పెళ్లి సంబంధాలు చూస్తుండడంతో బాలుడిని తీసుకొని వెళ్లిపోయింది. ఈక్రమంలో తన మనువరాలు కనిపించడం లేదంటూ యువతి తాత పోలీసులకు ఫిర్యాదు చేశాడు. బాలుడి తల్లిదండ్రులు కూడా పోలీసులకు కంప్లైంట్ ఇచ్చారు. ఆ తర్వాత రెండు రోజులకు ఎవరింటికి వారు రావడంతో కేసును విత్ డ్రా చేసుకున్నారు.

అయితే పోలీసులు విద్యార్థిని ఎక్కడికి వెళ్లావంటూ విచారించడంతో అసలు విషయం వెలుగులోకి వచ్చింది. కొద్దిరోజులుగా టీచర్, తాను ప్రేమించుకుంటున్నామని.. ఆమెతో కలిసి వెళ్లానని చెప్పాడు. దీంతో పోలీసులు టీచర్‌ను పిలిచి కౌన్సిలింగ్ ఇచ్చారు.

Share

• 
• 
• 
• 
• 
•